radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފެންސިރުހެދުން
މ ލޮލަށް ފެންނަ ކޮންމެ އެއްޗެއް ބޭނުންވެގެން އުޅުން
ފެންޑާބޭލުން
މ ފެންޑާހެދުން
ފެންޑާމަތި
ނ ފެންޑާތެރެ
ފެންޕަމްޕު
ނ އެއްޗަކުން ފެންނަގަން ނުވަތަ އެކަތިން އަނެކައްޗަށް ފެން ބަދަލުކުރުމަށް ބޭނުންކުރާ އާލަތެއް
ފެންޖެހުން
މ (1) ފެންޖެހުމަށް ތައްޔާރުކޮށްފައި ހުންނަ ހޮޅިފަދަ އެއްޗަކުން ވިނަ ހައްދައިފައިވާ ތަންތަނަށާއި ގަސްގަހާގެއްސަށް ފެންދިނުން (2) މަގުމަގާއި އެކިއެކި ތަންތަނުގެ ހިރަފުސް ބޯވުމުން ފެންޖަހާ ހޮޅިން ނުވަތަ ފެންދޭ އެތިގަނޑުން ބިންގަނޑުތެންމުން (3) ފެންއުކުން (4) ކާށީގެ ދިޔަޖެހުން
ފެރަންހައިޓު
ނ ފިނިހޫނުމިން ބަލާ މީޓަރުގެ މިންތައް ބަހައިފައިވާ އުޞޫލަކަށް ކިޔާ ނަމެއް. މިމިންތަކުގައި ފެންގަނޑުވާ ފިނިމިނަކީ 23 ޑިގްރީއެވެ ފެން ކެކެން ފަށާ ހޫނުމިނަކީ 212 ޑިގްރީއެވެ
ފެއްތުން
މ (1) ފެންގަނޑެއްގެ ނުވަތަ ކަނޑުގެ އަޑިޔަށް ގެންބުން (2) ބާރުކޮށް ހުންނަ ގޮތަށް އެއްޗެއްގެ ތެރެއަށް އަނެއްކައްޗެއް ލުން (3) މަޖާޒު: މީހަކު ކުށެއްގައި ބެއްދުން (4) ފެތުން މިބަސް އަނެކަކު ލައްވައި ކުރުވުމުގެ މާނައިގައި ބޭނުންކުރާގޮތް
ފެފޫ
ނ ވެލެއްގައި އަޅާ ފުފުލާ އެއްވައްތަރަށް ހުންނަ ފުފުލަށްވުރެ ފެންގިނަ ތަރުކާރީއެއް
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން
ފެލައިލުން
މ (1) އަނބުރައިގެން ނުވަތަ ފިތައި ބާރުކޮށްގެން ފެން ނުވަތަ ދިޔަ ނެރެލުން (2) މަޖާޒު: މީހަކު ހައްލައިލައިގެން އެމީހެއްގެ އަތުން އެއްޗެހި ތަކެއް އަތުލައިގަތުން
ފެލޯޝިޕް
ނ ޔުނިވަރުސިޓީގައި ނުވަތަ ކޮލެޖުގައި އެއްފެންވަރެއްގެ ތަޢުލީމީ މީހުންނާއެކު މަސައްކަތް ކުރުމަށް މާލީ އެހީއާއެކު ލިބޭ ނުވަތަ ދެވޭ ފުރުޞަތު
ފޭރާން
ނ (1) އަންނައުނު (2) މަޖާޒު: އެއްޗެއްގެ ފެންވަރު މިސާލު: މިއީ ވަރަށް ފޭރާންދެރަ ޅެމެކެވެ
ފޭރާންހެޔޮވުން
މ (1) ވިޔާ އުޅޭ ތަކެތީގެ ވިޔުން ބަދަހިވުން (2) މަޖާޒު: ކުރާ ކަންތައްތަކުގެ ނުވަތަ ހަދާ އެއްޗެހީގެ ފެންވަރު ރަނގަޅުވުން
ފޭރާންދެރަ
ނއ މަޖާޒު: (1) ދޯހަޅި (2) ފެންވަރުދަށް
ފޭރާންދެރަވުން
މ މަޖާޒު: (1) ދޯހަޅިވުން (2) ފެންވަރުދަށްވުން
ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ފޮނި
ނ (1) މާމަލުގެ ކަރުގަނޑުގައި ހުންނަ އޮލަ ފެންފޮދު. (2) މާމުޔާއި ހަކުރު ފަދަ ތަކެތީގައި ދޭރަހަ. (3) މޭވާގައި ހުންނަ ހަކުރުގެ ރަހަ. (4) މަޖާޒު: ތިމާގެ މޮޅުކަމާއި ކުޅަދާނަކަން ދެއްކުމަށް ދައްކާ ވާހަކަ (5) ނއ ތިމާއާއި އެކަށީގެންވާ ވަރަށްވުރެ މައްޗަށް ބޮޑާވެގަނެގެން އުޅޭ އުޅުން (6) ދެވޭ ދޮން (7) އަރާމާއި ރާޙަތާއި އުފާ (8) ބަސްބަހުގައި ހުންނަ ބަލާޣަތްތެރިކަން
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮނުޖަހަންޏާކުރަނތްގަށްކަމުދާނެ
)މިސާލުބަހެއް( ނުލިބުނަކަސް ލޮލަށް ފެންނަންޏާ ކަމުދާނެއެވެ މިހެން ބުނެއުޅެނީ ހިތާވެގެން އުޅޭ މީހާއާއި ބެހޭގޮތުންނެވެ
ފޮރިކެ
ނ އިރުގައި މޫސުމަށް ރާއްޖެއައިސް އުޅޭ ދޫންޏެއް. މިއީފެންފޯއްދޫންޏާ ވައްތަރުގޮތެއް ހުންނަ ފެންފޯއްދޫންޏަށްވުރެ ބޮޑު ދޫންޏެކެވެ