radheef.info
ރަދީފު


ފަރާ
ނ (1) ފަންސަވީސް ނާޅި (2) )ގ ( ފަރު
ތަލި
ނ (1) އަނގައިގެ އެތެރޭގެ މަތީފަރާތާއި ދަށްފަރާތް (2) މަޑޫތަކުގެކޮޅު ޖައްސަން އޮޑިދޯނިފަހަރުގެ މައްޔަލުން ފަށްނަގައިފައި ހުންނަބައި (3) އަންހެނާގެ ރަޙިމް (4) ލަވަހޮޅި ޖަހާއެއްޗެހީގެ ހޮޅިގަނޑުގައި ޖެހެންހުންނަ ކަށިހުންނަބައި
ތަލުތެރެ
ނ މަސްދޯނިފަހަރުގެ ކޮޅުވަތާއި ހޭވަތާ ދެމެދުން ދެފަރާތުން އަޅައިފައި އޮންނަ ދެބެރިދޭތެރެ
ތަޚުޞީސްކުރުން
މ (1) ޚާއްޞަކުރުން (2) ލިޔުމެއްފަދަ އެއްޗެއް ވަކިފަރާތަކަށް ޚާއްޞަކުރުން
ތާރަ
ނ ވަށްކޮށް އޮންނަ އޮނިގަނޑެއްގެ އެއްފަރާތުގައި އެއްކޮޅުގައިހަން އަޅައިގެން ހަދައިފައި އޮންނައެއްޗެއް
ތާއްޔާޖެހުން
މ ކޮޅަށްއިންދައި ނުވަތަ ކޮޅަށްހުއްޓައި ނިދިޖެހިގެން ކޮންމެވެސް ފަރާތަކަށް ބޯވެއްޓުން
ތާފަތް
ނ (1) މަސްމަހާމެހީގެ ބޮލުގެ ދެފަރާތުގައި ހުންނަފަތްގަނޑު މިއީފެނުގެތެރެއިން ބޭނުންވާ އޮކްސިޖަން ލިބިގަތުމަށް ޙަރަކާތްކުރާއެއްޗެވެ (2) ރުއްރުކުގައި ގަންނައެއްޗެހީގެ ތަނޑު އެއެއްޗަކާގުޅިފައިވާބައި
ތިނެސްކަންބިބީ
ނ ފަރުފަރާއި ފަޅުފަޅުގައި އުޅޭ ބިބީ ޢާއިލާގެ މަހެއް މިމަހުގެ ކުލައަކީ މަޑުމުށިކުލައެވެ މުޅިމަހުގައި ގަދަމުށި ކުލައިގެ ކުރެހުމެއް ހުރެއެވެ ގިނަ ބިބީއާ ޚިލާފަށް ކޮތަރިބައި ރަނގަޅަށް ހުޅުވައިލައިގެން އުޅޭއިރު ތިނެސްކަންގޮތަށް ހުންނަމަހެކެވެ މިއީ ދިވެހިން ކައިއުޅޭ މަހެއްނޫނެވެ
ތިންއަރިއަށްބޯބޭލުން
ގބ ބޮލުން ބައެއް ނުބާލައި ބޮލުގެ ތިންފަރާތުން ބޯބޭލުން މިއީ އިހުގައި އަދަބެއްގެ ގޮތުން ކޮށްއުޅުނު ކަމެކެވެ
)ހަމައެކަނި އަންހެނުންނަށް( ތިޔަ
ނ (1) ވާހަކަދެކެވޭ ދެވަނަ ފަރާތުގެ ކައިރީގައި ހުރި އެއްޗަކަށް ނުވަތަ ގާތުގައި ހިނގާކަމަކަށް އިޝާރާތް ކުރުމުގެ ގޮތުން ބޭނުންކުރާ އިޝާރާތުގެ ނަމެއް މިސާލު: )ހ( ތިޔަމޭޒު )ށ( ތިޔަގޮނޑި )ނ( ތިޔަކަންތައް )ރ( ތިޔަގެ )ބ( ތިޔަވާހަކަ (2) )ޏ ( ކަލޭ
ތިޔަހަރަ
ނއ ވާހަކަދެކެވޭ ދެވަނަ ފަރާތާއި ކައިރީގައިހުރި މީހެއް ނުވަތަ އެއްޗެއް ދެއްކުމަށް އިޝާރާތްކުރާން ބުނާބަހެއް މިސާލު: )ހ( ތިޔަހަރަހުރިހާ އެއްޗެއް ގެންގޮސްބަލަ )ށ( ތިޔަހަރަކުއްޖާ ރީއްޗޭ
ތުނބުޅި
ނ ފިރިހެނުންގެ ދަތްދޮޅިއާއި ކޮލުގެ ދެފަރާތުން ކަންހުޅީގެތިރިން ފަޅާއިސްތަށި
ތުނބުޅިމަތިމަސްރޭކާލުން
ގބ ފިރިހެނުންގެ ދަތްދޮޅިއާއި ކޮލުގެ ދެފަރާތުން ކިރިޔަކިރިޔާ އިސްތަށިފެޅުން މިއީ މީހާގެ ޅަކަން ބަޔާންކޮށް ދިނުމުގެ ގޮތުން ބޭނުންކުރާ ބަހެކެވެ
ތުންބިބީ
ނ ފަތިކޮށް ކުރުކޮށް ހުންނަ މަހެއް މިއީ ބުރިކަށިމަތީގައި މަޑު މުށިކުލަ ހުންނަ ދެއަރިމައްޗާއި ބަނޑުދޮށް ފަރާތުގެ ކުލަ ރީނދޫ މަހެކެވެ
ތުންކުރުތޮޅި
ނ ތޮޅީގެ ބާވަތެއް މިއީ އެތެރެ ވަރީގައްޔާއި ފަރާ ކައިރީ ހިސާބުގައި އުޅޭ ތުންގަނޑު ކުރު ތޮޅިއެކެވެ
ތުންފަތް
ނ (1) އަނގައިގެ މައްޗާއި ތިރީގެ ކައިރިފަށް (2) ފަރުޖުގެ ދެފަރާތުގެ ކައިރިފަށް (3) ތެލިތަށިފަދަ އެއްޗެހީގެ ބޭރަށް މަޅައިލައިފައި ހުންނަ މަތީކައިރި (4) ވަޅުވަޅާއި ފެންއަރުވާ ވަޑާމާއި ފާރުފާރު ފަދަ ތަންތާގެ މަތީކައިރިން ބޯކޮށްފައިހުންނަތަން
ތުންދިގުބިބީ
ނ ފަރުފަރުގެ ބޭރުގައްޔާއި ފަޅުތެރޭގައި ހުންނަމުރަކަތަކުގެ ތެރޭގައި ދިރިއުޅޭ މަހެއް. މިމަހުގެ ކުލައަކީ ގަދަރީނދޫ ކުލައެވެ. މިއީ މަހުގެ ބަނޑުދަށްފަރާތުގެ ކޮތަރިބައިގައި ކަޅުކުލައިގެ ވަށްލަފެއް ހުންނަ ބޮލުގެ މަތީބައިގެ ކުލަކަޅު ތިރީބައިގެ ކުލަ ހުދުމަހެކެވެ މިއީބިބީ ޢާއިލާގެ މަހެކެވެ
ތުރާތަން
ނ (1) ދެދޮރު ދޭތެރެ (2) ކުރިމަތިފަރާތް
ތުރިއްޔާނު
ނ ސަމުގާގެ މިސުރާބެއް މިއީމުރިނގާ އެންމެ ކައިރިޔަށް ދެފަރާތުން ހުންނަ މިސްރާބެވެ
ތުއްރަވާސްގަސް
ނ އެއްތަނޑަކަށް ވަރަށް ދިގުކޮށް މައްޗަށް ހިމަކޮށް ތިރިޔަށް ފަލަކޮށް ހެދޭގަހެއް މިގަހުގެ ބޮޑެތި ފަތްތައް ހުންނަނީ ގަހުގެ ވަށައިގެން ބަރިބަރިއަށް ނުކުމެފައެވެ އެފަތުގެ ދެފަރާތުގައިވާ ކުދިފަތްތައް ހުންނަނީ ހިމަފޯލިތަކެއްހެންނެވެ
ތުފު
ނ )ބދ ( ފުރަގަސްފަރާތުދޮރު