radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
މަލިމަ
ނ (1) ތަސްބީހަފަތި އަމުނައިފައިއޮންނަ ރޮދީގެ ދެކޮޅު މަހައި މާގަނޑު ލައިފައިއޮންނަބައި )ސަތޭކަ ހަމަވާނީ މަލިމަލައިގެންނެވެ ( (2) ރ ގިއުޅުފާޑުގެ ކަޅުމަހެއް )އުރަފަށުގައި އުޅޭ ހޮނޑަލި ފަހަތުން ފުމޭ މަހެއް
މަލްކާލި
ނ )ޏ ( ރޯދަމަހުގެ އެއްވަނަ ރެއަށް އުނިމާ ނުވަތަ އެހެން ބާވަތެއްގެ ވިޔަސް މާޖަހާވޮށް ބައިނުގެ ތިރީގައި އެލުވާއެތި މިއަށް "މަލްވަށި" މިހެންވެސް ކިޔައެވެ
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މަގުފުރެއްދުން
މ (1) ތެދުމަގުން އެއްކިބާ ކުރުވުން (2) މަޖާޒު: މީހަކަށް ނުބައި ނަޞޭޙަތާއި ވަސްވާސް ދީގެން ހެއްލުންތެރިކުރުވުން
މަގުފުރެދުން
މ (1) ތެދުމަގުން އެއްކިބާވުން (2) މަޖާޒު: މީހެއްގެ ނުބައި ނަޞޭޙަތަށް ހެއްލުންތެރިވުން
މަގޫމަދު
ނ މަގޫ ދަނޑީގެ އެތެރޭގައި ހުދުކޮށް އޮންނަބައި
މަސައްކަތުދިއުން
މ (1) އާމްދަނީ ހޯދުމަށް އާދަކޮށް ކުރާކަމެއް ކުރަން ދިއުން (2) ބަޔަކުކުރާ މަސައްކަތެއްގައި ބައިވެރިވާން ދިއުން
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސް
ނ (1) ފެނުގައި ދިރިއުޅޭ ކޮތަރިއާއި ނަގޫފަތް ހުންނަ ދިރޭ އެއްޗެއް. )މީގެގިނަ ބާވަތްތަކަކީ ކާންބޭނުންކުރާ އެއްޗެއްސެވެ.( (2) އިންސާނުންނާއި ޖަނަވާރާއި މަސްމަހާމެއްސާއި. ދޫނިސޫފާސޫފީގެ ހަށިގަނޑުގައި ހަމާ ކައްޓާ ދެމެދުގައި ހުންނަބައި. (3) އިހި ބޮލި ރާކަނި ފަދަތަކެތީގެ އެތެރޭގައި އޮންނަބައި (4) އަހަރެއްގެ ބާރަބައި ކުޅަ އެއްބައި (5) ދޫމިޖަހާހެން ބިލެތުގައި ޖަހާ އެއްޗެއް (6) އިންސާނުންނާއި އެނޫންވެސް ބަނޑުއަޅާ ވިހާ އެއްޗެހީގެ ދަރިންގެ ފޫޅު ދަނޑިއާ ގުޅިފައި އޮންނަ އެއްޗެއް
މަސްބައި
ނ މަސްބަހާއިރު އަޅާ ބައިތަކުގެ ތެރެއިން ބައެއް
މަސްކޮށި
ނ (1) މަސްލައިފައި ބައިތިއްބުމަށްޓަކައި ފަޅުތެރޭގައި ދަނޑި ނުވަތަ އެނޫންވެސް އެއްޗަކުން ހަދައިފައި ހުންނަ ކޮށި (2) މަސްގެންގުޅޭން ބިއްލޫރި ޖަހައިގެން ހަދައިފައިހުންނަ ކޮށި (3) މަސްހިފުމަށްޓަކައި ކަނޑަށް ފައްތަން ހަދައިފައިހުންނަ ކޮށި
މަސްއައިން
ނ ކަނޑުގައި އުޅޭ މަހުގެ ބައިބައިގަނޑު
މަސްއެރުން
މ (1) ފާރުގަނޑު ފަސޭހަވަމުން އައުން (2) ލޮލުން މަސްނުކުތުން (3) ފަޅުފަޅަށް ބައިބައިގަނޑަށް މަސްވަނުން
މަސްމުގުރާން
ނ އެމުގެ ބާވަތެއް. މިއީ ކަންފަތްގަނޑުގެ ދިގުމިން ބޮލުގެ ދިގުމިނާ އެއްވަރު ލޯބޮޑު އަނގަކުޑަ އެއްޗެކެވެ މިއެމުގެ މަތީ ކޮތަރިބަޔާއި ބަނޑުދޮށްފަރާތު ކޮތަރިބައިގައި ހުޅުނބު ފަޅައިފައި ހުންނާނެއެވެ މިއެމުގެ މަތީބައި ނޫވާނެއެވެ އަރިމަތި ރީނދޫވާނެއެވެ ލޮލުން ފެށިގެން ނިގޫފަތުގެ ބުޑާ ހަމައަށް ފުޅާފަށެއް ހުންނާނެއެވެ
މަސްތުރަވުން
މ ކުއްޖާ ދުނިޔެއަށް އަންނައިރު ކުއްޖާގެ ފޫޅުދަނޑިއާ ގުޅިފައިވާބައި މައިމީހާގެ ބަނޑުން ބޭރުވުން
މަސްގަނޑު
ނ (1) ފަޅުމަތީގައި ނުވަތަ ފަރުމަތީގައި އުޅޭ މަހުގެ ބައިބައިގަނޑު (2) މަހުން ވަކިގޮތަކަށް ކަނޑައިގެން ނަގާބައެއް )ޢާއްމު ގޮތެއްގައި މަސްގަނޑަކީ އާދައިގެ މަހެއްގެ ހަތަރުބައިކުޅަ އެއްބައެވެ
މަސްޖިދުލްއަޤްޞާ
ނ މުސްލިމުންގެ މުޤައްދަސް ތިން މިސްކިތުގެ ތެރެއިން ބައިތުލް މަޤްދިސްގައި ހުންނަ މިސްކިތް )މިއީ މުސްލިމުންގެ ފުރަތަމަ ޤިބްލައެވެ
މަޑި
ނ (1) މޫދުގައި އުޅޭ ނަގުލެއް އޮންނަ ފަތިމަހެއް. (2) ތެލަނގައާއި ވާލާއި ކޮކާފަދަ އެއްލަން ގެންގުޅޭ ގުޑީގެ ބާވަތެއް. (3) ބޯފިޔަގަނޑެއް އޮންނަ ރުކުގެ ކުރިގަނޑަށް ގެއްލުންދޭ ރޭގަނޑަށް އުދުހޭ ސޫތްޕެއް (4) ސައިކަލާއި ބައިސްކަލް ފަދަތަކެތީގައި އިށީންނަތަން (5) ނއ ފުރާޅުގެ ފެންފަހިވާގޮތް ކުޑަ
މަޑިކަރުވޮށި
ނ ފައްޓަރު ބައިގެ މަހިކުރެހުމަށް ރަން ނުވަތަ ރިހިނަރު ދަމައިގެން ދެފަށް އެއްކޮށް އަނބުރައިގެން ހަދާނަރެއް
މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު