radheef.info
ރަދީފު


ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ކޮކާބުރުން
މ މަޖާޒު: އެނބުރުން އަރައިގެން ގޮސް ކުލަކުލައިގެ ކުދިކުދި އެތިކޮޅުތަކެއް މޫނު މަތީގައި އެނބުރޭގޮތަށް ލޮލަށް ފެންނަ ގޮތްވުން
ކޮއިލޮއްސި
ނ ޅަކުދިންރޯތީ އަތަށްދޭން ގެންގުޅޭ ކުޅޭ އެއްޗެހި
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮތަރިވިލާ
ނ ބައެއްމަހުގެ ހުޅުނބު ހުނަގޮތަށް ކުރެހުމަކަށް ވާނޭހެން އުޑުމަތީގައި ޖަހައިފައި ހުންނަ ވިލާ
ކޮލިމަތި
ނ (1) އޮޑިދޯނިފަހަރު ކިއްސަރުލައިގެން ބަނދެފައި ހުންނައިރު ދޯނީގެ އަރިމަތިން ފުއްޕުންލައިފައި ހުންނަތަން (2) ބަނޑުގެ ދެއަރިމަތިން ފުފިފައި ހުންނަތަން (3) ގުޅި ރުނބާ ފަދަ ތަކެތީގެ ފުއްޕުންލައިފައި ހުންނަ ތަން
ކޮލެޖް
ނ މަދުރަސާތަކުންނިމޭ ދަރިވަރުންނަށް ވަކިރޮނގަކުން މަތީތައުލީމު ދިނުމަށް ހުންނަ ތަޢުލީމުދޭ ތަންތަން
ކޮޑި
ނ (1) ރޮންދާގެ ތިލަޖަހާން ހަދައިފައި އޮންނަ ލަކުޑިގަނޑު. (2) އޮޑިފަހަރުގެ ތުންމަތީރިޔަލުގެ މައްޗަށްނަގާ ކަތިރިޔާ. މީގެ މޯރާކޮޅު އޮންނާނީ ތޫނުކޮންނެވެ. (3) ދިގުމިނާއި ފުޅާމިނާއި އުސްމިން ބޭނުންކޮށްގެން އަޅާމިނެއް. (4) ދިގުމިނާއި ފުޅާމިނާއި އުސްމިން އެއްވަރު
ކޮޕީކަރުދާސް
ނ ދެކަރުދާސްފަށް ދޭތެރެއަށް ލައްވައިގެންމަތީ ކަރުދާހުގައި ލިޔުނީމާ ދަށުކަރުދާހަށް ނަކަލު އަރާނޭގޮތަށް ހަދައިފައިވާ ކަރުދާސް
ކޯނާ
ނ ތޮށިން ފަޅުމައްޗަށް ހެދިފައި އޮންނަ ދެފައިކަށި ދޭތެރެ މިއީ ގުދުރަތީ ގޮތުން ހެދިފައި ހުންނަ ތަންތަނެއް
ކޯރި
ނ (1) ލޮލަށް އަވިނުދޭނޭހެން ނިތާދިމާއިން ނެރެފައި އޮންނަ މައްޗަށް ހިމައެއްޗެއް މިއީ މަސްވެރިންނަށް ޚާއްޞަ އެއްޗެކެވެ (2) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާގޮށްޓެއް (3) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރައިފާނެތީ އޭގައި ފުރާޅުގެ މަތިން ބަންނަ ފަންގަނޑު
ކޯރިބަނުން
މ (1) ފަންގަޑަކުން ކޯރިއެއް ހެދުން (2) ފުރާޅު ފޫދުއްވައި އަރައިފައި ހުންނަ މުޑިފަދަ ތަކެތީގައި ކޯރިފަންގަނޑު އެއްސުން
ކޯރިގަނޑު
ނ (1) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާ ގޮށްޓެއް (2) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރާފާނެތީ އޭގައި ފުރާޅުގެ މަތިން ބަންނަ ފަންގަނޑު
ކޯބިޔަ
ނ ފަރުމަހުގެ ބާވަތެއް. މިއީ އައްޓަމަހާ ސިފަ ވަރަށް އެއްގޮތް މަހެކެވެ. ބޯފަތިކޮށް އަނގައާއި ކަރުތާފަތް ބޮޑުކޮށް ހުންނަ މަހެކެވެ ނިގޫފަތުގެ ކޮޅުހުންނަނީ ހަނދުފަޅި ބުރަށް ކަފިކޮށްނެވެ ބުރިކަށިމައްޗާއި އަރިމަތީގެ ކުލައަކީ މުށިކުލައެވެ ބަނޑުދޮށް ހުންނަނީ ފަނޑު ހުދު ކުލައެއްގައެވެ
ކޯޅިތަށި
ނ އަނގަމަތީގައި ކޯޅިއެއް ހުންނަ ވަރުގެ ތައްޓެއް މިތަށި ޖޯޑު ވަތުތައްޓަކަށް ވުރެ ގޮނިވާނެއެވެ
އަށިގަނޑުކަނޮޅި
ނ މިޔަރުގެ ބާވަތެއް މީގެ ތަލަމަތީގައި އަށިގަނޑެއްހެން ހުންނަ ތަނެއް ހުރެއެވެ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނދުން
ނ (1) ގަލަދުން (2) ތެޔޮބައްތީން އެއްޗަކަށް އަރުވައިފައި ހުންނަ ދުން
އަނދުންކޫރު
ނ ކުޑަކުދިންގެ ލޮލުގައި އަނދުން އަޅުވާއިރު ލޮލުގެ ކުޑަކޮޅުންކަންފަތުގެ މަތީކޮޅާއި ހަމައަށް އަޅާ އަނދުން ރޮގެއް
އަނގަ
ނ (1) ދިރިއުޅޭ ތަކެތި އެއްޗެހި ކައިއުޅޭ ގުނަވަން. (2) އެއްޗެއްގެ އެތެރެޔަށް އެއްޗެހި އަޅާން ކަނޑައިފައި ހުންނަ ތަން. (3) މުލިހި ގަނޑު ފަދަ އެއްޗެހި ފަޅައިގެންގޮސް އެތެރޭން އެއްޗެހި ނުކުންނަތަން (4) އެތެރެއަށް އެއްޗެހި އެޅޭނޭހެން ނުވަތަ އެތެރޭގައި ހުސްތަން އޮންނާނޭހެން ހުންނަ ތަކެތީގެ ތެރެޔަށް އެއްޗެހި އަޅައި ނެރެހެދޭނޭގޮތަށް ކަނޑައިފައި ނުވަތަ ކެނޑިފައި އޮންނަ ތަން