radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އަށިގަނޑުކުޅުން
މ ދެމީހުންގެ ހަތަރު އަތުން އަށިގަނޑެއްހެން ހަދައިގެން އެއިގެ މައްޗަށް އެހެން މީހަކު އެރީމާ އެއްލައިލުން މިއީ މޫދުގައި ކުޅޭ ކުޅިވަރެކެވެ
އަށިގެ
ނ ގޭގެ ބޮޑުމިނަށް އައްޓެއް ލައިފައި ހުންނަގެ މިއީ އިހުގައި ފިރިހެނުން މަޖިލިސްކުރުމާއި އަންހެނުން ނަމާދުކުރުން ފަދަ ބޭނުމުގައި ހަދައިއުޅުނު ގެއެކެވެ ރަށްފުށުގައި ފަރުދޭސީން ނިދާންވެސް މިކަހަލަ ތަންތަންހުރެއެވެ
އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
އަނބު
ނ ބިޔަވާ ގަހެއްގައި އަޅާ މަޝްހޫރުމޭވާއެއް. މިއީ ގިތިއިރު ހުތް ދޮންވީމާ ފޮނިމޭވާއެކެވެ މިޔަށް "ފޮނިއަނބު" މިހެންވެސް ކިޔައެވެ
އަނބުރާނޮޅި
ނ ދުންބޯނޮޅީގެ ބާވަތެއް މިއީ ދުންބޯން ބޭނުންކުރާބައި ވަކިން ނެގޭގޮތަށް ހުންނަ ނޮޅިއެކެވެ
އަނބުރާނޮޅި
ނ ދުންބޯނޮޅީގެ ބާވަތެއް. މިއީ ދުންބޯން ބޭނުންކުރާ ބައި ވަކިންނެގޭ ގޮތަށް ހުންނަ ނޮޅި އެކެވެ
އަނބުއޮނުމަދު
ނ ފުށެތިކާލު އަނބުއޮށުމަދު މިއީމަޝްހޫރު މީރުމަދެކެވެ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގަހެދުން
މ އެއްޗެހި ކިޔާއިރު ނުވަތަ ކާއިރު އަނގަޔަށް ގޮތްގޮތްހެދުން މިއީ އެއްޗެހި ކިޔާއިރު އެކިއެކި މަޚުރަޖު ނެރޭންވެގެން ހަދާގޮތެކެވެ އެއްޗެއް ކާއިރުގައިނަމަ އޭގައި ދޭރަހައެއްގެ ސަބަބުން ހެދޭގޮތެކެވެ
އަނގަރަކާ
ނ ބޮޑުމުސްކުޅި ބޭކަލުންގެ ޚާއްޞަ ރަސްމީ ލިބާހެއް މިއީ ކަކުލަށްވުރެ ތަންކޮޅެއް މައްޗަށް ހުންނަ ބަނޑުފެޅި ލިބާހެކެވެ މީގެއަތުކުރީގައި އޮންނާނީ ސަންޖާބު އަޅައިފައެވެ
އަނގަފަޗަރާ
ނ ފޮނިވާހަކަ ދައްކައި ސަޅިކަނޑައި އުޅޭ އަނގަގަދަމީހާ މިއީވެސް މަލާމާތުގެ ގޮތުން ބުނާބަހެކެވެ
އަނގަފާރު
ނ ހޫނުން އަނގައިގައި ހެދޭ ފާރެއް މިއީވަރަށް ގިނައިން މީހުނަށް ޖެހޭ ބައްޔެކެވެ
އަނާ
ނ (1) އަހަރެންނޭ ބުނާބަސް މިބަސް ބޭނުންކުރަނީ ޅެމުގައެވެ (2) އިންޑިއާގެ ސިއްކައެއް އެއީ ރުފިޔާއެއްގެ ސޯޅަބައިކުޅައެއްބައެވެ
އަން
ނ ތިމާދޭ އެއްޗެއްގައި އަނެކާހިފާން ކުރާ އަމުރު މިއީ ކަމެއްގެ ނަމެކެވެ
އަންގާ ނަކަތްތެރިކަން
ނ ނަކަތްތެރިކަމުގެ ބާވަތެއް. މިއީ ދުވަސް ހަތްބައަކަށް ބަހައިގެން ބަލާ ނަކަތްތެރިކަމެކެވެ. އެހަތްބަޔަކީ ބަވަ އުފަދާނަ ތިރުނަ ވެދާނެ ވިންނާނަ އަވިންނާނަ ހަންގިސްކާރަ މިއެވެ
އަރަހުށި
ނއ ހުރިހައިގޮތަކުން ހުރިހައި އެއްޗަކަށްވުރެ މަތިވެރި މިއީ މާތް ރަސްކަލާނގެ ސިފަފުޅެކެވެ މިބަސްބޭނުންކޮށް އުޅެނީ ﷲގެ އިސްމުފުޅާއެކު ގައެވެ
އަރަފާތު
ނ މައްކާއިން ބާރަ މޭލު ދުރުގައިވާ މުޤައްދަސް މައިދާނެއް މިއީ ތިރި ފަރުބަދައެކެވެ މިތާނގައި އިރުކޮޅަކު ތިބުމީ ޙައްޖުގެ ރުކުނެކެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރާރިހި
ނ ދަނޑިޔާ ދާ ހަނގުބޭކަލުން ރަށްރަށަށް އެރީމާ ދޭންވާ ލާރި މިއީ އިހުގައި ކުރާ ކަމެކެވެ
އަރާރޫޓް
ނ ކުޑަކުދީންނަށާއި ބަލިމީހުންނަށް ދޭން ގެންގުޅޭ މަޝްހޫރު ފުށެއް މިއީ ގަހެއްގެ ގޮނޑިންނަގާ ފުށެކެވެ