radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ހުންގާނުސަރަކަ
ނ ކަނޑުގައިދުއްވާ އެއްޗެހީގެ ހުންގާނު ހިފާން ހުންނަބުރު
ހުންގުޅަ
ކނ ރޭގަނޑަށް ދިއްލައިފައިހުއްޓައި ދުރުން ފެންނަ ފަނޑުއަލި
ހުރައްސަލަ
ނ )ގ ( ރަގޯޔާ ފެންފިލާގެ ދިރުނބާ ކޮޅުގެ އޮޅިގަނޑުގެ މަތީގައި ގުދުކޮށްފައި އޮންނަ ބައި
ހުރައްސާރަވަޑާން
ނ )ހ ( އޮޑިދޯނިފަހަރު ބަނދެ ނިމިގެން ކުރާ ކުދި ވަޑާން
ހުރަސް
ނ (1) ހަނިދިގު އެއްޗެހީގެ ފުޅާމިން (2) ގޭގެ މަތިވަޑާން ގަނޑުގައި ހުރަހަށް އަޅާ ވަކަރު (3) ދަނޑިކޮށީ ކުޅިޖެހުމުގައި ޖަހާއެތިފަހަރެއް (4) ކުރިޔަށް ދާދިއުން މަނާކުރާ ކޮންމެ އެއްޗެއް (5) ފެންނަ ފެނުން މަނާކުރާއެތި (6) ދެއެއްޗެއް ޖެހުނަ ނުދިނުމަށް އެދެމެދަށްވަންނަދާފަރާ (7) ސުންނި އުރަ
ހުރަސްބިހި
ނ ގައިގެ ތަންތާނގައި ހުރަހަށް ނަގާބިހިގަނޑެއް
ހުރަސްކީލި
ނ ލަކުޑީގައި ކައްޗަށް ހުންނަ ކީލި
ހުރަސްކުނާ
ނ ކުޑައަށީ އިރުމަތީކޮޅުގައި ހުރަހަށް އަޅައިފައި އޮންނަކުނާ ދިވެހިގޮތަށް އަޅައިފައި ހުންނަ ގޭގޭގެ އެންމެ ޢިއްޒަތްތެރި ތަނަކީމިއެވެ
ހުރަސްކުރުން
މ (1) ކަޑައްތުކުރުން (2) ކުރިކެނޑުން (3) ދިގަށް އޮތް އެއްޗެއް ހުރަހަށް އަނބުރާލުން (4) އެއްފަރާތުން އަނެއް ފަރާތަށް ދިއުން
ހުރަސްއޮޅި
ނ ކަފިއޮޅި )އޮޑިދޯނި ފަހަރުގައި އިހިއިންނަފަތް ނޫން ގޮތަށް އަޅާ ކޮންމެ ހުރަސް އެއްޗެއް
ހުރަސްމިޔަރު
ނ )ހ ( ފެމުނު މިޔަރުހެން ހުންނަ މިޔަރެއް މީގައި ހުންނަނީ ގަޅިކަނޑައިފައެވެ
ހުރަސްފިލާ
ނ އޮޑިދޯނި ފަހަރުގެ ދިރުނބާ ކޮޅުގައި ސަވާބުޅި ޖަހައިފައި ހުންނަފިލާ
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުރާ
ނ (1) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން މިތަންތާނގައި ގަސްގަހާ ގެއްސެއްނުހުންނާނެއެވެ (2) ހުރާގަނޑު (3) ކ އަތޮޅުގެ ރަށެއްގެ ނަން
ހުރާގޭދަރިކޮޅު
ނ ރާއްޖެ އިސްލާންވީފަހުން ހަތްވަނަޔަށް ރާއްޖޭގައި ރަސްކަންކުރި ޢާއިލާ މި ޢާއިލާގެ ފުރަތަމަ ރަސްކަލަކީ ހުރާ ދޮންމަރުދުރު ފަޑިއްތަކުރުފާނުގެ ޙުސައިން ދަހަރާ ތަކުރުފާނުގެ މުޙައްމަދު ފާމުލަދޭރި މަނިކުފާނުގެ ދަރިކަލުން އަލްޣާޒީ ޙަސަން އިއްޒުއްދީނު ދޮންބަންޑާރައިންނެވެ މިޢާއިލާއިން ތޭރަ ރަސްކަލުން ރަސްކަން ކުރެއްވިއެވެ
ހުޅަނގުދެކުނު
ނ ސަމުގާގެ މިސްރާބުން 225 (ޑިގްރީ) ދަރަޖަ
ހުޅަންވައިރޯޅި
ނ ހުޅަނގުން މަޑުންޖެހޭ ވައިރޯޅި
ހުޅަގަޖެހުން
މ )ސ ( (1) ހުޅަނގު މޫސުމުގެ ވިއްސާރަ އައުން (2) މަޖާޒު: އަޑުގަދަކޮށް ޒުވާބު ކުރުން
ހުޅާންޑާ
ނ )ގ ( ހުޅުގަނޑު
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން