radheef.info
ރަދީފު


ވ
ތާނައިގެ ނުވަވަނަ އަކުރު
ޒިކުރުވެރިން
ނ (1) އިމާމަކަށް ވެގެން މާލޫދާއި ޒިކުރުލަވަ ފަށައި ހުއްޓުމުގެ ހުއްދަ ސަރުކާރުން ދެއްވައިފައި ތިބޭމީހުން (2) ސަމާތާރަ ޖެހުމާއި އެކަމުގެ ލަވަކިޔާ މީހުންނަށް ކިޔާނަން
ޒިކުރުލަވަ
ނ ޒިކުރު ކުރުމުގައި ކިޔަން ހަދައިފައި ހުންނަލަވަ
ޒިއްމާވުން
މ ޒިންމާވުން
ޒިޔާރަތްއެރުވުން
މ ޒިޔާރަތް ހެދުން
ޒީލަގަދަވުން
މ ކުއްލިގަދަރުޅި އަންނަގޮތް ބޮޑުވުން
ޒުވާނާ
ނ ޒުވާންމީހާ
ޒުވާނުން
ނ (1) ޒުވާން ފުރައިގެ މީހުން (2) މަޖާޒު: ޒުވާންކަންމަތީ ތިބޭމީހުން
ޒުވާން
ނ (1) ޢުމުރާ ނިސްބަތްކޮށް ބުނާ ޅަ (2) މުސްކުޅި މިބަހުގެ އިދިކޮޅު (3) ފުރާވަރަށް އަރައިފައިވާ (4) މަޖާޒު: ތާޒާ (5) އާރާއި ބާރުހުރި (6) ޅަދޮނޅު
ޒުވާންކަން
ނއނ ޒުވާން ފުރަޔަށް އަރައި ފައިވާކަން
ޒުވާންވުން
މ (1) ޒުވާން ފުރަޔަށް އެރުން (2) މަޖާޒު: ޒުވާނަކަށް ވެގެން އުޅުން
ޒުވާންފުރާ
ނ (1) ބާލީޣުވުމާއި އުމުރުން ތިރީސްއަހަރުވުމާދެމެދު (2) ޒުވާން އުމުރު (3) ޒުވާން ދުވަސްވަރު
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޒުވާރިބަތް
ނ ޒުވާރި މެދުމިނަކަށް މުގުރައިގެން އެއިން ކައްކާބަތް
ޒުވާރިފުށް
ނ ޒުވާރި މުގުރައިގެން ހަދައިފައި ހުންނަފުށް
ޒުވާރިތެޔޮ
ނ ޒުވާރިންނަގާތެޔޮ
ޒުވާރިގަސް
ނ ޒުވާރި އަންނަގަސް
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި
ޒުވާބުކިޔުން
މ އަންބާފަދަ ބައެއްކަހަލަ ލަވަކިޔާއިރު ނަގާކިޔާމީހާ ކިޔާބައިކީމާ އޭގެ ޖަވާބުގައި ކިޔާބައި ދެންތިބިމީހުން ކިޔުން
ޒުވާބުކުރުން
މ (1) ޖަދަލު ކުރުން (2) ދެމީހަކު ނުވަތަ ގިނަބަޔަކު އަރާރުންވުން
ޒުވާބުދިނުން
މ (1) ޒުވާބު ކުރުން (2) ޖަވާބު ދިނުން