radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
އޮފުކެނޑުން
މ (1) އޮފުފިލުން މަޖާޒު: (2) މީހެއްގައިހުންނަ އައުކަންކެނޑުން (3) މިންވަރަށްވުރެ އަރައިހުރި މީހަކު އޭނާގެ މިންވަރަށް ދަށްވުން
އޮތްއެމާދުއްވުން
(1) ކުރީދުވަހު ލަބަރީގައި އަޅާފާއޮތް އެންހިފައިގެން މަހާ ދުއްވުން (2) މަޖާޒު: މަޤްޞަދެއް ނުފުދޭ ގޮތުގައި ކަމަކާ އުޅުން
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
އޮޑާލުން
މ (1) އޮޑާއިން އެއްޗެއްމެށުން މަޖާޒު: (2) އޮޑާއިން އެއްޗެތި މަށާއިރު އޮޑާގެ ޙަރަކާތް ހުންނަގޮތަށް އަތްފައިން ޙަރަކާތްކޮށް ވައްތަރު ޖެއްސުން މިއީމީހުން ރުޅިއެރުވުމަށް ޖައްސާ ވައްތަރެކެވެ
އޮޑިބަންބޮނޑި
ނ މަޖާޒު: ރިހާކުރު ބޮނޑިއެއް މިބޮނޑިއަށްވާގޮތަކީ ފަޅަން އުޅެހަރުކަމުން އަތުން ނުފެޅިގެން ނުކައި ބާއްވަނީއެވެ ދެން އޮންނަ ކެއުމުގެ ވަގުތުގައިވެސް ހަމައެބޮނޑި ނަގާނެއެވެ ނަމަވެސް އެފަހަރުވެސް ނުކެވިގެން ބާއްވަނީއެވެ މިހެންގޮސް އެތައް ދުވަހެއް ވާއިރުވެސް )އޮޑި ބަނދެނިމޭ އިރުވެސް( ބޮނޑިއޮތް ގޮތަށް އޮންނަނީއެވެ
އޮޑިމަތީއޮޑި
ނ (1) އޮޑިކޮޅު ތަންތަނަށް ދާއިރު އެއާއެކު ދިއުމަށް އޮންނަ އޮޑި މަޖާޒު: (2) މީހެއްގެ ބަދަލުގައި ހުންނަމީހާ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
ވަހަށްއައުން
މ (1) ވަހުގެ އިޙްސާސް ލިބިގެން އެދިމާއަކަށް އައުން (2) މަޖާޒު: ކަމަކަށް ކައްކައިގެން އުޅޭތަނަކަށް ނުގޮވަނީސް އައުން
ވަހެއް ދުވުން
މ (1) ކޮންމެވެސް ވަހެއް ނޭފަތަށް އިޙުސާސްވުން މަޖާޒު: (2) ކަމެއް ހިނގާކަން ތިމާއަށް އެނގިގެން އެހެން މީހުންނަށް އެންގުމަށްޓަކައި އިޝާރާތަކަށް ބުނެއުޅޭ ބަހެއް (3) ކަމަކާ ދޭތެރޭ ގޮތަކަށް ހީވުން
ވަށައިއެނބުރުން
މ (1) އެއްޗެއް މެދަށް ލައިގެން ވަށައިގެން ބާރަށް ހިނގުން ނުވަތަ ދުވުން (2) މަޖާޒު: އެއްތަނަކުން އިރުއިރުކޮޅުން ފެނުން
ވަށިބޭލުން
މ (1) ދަތުރުވެރިއެއްގެ ގޮތުގައި އުޅޭއިރު އަންނައުނުލާން ގެންގުޅޭ ވަށިފޮށި ގެއެއްގައި ބަހައްޓައިގެން އުޅުން (2) މަޖާޒު: އިހަށްވަދެ ނޫޅޭތަނަކަށް ވަދެ ގަދަކޮށްލައިގެން އުޅުން
ވަށިވަށީންދިނުން
މ (1) އެންއުކާއިރު ދޭތެރެ އަވަސްކުރުމާއި ގިނަކުރުމަށް ގިނައެން ވަށިވަށީން ނަގަނަގައިފައި އުކުން (2) މަޖާޒު: ކަމަކާ ހިތާނުވެގެން މީހަކާ ދިމާއަށް މާގިނައިން އެއްޗެތި ގޮވުން
ވަނދު
ނއ (1) މޭވާ ފަދަ އެއްޗިއްސަށް ލިބޭ ގެއްލުމަކުން އެ އެއްޗެއް ހަރުވެ ފުރިހަމަ ނުވާންވާގޮތް ވަނދު ވީމާ ވާގޮތަކީ ދޮންވެ ފައްކާ ނުވެ ގަސްދޮށަށް ވެއްޓެނީއެވެ (2) މަޖާޒު: ކަމެއްގައި ހުންނަންވީ ފުރިހަމަ ކަން ނެތުމުން ވާގޮތެއް
ވަނދުވުން
މ (1) މޭވާ ފަދަ ތަކެތި ލިބޭ ކޮންމެވެސް ގެއްލުމަކުން ހަރުވެ ފުރިހަމަނުވާގޮތްވުން (2) މަޖާޒު: ކަމެއްގައި ހުންނަންވީ ފުރިހަމަކަން ނެތުން