radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ރޮށިފޮޅިކޭން
ނ ބާރަމަޢުލޫދު ހުއްޓާން ގަނޑުވަރުތެރޭން ގެންދާ ކޭމެއް މީގައި ހުންނާނީ މަޑުފޮޅި ޒާތުގެ ރޮއްޓެކެވެ
ރޮނގާލިގަނޑު
ނ (1) ވިޔާނުދާ ކުދިންގަނޑު (2) ތާކުންތާކު ނުޖެހި އެނބުރޭ މީސްގަނޑު
ރޮކެޓު
ނ ވަރަށް ބާރަށް ފަހަތަށް ފޮނުވައިލާ މާއްދާއެއްގެ ސަބަބުން ކުރިޔަށްދާގޮތަށް ހަދައިފައިވާ އެއްޗެއް މީގެ އެންމެ ޢާއްމު ވައްތަރުތައް ހުންނަނީ އެއަށް އަޅައިފައިވާ އަނދާ މާއްދާތަކާއި އޮކްސިޖަން އެއްކޮށް އަންދައިގެން އުފެދޭއާވި ފަހަތަށް ފޮނުވާ ލައިގެން ދުއްވާގޮތަށެވެ. މިއެންމެ ޢާއްމުގޮތެއްގައި ބޭނުންކުރަނީ ހެދިހަނދު ފަދަ އެއްޗެހި ޖައްވަށް ފޮނުވުމަށާއި ޖައްވީ އުޅަނދު ފަހަރުގެ ދަތުރުތަކުގައެވެ
ރޮދިފަނި
ނ އިންސާނާގެ ބަނޑުތެރޭގައި ފަލަގޮހޮރުގެ ފަހަތުބައިގައި އުޅޭ ދިރޭ އެއްޗެއް މިފަނި ހުންނާނީ ފަނިވެގެން އުޅޭ މީހާ ބޮޑުކަމުދާ ނަޖިހުގެ ތެރޭގައި ހުދުކުލައިގެ ކުދިކުދި ރޮދިބުރިތަކެއް ހެންނެވެ
ރޯނގާބަޑި
ނ )ސ ( (1) އަރިދަފުސް އަޅައިގެން އުޅޭމީހާގެ ނޭފަތުން އަންނަ އެއްޗެހި (2) މަޖާޒު: އަބަދު ރޯގާ ޖެހިގެން އުޅޭ ކުޑަކުއްޖާ
ރޯނުބޮނޑި
ނ އެތައް ފޯއްޔެއް އެއްކޮށް ބަނދެފައި ހުންނަ ރޯނު މީގައި ޢާންމުގޮތެއްގައި އޮންނަނީ 21 ފޯއްޔެވެ
ރޯނުއެދުރު
ނ ކަންތައްކުރާން ރަނގަޅަށް ނޭނގިހުރެ ކޮންމެ ކަމެއްވެސް ދަންނަކަމަށް ހެދިގެން އެކަމެއްކޮށް އުޅޭމީހާ
ރޯޅިއެރުން
މ (1) ވައިރޯޅިއެއް އެރުން (2) ނަގުލެއްގެ ވައިއެރުން (3) މަޖާޒު: ވެރިއަކު މީހަކަށް ކޯފާވުން
ރޯދަކޮށުން
މ ބައެއް މީހުން ރޯދައަށް ތިބޭއިރު ފޫހިފިލުވުމަށް ދަނޑިދަނޑިކޮޅު މަށައި އެއިން އޭތިމީތި ހަދައި އުޅުން
ރޯދަމަހުދިއްގާ ގަހަށް ހެދުން
މ މިސާލު: މީހަކަށް ނަމަވެސް އެއްޗަކަށް ނަމަވެސް ތިމާ ބޭނުންވީމާ ކަމޭ ހިތައިގެން އުޅެފައި ބޭނުން ފުދުނީމާ އަޅާނުލުމުން ބުނެއުޅޭ ބަހެއް
ރޯދަޖަބޮ
ނ ރޯދަވިއްލުމަށް އަމިއްލައަށް ހޯދާ ނުވަތަ މީހަކު ހަދިޔާކުރާ މޭވާއާއި ކުރުނބާ ފަދަތަކެތި
ރޯލުކުނާ
ނ އޮޅައިފައި ހުންނަ ދިގުކުނާ މީގެ ބޭނުން ހިފަނީ ބޭނުންވަރަކަށް ބުރިކޮށްގެންނެވެ
ބަނދަރުކަލާސީން
ނ އިހުގައި ނާފަހަރު ދަތުރުހުއްޓާފައި އޮންނައިރު އެ ބަލަހައްޓާން ތިބޭމީހުން
ބަނދަރުމަތި
ނ (1) ފިހާރަތައް ހުންނަ ހިސާބުގަނޑު (2) ބަނދަރާދިމާ އަތިރިމަތި (3) ރަށްފުށުގެމީހުން މަހަށްދާން އައިސް ތިބޭއިރު ބަނޑަހަ ޖަހައިގެން ތިބޭ ތަން
ބަނގުއާވި
ނ އަލިފާން ހިފާ ކުލައެއްނެތް ސާފު ދިޔާ އެއްޗެއް. މޭވާދިޔައާއި ގޮވާންފަދަ އެއްޗެހި ކަމީރުކޮށްގެންވެސް މިނަގައެވެ. ބަނގުރާއާއި ސެންޓާއި ބައެއްކަހަލަ ދިޔާބޭސް ބޭނުންކުރުމުގައި މި ބޭނުން ކުރެއެވެ
ބަނގުފިލާ
ނ (1) ގަންޖާ (2) މަރުވާނާ މީގެ ގަސްހެދެނީ 4 ފޫޓާއި 6 ފޫޓަށެވެ ބައެއް ގަސް މިއަށްވުރެ ދިގުކޮށްވެސް ހެދިފައި ހުރެއެވެ ފަތް ހުންނާނީ ދަނޑި އަލުވިފަތްހެން 6 ބަޔަށެވެ
ބަނޑިބަނޑި
ނ (1) މީހުން ހިނގާއިރު ހަށިގަނޑަށް އަރުވާ ބައެއް ކަހަލަ ލޮޅުން (2) ބަނޑީގެ ގިނަގޮތް (3) އޮމާންކޮށް ނުވަތަ ތެދުކޮށް ހުންނާންވީ އެއްޗެއްގައި ހުންނަ އަޑިގުޑަން
ބަނޑިޔަލުފެން
ނ ވިހައިގެން އުޅޭމީހުންނަށް ދޭން އިހުގައި ކައްކައި އުޅުނު ފެނެއް މިކައްކަނީ މަތިކަރާ ބޭހާއި ކޮތަނބިރިޔާ އެއްކޮށް ދެބުރާންތި ކޮށްފައި ތުނިފޮތިކޮޅެއް ދެފަށް ކޮށްފައި އޭގެތެރެއަށް ބޭސްތައް އަޅައި ބޮނޑިޔެއްހެން ބަނދެފައި ފެންބަނޑިޔަލަކަށް ލައިގެންނެވެ
ބަނޑުއަކިރި
ނ (1) ރާޅާ އަރުވާ އަކިރި (2) މަޖާޒު: ގޮތްކުޑަ ވިޔާނުވާ މީހުން
ބަނޑުވާ
ނ ޝަހުވާނީ ކަންތައް މެދުވެރިކޮށްދޭން އަންހެނަކާއި ފިރިހެނަކާ ދެމެދު ހިނގާ މީހާ