radheef.info
ރަދީފު


މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
ވަހަށްއައުން
މ (1) ވަހުގެ އިޙްސާސް ލިބިގެން އެދިމާއަކަށް އައުން (2) މަޖާޒު: ކަމަކަށް ކައްކައިގެން އުޅޭތަނަކަށް ނުގޮވަނީސް އައުން
ވަހެއް ދުވުން
މ (1) ކޮންމެވެސް ވަހެއް ނޭފަތަށް އިޙުސާސްވުން މަޖާޒު: (2) ކަމެއް ހިނގާކަން ތިމާއަށް އެނގިގެން އެހެން މީހުންނަށް އެންގުމަށްޓަކައި އިޝާރާތަކަށް ބުނެއުޅޭ ބަހެއް (3) ކަމަކާ ދޭތެރޭ ގޮތަކަށް ހީވުން
ވަށައިއެނބުރުން
މ (1) އެއްޗެއް މެދަށް ލައިގެން ވަށައިގެން ބާރަށް ހިނގުން ނުވަތަ ދުވުން (2) މަޖާޒު: އެއްތަނަކުން އިރުއިރުކޮޅުން ފެނުން
ވަށިބޭލުން
މ (1) ދަތުރުވެރިއެއްގެ ގޮތުގައި އުޅޭއިރު އަންނައުނުލާން ގެންގުޅޭ ވަށިފޮށި ގެއެއްގައި ބަހައްޓައިގެން އުޅުން (2) މަޖާޒު: އިހަށްވަދެ ނޫޅޭތަނަކަށް ވަދެ ގަދަކޮށްލައިގެން އުޅުން
ވަށިވަށީންދިނުން
މ (1) އެންއުކާއިރު ދޭތެރެ އަވަސްކުރުމާއި ގިނަކުރުމަށް ގިނައެން ވަށިވަށީން ނަގަނަގައިފައި އުކުން (2) މަޖާޒު: ކަމަކާ ހިތާނުވެގެން މީހަކާ ދިމާއަށް މާގިނައިން އެއްޗެތި ގޮވުން
ވަނދު
ނއ (1) މޭވާ ފަދަ އެއްޗިއްސަށް ލިބޭ ގެއްލުމަކުން އެ އެއްޗެއް ހަރުވެ ފުރިހަމަ ނުވާންވާގޮތް ވަނދު ވީމާ ވާގޮތަކީ ދޮންވެ ފައްކާ ނުވެ ގަސްދޮށަށް ވެއްޓެނީއެވެ (2) މަޖާޒު: ކަމެއްގައި ހުންނަންވީ ފުރިހަމަ ކަން ނެތުމުން ވާގޮތެއް
ވަނދުވުން
މ (1) މޭވާ ފަދަ ތަކެތި ލިބޭ ކޮންމެވެސް ގެއްލުމަކުން ހަރުވެ ފުރިހަމަނުވާގޮތްވުން (2) މަޖާޒު: ކަމެއްގައި ހުންނަންވީ ފުރިހަމަކަން ނެތުން
ވަނި
ނ (1) ފުއްޓަރު ފަރާތުގައި ގޮނި ގޮންޏަށް ވަދެފައި ހުންނަ އޮއިހެޔޮ ވަތްހެޔޮ ތަންތަން މަޖާޒު: (2) ނަހަމަގޮތުގައި ބައްދަލުވެއުޅޭ އެކަހެރި ތަންތަން (3) މަޖާ ވާހަކަ ދައްކައި ނުވަތަ ކޮންމެވެސް ކަމަކަށް ސައްލާކޮށް އުޅުމަށް ކަނޑައެޅޭ ބަޔަކު އެއްވާ ތަން
ވަރަބިނދުން
މ )ޏ ( (1) ދޫނީގެ ވަރަފަތް ބިނދުން (2) މަހާނަމަތީގެ ފަސްގަނޑު ކެނޑިގެން ތިރިވުން (3) މަޖާޒު: މީހެއްގެ މަޤާމާއި ޤަދަރު ދަށަށް ދިއުން
ވަބާ
ނ (1) ރޯގާގެ ގޮތުން ފެތުރޭ ބޮޑެތި ބަލިބަލި (2) މަޖާޒު: ކަމެއްގެ ނުވަތަ މީހެއްގެ އުނދަގޫ މާބޮޑުވުމުން ބުނެއުޅޭ ބަހެއް
ވަޅުގަނޑަކަށްވެއްޓުން
މަޖާޒު: މީހަކު ނުރައްކާތެރިކަމަކަށް ހުރަހެޅުން މިހެންބުނެއުޅެނީ އެމީހަކަށް އިންޒާރުކުރުމުގައި ދޭ މިސާލެއްގެ ގޮތުންނެވެ
ވަޅުޖައްސައިލުން
މ އެއްޗެއް ފަސްގަނޑުތެރޭ ނިވާކޮށްލުން މަޖާޒު: ހިނގާފައިވާ ނުރަގަޅުކަމެއް ވަންހަނާ ކުރުން
ވަޅުޖެހުން
މ (1) ފޭހިފައިވާ ދަގަނޑެއް ކުރައްޖެއްފަދަ އެއްޗެއް ބިމަށް ހަރައިގެން ވަޅެއް ހެދުން. މިކަމަށް ވަޅުހެރުން މިހެންވެސް ކިޔައެވެ. (2) ބިމުގައި ފޮރުވިލާވަރަށް ވަޅުލެވުން. (3) މަޖާޒު: ކަމެއް ކުރާންވެގެން ވާހަކަ ދައްކައިލައިފައި ވީނުވީގޮތެއް ނޭނގި އެކަމެއް ހުއްޓުން
ވަޅޯވުން
މ (1) ރޯ އެއްޗެހި ތާޒާކަން ކެނޑި މިލާގޮތްވުން (2) މަޖާޒު: މީހާގެ ހިތްވަރު ދެރަވުން
ވަކަ
ނ (1) ބައެއްގަސްގަހުގެ ބޭރުތޮށީގެ އެތެރެފަރާތުގައި ހުންނަ ފަށްފަށަށް ނެގޭ ތޮއްޓެއް (2) ނއ މުރަނަކަން ކެނޑި ތަތްވުމާއެކު މަޑުވާ މަޑުވުން (3) މަޖާޒު: ކަންތައް ކުރުމުގައި ވާންވީ ވަރަށް ވުރެ ލަސްލަހުން ކުރެވޭ ތަތްގޮތް
ވަކަރާގު
ނ (1) ވަޅޯކޮށް ކިޔާ ރާގު (2) އަކުރުދަމައިފައި ކިޔާ ދިގުރާގު (3) ވާހަކަދެއްކުމުގައި ހުންނަގޮތް (4) މަޖާޒު: ކަންތަކުގައި ވާންވީ ވަރަށް ވުރެން ލަސްކޮށް އުޅޭއުޅުން
ވަކަރުޖެހުން
މ (1) ރުއްކަނޑާންވެގެން ވަކަރުލާތޯބަލާން ފުރޮއިން ހޮނދުޖަހައިލުން (2) މަޖާޒު: މީހާގައިހުރި ހަރުދަނާކަމެއް ބަލައިލުން
ވަކަވުން
މ (1) މުރަނަކަން ކެނޑި ތަތްކަމާއެކު މަޑުވުން (2) މަޖާޒު: ކަންތައް ކުރުމުގައި ވާންވީ ވަރަށްވުރެ ލަސްވުން