radheef.info
ރަދީފު


ފ
އ (1) ތާނައިގެ އެގާރަވަނަ އަކުރު (2) ދިވެހި ހިސާބު އަކުރުގެ ދެވަނަ އަކުރު
ރަތްތިކިފާނަ
ނ ފާނައިގެ ބާވަތެއް މިމަހުގައި ގަދަރަތްކުލައިގެ ތިކިތަކެއް ހުރެއެވެ މަހުގެ ކުލައަކީ ރަތްކުލައެވެ ބަނޑުދަށް ފަރާތު ކޮތަރިބަޔާ ނިގޫފަތުގެ ކޮޅު ހުންނާނީ ވަށްކޮށެވެ މިމަހުގެ ނިގޫފަތުގައި ރަތްމުށިކުލައިގެ ފުރާރޮނގެއް ހުރެއެވެ
ރަތްލަފު
ނ އުފަންވާއިރު ބައެއްކުދިންގެ ހަމުގައި ހުންނަ ރަތްތަންތަންކޮޅު މިފުރަތަމަ ހުންނާނީ ލޭބޮތްކެއްގެ ސިފައިގަވެ ބޮޑުވިވީހެން ބޮޑަށް ފެތުރޭނެއެވެ މިތަންކޮއްޓާލައިފިނަމަ މާނާނުކުރެވޭ ވަރަށް ލޭ އަންނާނެއެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ
ރަސްމަތިފުށް
ނ ރަސްދަރިކޮޅު
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްގެފާނު
ނ އެގައުމެއްގެ ސިޔާސީ ނިޒާމަކަށް ރަސްކަން އޮންނަ ގައުމުތަކުގެ އެންމެ އިސްވެރިޔާ
ރަސްގެފުރެސްނޫ
ނ ރަސްކަމުގެ ބާރު
ރާހިފިނޮޅި
ނ ހިރި ފިނޮޅި
)ރާހިފެށުން( ރާހިލައިގަތުން
ނ ރާއްސަށް އިރުވަނުން
ރާނބާފަތް
ނ ރާނބާގަހުގެ ފަތް
ރާނބާފަތްހެދުން
މ ރާނބާގަހުގެ ފަތް ހިމަކޮށް ހުރަހަށްކޮށައި ކޮއްޗޭފަތާއެކު އަވީލައި ކުޑަކޮށް ހިއްކާލައި ހުވަނދުމާ އަޅައި އޭގައި މީރުވަސް ހިއްޕުން
ރާނބާފުވައް
ނ ފޯކުގެތެރޭގައި ހުންނަ ރާނބާފަތުގެ ރަހަ ހުންނަބޮޑެތި ފޯކެއް މިއީ ފޯކުގެ އާއިލާގެ ވައްތަރެކެވެ
)ކުރެހުމުގެ ބާވަތެއް( ރާޅުފަށް
ނ (1) ގޮނޑުދޮށަށް ރާޅުއަރާ ފައިބާވާ ހިސާބު (2) ކުރެހުމުގެ ތެރޭގައި ގުދުގުދުލާފާ ހުންނަ ރޮނގެއް
ރާޅުފަށްއެޅުން
މ ރާޅުފަށް ކުރެހުން
ރާޅުފެންފަށް
ނ ގޮނޑުދޮށަށް ރާޅު އަރާފައިބާ ހިސާބު
ރާޅުފޮށި
ނ (1) މާކަނާފޮށި. މިއީ މީގޮނޑު ދޮށަށް ލައްވެފައި ހުންނަ ރާޅުބިސް ވައްތަރުގެ އެއަށްވުރެ ބޮޑު އެއްޗެކެވެ ވައްކޮންނާއި ކުކުޅުބިސް ބުރަށް ހުރެއެވެ (2) ހިޔަމައިގެ ތޮށިގަނޑު
ރާޅުފޮނު
ނ ރާޅު މުގުރަމުން ބިންދަމުން ދާއިރު ފެންނަ ހުދުކުލައިގެ ބޮކިތައް
ރާޅުދޫފަށް
ނ ގޮނޑުދޮށަށް ރާޅުޖަހައިފައި ދަމާލާ ހިސާބު