radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ފޭޑިވުން
މ (1) ކަންތައް ކުރުމުގެ ގޮތެއް ސިފައެއް ނެތުން (2) އެއްވެސް އެއްޗަކަށް ނުވުން
ފޮނިކިރިކިރިރަހަ
ނ (1) މިލަ ފޮނި ރަހައަށް ވުރެވެސް މަޑުން ދޭ ފޮނިރަހަ (2) އިހި މަހުގައި ލާރަހަ
ފޮނިކޮކާ
ނ އިރުވަޔާއި ހުޅަނގާއި ބެދޭ ދުވަސްވަރު އަންނަ މަޑު ދޮންކުލައިގެ ކޮކާލެއް. މިކޮކާ ގިނައިން އަންނަނީ އަހިގަހުގެ މަލަށާއި މާނިފާ ވެލުގެ މަލަށެވެ ބައެއް މޫސުމުގައި ކަނދުގަހަށްވެސް އާދެއެވެ
ފޮނިލޯލި
ނ ބޭހަށް ބޭނުންކުރާ ކުދިވިނައެއް. މީގައިވަރަށް ކުދިކުދި މާތަކެއް އަޅައެވެ. ފަތް ކޮއްޗޭފަތާ އެއްގޮތެވެ. ނަމަވެސް މިފަތުގައި ބޯކޮށް ކެހެރި ފަޅައިފައި ހުރެއެވެ
ފޮރުއްޕުން
މ އެއްވެސް ކަހަލަ އުނދަގޫ ވާނެކަމެއް ނެތުން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮޅުވަތް
ނ (1) ފޮތެއްގައި ނުވަތަ ކަރުދާހެއްގައި ނަމަވެސް ދަމައިފައި ހުންނަ ރޮނގު (2) ބޯޑެއް ނުވަތަ ފޮތެއް ފަދަ އެއްޗެއްގައި ހުރަހަށް ލިޔެފައިވާ ލިޔުމެއްގެ އެއް ރޮނގު
ދަރިވައްޓައިލުން
މ ކޮންމެވެސް ވަސީލަތެއްގެ ބޭނުންކޮށްގެން ބަނޑުގައި އޮންނަ ދަރިފުޅު ބަނޑުން ބޭރުކޮށްލުން
ދަޅިކެޔޮ
ނ ހަރުވެފައިހުންނަ އިރުވެސް ރަނގަޅަށް ފުށްނުޖެހޭ ވައްތަރުގެ ކެޔޮ
ދަމައިގަތުން
މ (1) އެއްޗެއް މީހެއްގެ އަތުން އަތުލައިގަތުން (2) ފޭރިގަތުން (3) އޮޔާއެކު ނުވަތަ ރާޅާއެކު ގެންދިޔުން (4) ދަގަތްފާނުފަދަ އެއްޗެއްގެ ބާރުގައި އެޔާ ދިމާޔަށް ގެންދިއުން (5) އެއްޗެއްގައި ނުވަތަ ތަނެއްގައި ވަލެއްފަދަ އެއްޗެއް ޖަހައިގެން ދަމައި ގާތަށްގެނައުން (6) ތަނަކަށް ހެރިފައި ހުރިއެއްޗެއް ލުއްސައިލުން (7) އެތެރޭގައި ހުރި ދިޔާއެއްޗެއް ކޮންމެވެސް ވަޞީލަތެއް ބޭނުންކޮށްގެން ބޭރަށް ނެރެލުން (8) ދޫކޮށްފައިއޮތް ނަނެއް ނުވަތަ ވަލެއް ފަދަ އެއްޗެއްގައި ހިފައި ކުއްލިއަކަށް ދަމަންފެށުން
ދަމުކުޅި
ނ ކުޅުދުއްފުށީމީހުން ކުޅޭ ކުޅިވަރެއް. މިއީ ތަފާތު ވައްތަރު ވައްތަރުގެ މާލިހެދުން އަޅައިގެން ނަށައިފައިކުޅޭ ކުޅިވަރެކެވެ. މިކުޅިވަރު ކުޅެނީ ޙައްޖުމަހުގެ ތޭރަ ސާދަ ފަނަރަ މިތިންރޭގައެވެ މިކުޅިވަރަށް " ދަނމުހިނގުން" މިހެންވެސް ކިޔައެވެ
ދަމުޑި
ނ )ހ ( ކަމެއްގެ ތެރެއިން ނުވަތަ އެއްޗެއްގެ ތެރެއިން ކިތަންމެ ކުޑަ ނަމަވެސް މިންވަރެއް
ދަތްކުރަނދު
ނ ރީނދޫ ކުލައިގެ މަލެއް އަޅާގަހެއް މިގަހުގެ ފަތް ހުންނާނީ ސައިމާގަހުގެ ފަތާ ވައްތަރު ގޮތަކަށެވެ ނަމަވެސް ފަތުގައި ތުނޑެއް ނުހުންނާނެއެވެ ފަތްބޯވާނެއެވެ މިގަސްގާތްގަނޑަކަށް ދެފޫޓު ތިންފޫޓު ވަރުވާނެއެވެ
ދަގުހަރު
ނ ދޯނީގެ މަތިކަންމަތީގެ ދެކޮޅު މައްޔަލާ ގުޅައިފައި ފޭވިޔަ ނުދިނުމަށް އަޅާ ހުރަހެއް މިއޮންނާނީ ކުރަދިން ނުވަތަ ލޮއިންނެވެ ހަމަ މިބޭނުމުގައި މިތަނުގައި ރޯނުން ކުސައެއްވެސް ފުރައެވެ
ދިހަލަދިކުރުން
މ )ދ ( ފުރުމުގެ މޮޅު އިރުވަރު ޖެހޭއިރު ދަތުރަށް ތައްޔާރުނުވެގެން ނުވަތަ އެހެންވެސް ސަބަބެއް މެދުވެރިވެގެން ފުރުން ލަސްވާގޮތް ދިމާވެއްޖެނަމަ އެމޮޅު އިރުވަރުގައި ފުރާފައިލެފުން ނުވަތަރަށާއި ގާތް ހިސާބެއްގައި މަޑުކޮށްފައި ބޭއްވުން
ދިރިހަވާދު
ނ ދިރި ދަވިއްގަނދު ނުވަތަ ހުސް ދިރިލައިގެން ފުނޑާ ހަވާދު ބައެއްމީހުން މީގެތެރެއަށް ކުޑަ ހުނިކޮޅެއްލައިގެންވެސް މިހަވާދު ފުނޑައެވެ
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިއްކުރުން
މ (1) ކޮންމެވެސް އެއްޗެއް އަނެކަކަށް ފޯރުކުރުން (2) ކުރިމައްޗަށް ނެރެލުން ނުވަތަ ދަމައިލުން
ދިވެހިރުއް
ނ (1) އެއްތަނޑިއަށްހެދޭ ފެންފޯއް ރުކަށްވުރެ ފަލަ ކުރީގައި ފަނާއި އިހާ އަންނަ ގަހެއް މިގަހުގެ އިހަލުގައި ގަންނަ ވައް އެކިވަރަށް ހަރުވުމުން އެއަށް ދިވެހިން އެކިނަންނަން ކިޔައެވެ އޭގެ ތެރޭގައި )ހ( ގޮބޮޅި )ށ( މިރި )ނ( ކިހައް )ރ( ކުރުނބާ )ބ( ގަބުޅި )ޅ( ކާށި )ކ( ކުރޮޅި ހިމެނެއެވެ މިގަހުގެ ހުރިހާ ބައެއްވެސް ދިވެހިންގެ ދިރިއުޅުމަށް ބޭނުންކުރެއެވެ (2) ދިވެހިންގެ ޤައުމީ ގަސް
ދުނިޔެއަޅައިދިއުން
މ ދުނިޔޭގެ ހުރިހައިކަމެއް ދޫކޮށްލައިފައި އެއްވެސް ކަމެއް ނުކުރާން ހުރުން (2) ދުނިޔޭގެ ކަންތަކުން އެއްކިބާވުން (3) މަރުވުން