radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ކަނދިމަސް
ނ މުޙައްރަމް މަސް. މިމަހަށް އެނަން ކިޔުނީ މިމަހު ނުވަނަދުވަހާއި ދިހަވަނަދުވަހު ކަނދިކައްކައިގެން ޞަލަވާތް ކިޔަވައި ކުދިން ކިރައި ހަދާތީއެވެ
ކަނދިދުވަސް
ނ މުޙައްރަމް މަހުގެ ނުވަވަނަ ދުވަހާއި ދިހަވަނަ ދުވަސް މިދެދުވަހަށް ކަނދިދުވަހޭ ކިޔުނީ މިދެދުވަހު ކަނދިކައްކައިގެން ގޭގޭގައި ޞަލަވާތްކިޔަވައި އަދި އެކަންޖާއަޅައި ކުދިން ކިރައި ހަދާތީއެވެ
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދިލިމައު
ނ ކަނދިލީގައި ޖަހާން ކަޅުކުލައިގެ އޮފު ކަރުދާހުންކަފާ މަލެއް މިމާ ކަފަނީ ބިންވަޅުލައި ފައެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނދުގަނޑު
ނ (1) އޮޑިދޯނިފަހަރު އެހެލައި ބާލާއިރު ފަށަން ދޮށަށްލާ ލަކުޑިބުރި (2) މަސްކަނދުގަނޑު (3) އިހުގައި އެތެރެކޮއިލަށް ދަމަށްދާމީހުން ބޯ އަޅާން އޮންނަ ލަކުޑިގަނޑު (4) ހޭމަސް
ކަނދޮޅުފުޅި
ނ ކަނދޮޅެއް އޮތްގޮތަށް އޮއްވައި ފަޅައިނުލައި ދުލިނަގައިގެން ހަދާ ހިމަދިގު ބޮތްކެއް މިގިނައިން ހަދައި އުޅެނީ ފެންކުޅިތެރޭގައެވެ
ކަނޑިސަފަ
ނ (ސ) ވެނުގެބާވަތެއް. މިވެނުގައި އެހެނިހެންވެނާ ޚިލާފަށް ހުދާއިކަޅުން ހުރަސް ރޮނގުތަކެއް ހުރެއެވެ
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަނޑުވުން
މ ފުރައިގެންދާ އެތިގަނޑު ކަނޑަށްފެތުން ނުވަތަ މީހާ ކަނޑަށްވެއްޓުން
ކަނޑުމަތި
ނ (1) ކަނޑުގެފެންމަތި (2) ކަނޑުގެތެރޭން އެކިސިފަސިފައިގައި ރޭގަނޑަށްފެންނަ ރެދަންލާ މާއްދާއެއް ބައެއްފަހަރަށް އޮޑިދޯނި ފަހަރުގެ ކުނބާއި ވާވެލާވެލި ފަދަ ތަންތަނުންވެސް މިރެދަން ފާޅުވެއެވެ މިއީ ޖައްވުގައިހުންނަ ހަކަތައިގެބާރުން ދިއްލޭ ދިއްލުން ތަކެކެވެ
ކަނޑުލަނޑާ
ނ )އ ( ކަޅުނޫކުލައެއް ބުރިކަށީގައިހުންނަ ބަނޑުދޮށް ހުދުލަނޑައެއް މިލަނޑާ ގިނައިން އުޅެނީ ފުއްޓަރުގެ ރާޅު ބިންދާ ތާނގައެވެ
ކަނޑުގައި އަޅާރޮނގެކޭ އެއްފަދަ
)މިސާލުބަހެއް( ބުނެދޭ އެއްޗެއް ނުވަތަ ދަސްކުރާ އެއްޗެއް އަވަހަށް ހަނދާން ނެތުނީމާ ދީއުޅޭ މިސާލެއް
ކަނޑުގައިހުއްޓައިއަގުކިޔުން
މ މަޖާޒު: ކަމެއް ނުވެއޮއްވާ އެކަމާދޭތެރޭ ހަދާނެގޮތް ކިޔުން
ކަނޑޫވަޅި
ނ ކަނޑޫކަހާން ހަދައިފައިހުންނަ ޚާއްސަވަޅި މިވަޅި ހުންނާނީ ހަނުލައިފައި މިޔައިގެ އެއްފަރާތަށް ދާރައަޅާފައެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނީރު
ނ ބަގީޗާ އެއްގެ ގޮތުގައި ހައްދާގަހެއް މިއީ ފަސްފިޔައިގެ މައްޗަށް އެކުލެވޭ މަލެއްއަޅައި އަބަދުމާ ފޮޅިފައި ހުންނަގަހެކެވެ މަލުގެ ފިޔައަށްވުރެ ކުދިކޮށް މަލުގެ ވަށައިގެން ފަސްފަތް ހުރެއެވެ މިމަލުގެ ތަފާތު ކުލަހުރެއެވެ
ކަނުހޭވުން
މ މަޖާޒު: (1) ނޭނގޭ ކަމެއް ކުރަން އުޅުން (2) އަނދިރީގައި އެއްޗެއް ހޯދާން ނުވަތަ ކަމެއް ކުރާން އުޅުން
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން