radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
ގޮނުއެޅުން
މ އިހުޒަމާނުގައި މަސްވެރިން މަހަށްދާއިރު ކާތަކެތި ގެންދިއުމަށް ފަނުން ވިޔެފައި ހުންނަ ވަޑިގޮނަށް މަހަށްދާއިރު ގެންދާ ކާތަކެތި އެޅުން
ގޮންތޮށިރުމާ
ނ ފަށުތްވާއި ކަސަބުން ވަކިގޮތަކަށް ކައިރި ހަދައިފައި ހުންނަ ކަޅު ރުމާލެއް މިއީ އިހުގައި ކުޑަކުދީން ގައިގައި ލައްވަން ބޭނުންކުރި އެއްޗެކެވެ
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ސަރުދާރުކަން
ނއނ (1) އެކިއެކި މަސައްކަތްކުރާ ބައިބައިގެ މަސައްކަތް ކުރުވައި ހެދުމަށް އަމުރުކުރުމާ ބެހޭ ވެރިކަން. (2) އިހުގައި އަވަށު ވެރީންގެ ދަށުން ހިންގަންޖެހޭ އަމުރުތައް ހިންގައި އަވަށުގެ މަސައްކަތްތައް ކުރުވައި ހެދުމާބެހޭ ވެރިކަން
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ސާބިތުވުން
މ (1) ހަރުލައިހުރުން (2) ޝަރީޢަތަށް ނުވަތަ ތަޙުޤީޤަށް ހެތްކާއެކު ކަމެއް ބަޔާންވުން
ސާޅީސްވަޅި
ނ އިހުގައި މީހުން ވިހައިގެން އުޅޭއިރު ސާޅީސްވަންދެން ގެންގުޅޭ ވަޅިއެއް
ސިލުވާނަށްތެޅުން
މ އިހުގައި މީހެއްގެ އަންބަކު ހިލޭ ފިރިހެނަކާ ހުއްދަ ނޫން ގުޅުމެއް ހިންގުމުން އެ ފިރިހެން މީހާގެ ގައިގައި ބޮންތި އަކުން ތިނެތިފަހަރު ޖެހުމަށް އެކަނބުލޭގެ ފިރިމީހާއަށް ފަނޑިޔާރު ގެއިން ނުވަތަ ނައިބުގެއިން ހުއްދަ ދީގެން ޖަހާ ތިނެތި ފަހަރު ޖެހުން
)ސިލުވާނަށް ތެޅުން ބަލާ!( ސިލުވާނު
ނ އިހުގައި މީހެއްގެ އަނތްބަކާ ހުއްދަނޫން ގުޅުމެއް ހިންގުމުން އެ ގުޅުމެއް ހިންގި ފިރިހެނަކަށްދޭ އަދަބެއް
ސިލޭހަބަތް
ނ އިހުގައި ރަދުންގެ އަރިހުގައި ސިލޭހަ ހިފައިގެން ހުކުރަށްދާ ހަނގު ބޭކަލުންނަށް ގަނޑުވަރު ތެރެއިން ދެއްވާ ބޮނޑިބަތެއް
ސީނިސައްކަރު
ނ އިހުގައި ގެންނަ ހަނޑުލުގެ ބާވަތެއް
ސީނުތަށި
ނ އިހުޒަމާނުގައި ޗައިނާއިން ގެންނަތައްޓެއް މީގެ އެކިމިނުގެ އެކި ވައްތަރުގެ ތަށިހުރެއެވެ
ސުންކަން
ނ (1) އެއްޗަކުން ނަގާ މަދުމިންވަރެއް މިސާލު: ކައްކައިފައި ހުރި ބޮނޑިބަތްތެލި ސުންކަމަށް ގޮސް ހުސްވެއްޖެއެވެ (2) ޖަމާޢަތެއްގެ ތެރެއިން ކުރަންޖެހޭ ކަމަކަށް ބޯބޯމަތިން ނަގާ ފައިސާ (3) އިހުގައި ހަވަރުގެ ބަޔަކު ނުކުމެ ފިހާރަ ފިހާރައިން ނަގައި އުޅުނު ފައިސާއެއް (4) އިހުގައި ބަނދަރަށް އަންނަ ބޯޓުފަހަރުން ނަގައި އުޅުނު މުދަލުގެ ބާވަތްތައް
ސުންކަންނެގުން
މ (1) ޖަމާޢަތެއްގެ ބަޔަކު ނުވަތަ ރަށެއްގެ ރައްޔިތުން ފަދަ ބައެއްގެ ތެރެއިން ގަސްދުކުރާ ކަމަކަށް ކަނޑައެޅޭ އެއްޗެއް ނެގުން (2) އިހުގައި ހަވަރުގެ ބަޔަކު ނިކުމެގެން ފިހާރަފިހާރައިން ނަގައި އުޅުނު ލާރިއެއް ނެގުން (3) އިހުގައި އަންނަ ބަނގަލާ ބޯޓްފަހަރުން ނަގާ ތަކެތި ނެގުން
ޒަންބީލު
ނ (1) ކަދުރުރުކުގެ ފަނުން ހަދައިފައިހުންނަވަށި (2) ސުންބުލި
ޒައިލަފޯން
ނ ދަނޑިކޮޅަކުން އެކި އަޑުގައި ތެޅުމުން މިޔުޒިކްގެ ހަމަ ނެރެވޭ ގޮތަށް ހަދައިފައި ހުންނަ މިޔުޒިކް ކުޅޭ އެއްޗެއް މީގެ އަޑުތައް ހުންނަނީ އެކި ބޮޑުމިނަށް ބުރިކޮށްފައި ލަކުޑި ކޮޅުތަކަކުންނެވެ ބައެއް ފަހަރަށް މަޢުދަނަކުންވެސް ހަދައިފައިހުރެއެވެ
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީރު
ނ (1) އިހުޒަމާނުގައި މަތިން ދަތުރުކުރި އުޅަނދެއްކަމަށް ފުލޯކު ވާހަކައިގައި ކިޔާއެއްޗެއް (2) މަކަރު (3) ހިންތާ (4) ހަދާ ހިކުމަތް
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޕާން
ނ ގޮދަންފުށުގައި ވަކިގޮތަކަށް ފިހެފައިހުންނަ ކާއެއްޗެއް