radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ޕާން
ނ ގޮދަންފުށުގައި ވަކިގޮތަކަށް ފިހެފައިހުންނަ ކާއެއްޗެއް
ޕާރުސަލްކުރުން
މ އެއްޗެއް ނުވަތަ އެއްޗެހި ތަކެއް އެއްބޮނޑިޔަކަށް ކަރުދާހުގައި ބަންދުކުރުން
ޕާކުކުރުން
މ އެއްގަމުގައި ދުއްވާ ތަކެތި ތަނެއްގައި ހުސްކޮށް ބޭއްވުން
ޕާލަމެންޓަރީސަރުކާރު
ނ ޕާލަމެންޓުގެ ކުރިމަތީގައި ސަރުކާރުން ޖަވާބުދޭން ޖެހޭގޮތަށް ރޭވިފައިވާ ވެރިކަމުގެ ނިޒާމް
ޕާސްޕޯޓު
ނ ވަކި ޤައުމެއްގެ ރައްޔިތެއްކަން އަންގައިދީ އަދި އެމީހަކީ އެ ޤައުމަކުން ބޭރަށް ދަތުރުކުރުމުގެ ޙައްޤުއޮތް މީހެއްކަން އަންގައިދޭ ލިއުން މިލިއުން އޮންނަނީ ކުޑަފޮތެއްގެ ސިފައިގައެވެ
ޕިންޕޮން
ނ މޭޒެއްގެމަތީގައި ހުރަހަށް ދާގަނޑެއް ދަމައިގެން ލުއި ޕުލާސްޓިކު ބޯޅައަކުން ކުޅޭ ކުޅިވަރެއް
ޕިކަޕު
ނ އެއްގަމުގައި ދުއްވާ އިންޖީނުލީ އެއްޗެއް މިއީ އެއްތަނުން އަނެއް ތަނަށް މުދާ އުފުލަން ބޭނުންކުރާ ހަތަރު ފުރޮޅުލީ އެއްޗެކެވެ މީގެ ފަހަތުބައި ހުންނަނީ މުދާއެރުވޭ ގޮތަށް ހަދައިފައެވެ މިއީ ލޯރިއަށްވުރެ ކުޑައެއްޗެކެވެ
ޕިސްތާ
ނ ފެހިކުލައިގައި ހުންނަ ކުދި މޭވާއެއްގެ ނަން
ޕިޔޯނު
ނ ފޮޅާސާފުކުރުމާއި ސިޓީ ބެހުންފަދަ މަސައްކަތުގައި އުޅޭމީހާ
ޕިޖާމާ
ނ ފިރިހެނުން ނިދަންލާ ހެދުމެއް. މިހެދުމުގައި އެކުލެވެނީ ދޫ ހަރުވާޅަކާއި ދޫގަމީހެކެވެ
ޕިޗު
ނ (1) މިއުޒިކު ކުޅުމުގައި ނުވަތަ ލަވަކިޔުމުގައި ގެންގުޅޭ އަޑުގެ ބަރުކަމުގެ މިންގަނޑު (2) ބައެއްކަހަލަ ކުޅިވަރުތައް ކުޅެން ހަދައިފައި އޮންނަތަން މިސާލު: ކިރިކެޓް ޕިޗު
ޕުރޫފުބެލުން
މ ޗާޕަށް ލިޔެފައިވާ ލިޔުމެއް ނުވަތަ ފޮތެއް ނުވަތަ ކުރެހުމެއްގެ އަޞްލުގައި ކުށެއް ލިޔެވިފައިވޭތޯ ބެލުން
ޕުރޮފެސަރު
ނ (1) އެކަމަކާ ބެހޭ ޢިލްމު ރަނގަޅަށް ދަންނަމީހާ (2) ކޮލެޖާއި ޔުނިވަރުސިޓީ ފަދަ ތަންތާނގައި ކިޔަވައިދޭމީހާ
ޕުރޮޓީން
ނ ކާނާގެ ތެރޭގައި ހިމެނޭ ހަށިގަނޑުގައި ހަކަތަ އުފެއްދުމަށް ބޭނުންވާބައި
ޕުއް
ނ ކުޑަކުދީންގެ ބަހުރުވައިގައި ބޮޑުކަމު ނަޖިސް
ޕުއްލުން
މ ކުޑަކުދީންގެ ބަހުރުވައިގައި ބޮޑުކަމުދިއުން
ޕޫރީ
ނ ގޮދަންފުށުގައި ހަދައި ތެއްލައިފައި ހުންނަ ލޮނުހެދިކާއެއް. މިއީ ޕާޕަރާވައްތަރު އެއަށްވުރެ ބޯކޮށް ހުންނަ އެއްޗެކެވެ
ޕެރެގްރާފު
ނ ލިޔުމެއްގައި ހިމެނޭވަކި ނުކުތާއަކާ ގުޅޭގޮތުން އިބާރާތް ކުރެވިފައިވާ ބައެއް
ޕެރޭޑު
ނ (1) ޚާއްޞަ މުނާސަބަތު ތަކުގައި ބާއްވާ ހިނގާލުމެއް (2) އިސް އޮފިސަރަކު ކުރީގައި ހުރެގެން ސިފައިން ބާއްވާ ދައްކާލުމުގެ ޙަރަކާތްތައް
ޕެޗު
ނ ވައިޖަހައިގެން ބޭނުންކުރާ ބައެއް ތަކެތީގައި ހަލާކުވާތަން ބެއްދުމަށް އަޅާގަނޑު