radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ގޮވާންކުރުން
މ ކާބޯތަކެތި އަޅާޒާތުގެ ގަސްގަހާގެހި އިންދައިހެއްދުން
ގޮވެލި
ނ (1) ކިޔައި އުޅުމަށް އެކުލަވައިފައި ހުންނަ ބަނދި ފާޑުގެ ތަކެތި (2) މަޖާޒު: އެއްޗަކަށް ނުވާގޮތަށް ކިޔާފަތިވަރު
ގޮދަޑި
ނ އިށީނދެ އޮށޯވެ ލެނގި ހަދާ ތަންތާނގައި އެޅުމަށްޓަކައި ހަދައިފައި ހުންނަ އެއްޗެއް މިޢާއްމުކޮށް ހަދައިފައި ހުންނަނީ ކަފަ ނުވަތަ ބޮނބި ނަރުލައްވައި ގެންނެވެ ރަބަރާއި ބޮނބިނަރު އެއްކޮށްގެންނާއި އިސްޕަންޖު ފަދަ ތަކެތިންވެސް ހަދައެވެ
ގޯޑި
ނ (1) މައުދަނީ ތަކެތިން ހަދައިފައިވާ ތަށިތެލި ފަދަ ތަކެތި ވާ ބަނޑި (2) ލަކުޑި ފިލާފަދަ ތަކެތި އެތެރެއަށް ގޮނިވާ ގޮތަށް ދަމާ އޮރި
ގޯޑިއެރުން
މ (1) މަޢުދަނީ ތަކެތިން ހަދައިފައިވާ ތަށިތެލި ފަދަ ތަކެތި ބަނޑިވުން (2) ލަކުޑި ފިލާ ފަދަ ތަކެތި އެތެރެއަށް ގޮނިވާ ގޮތަށް އޮރިދެމުން
ސަނގަލާޖެހުން
މ (1) ނަންނުގައްޗާއި ހަރުފަ ފަދަ ތަކެތި ފަށަކާޖެހި ފަށެއް އޮންނަހެން މަތިމައްޗަށް ވަށްކޮށް އޮޅައިލައިގެން އޮތުން (2) ސަނގަލާޖެއްސުން
ސަންބޯލް
ނ (1) ކާށިހުންޏާއި މަހާއި ހިކިމިރުސް ފަދަ އެއްޗެހި އެއްކޮށްގެން ހަދާ މަސްހުނި ފާޑުގެ ލައިގެންކާ އެއްޗެއް. (2) ފިޔާގެ ތެރެއަށް ހިކިމަހާއި ހަކުރާއި ހިކިމިރުހާއި ފޮނިތޮށި ފަދަ ތަކެތި އަޅައި ތެލުގައި ކައްކައިގެން ތައްޔާރު ކޮށްފައި ހުންނަ ލައިގެންކާ ހިކި އެއްޗެއް
ސަރުބަތު
ނ (1) ހަކުރާއި ފެނާ އެއްކޮށް ކޮންމެވެސް ކަހަލަ އެސެންސަކުން ރަހަލައްވައިފައި ހުންނަ އޮލަފަނި (2) މޭވާ އަކުން ނަގައިފައިވާ ޖޫހަށް ހަކުރު އަޅައި އޮލަކޮށްފައި ހުންނަ ފަނި (3) ބޭހަށް ބޭނުންކުރުމަށް ބައެއް ބާވަތުގެ ތަކެތިން ކައްކާ އޮލަފަންޏެއް މިސާލު: ވޭމުއި ސަރުބަތު
ސަރުމޭގަޅަ
ނ )ބދ ( (1) ވަރަލިބޭ ތަކެތި (2) ދިރޭތަކެތި ތެރެއިން ފިޔަހުންނަ ތަކެތި
ސާޅަނގަ
ނ ގާފަދަ ތަކެތި ދުރަށް އުކަންގެންގުޅޭ އެއްޗެއް
ސިންކު
ނ (1) ސަތޭކަ ފަދަމް (2) ހިސާބު އަކުރު ކަނާތުން ވާތަށް ގުނާއިރު އަށާރަވަނަ އަކުރުގެ ވަޅަށް ކިޔާނަން (3) ތަށިދޮވުން ފަދަ ކަންތަކުގައި ބޭނުން ކުރުމަށް މައުދަނީ އެއްޗަކުން ހަދައިފައި ހުންނަ ތައްޓެއް މީގެ އެއްކޮޅު ހުންނާނީ ތަށިފަދަ ތަކެތި ބެހެއްޓޭގޮތަށެވެ
ސިކާރަކުރުން
މ (1) އެއްޗަކަށް ތަކެތި އަޅައި ނުވަތަ ލައި ފުރާލުން (2) އެއްގަމު ކެޔޮޅުކަން ކުރުން
ސިލު
ނ ތަކެތި ބަންދުކޮށްފައި ޖަހާސިއްކަ ނުވަތަ ނިޝާން
ސިޓީބިޓީ
ނ ސިޓީޔާ އެފަދަ ތަކެތި
ސިޓީއުރަ
ނ ސިޓީފަދަ ތަކެތި ލުމަށް ހަދައިފައި ހުންނަ އުރަ
ސުންކަންނެގުން
މ (1) ޖަމާޢަތެއްގެ ބަޔަކު ނުވަތަ ރަށެއްގެ ރައްޔިތުން ފަދަ ބައެއްގެ ތެރެއިން ގަސްދުކުރާ ކަމަކަށް ކަނޑައެޅޭ އެއްޗެއް ނެގުން (2) އިހުގައި ހަވަރުގެ ބަޔަކު ނިކުމެގެން ފިހާރަފިހާރައިން ނަގައި އުޅުނު ލާރިއެއް ނެގުން (3) އިހުގައި އަންނަ ބަނގަލާ ބޯޓްފަހަރުން ނަގާ ތަކެތި ނެގުން
ސުރުވާ
ނ މަސް ނުވަތަ ތަރުކާރީ ފަދަ ތަކެތިން ވަކިގޮތަކަށް ތައްޔާރު ކުރާ ބުއިމެއް
ސޫޓުކޭސް
ނ ދަތުރު ކުރާއިރު އަންނައުނު ފަދަ ތަކެތި ލާފޮށި
ސެންސަރު
ނ ޢާއްމުކޮށް ދައްކާ ފިލްމާއި ތަމްސީލާއި ޢާއްމުކޮށް ނެރޭ ނޫހާއި މަޖައްލާ ފަދަ ތަކެތި ކުރާފާސް
ސެންސަރުކުރުން
މ ޢާއްމުކޮށް ދައްކާ ފިލްމާއި ތަމްސީލާއި ޢާއްމުކޮށްނެރޭ ނޫހާއި މަޖައްލާ ފަދަތަކެތި އެތަނެއްގެ ޤާނޫނީ އިޖްތިމާޢީ ހަމަތަކަކަށް ފެތޭތޯ ބަލައިފާސްކުރުން