radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ފަލޫދާ
ނ ކިރުސަރުބަތު ނުވަތަ ރޯސްސެރަޕްގެ ތެރެއަށް ހަލުވިދާ ކުދިކޮށް ކޮށައިފައި އަޅައިގެން ހަދާ ފޮނިބުއިމެއް ބައެއް މީހުން މީގެ ތެރެއަށް އިސްބަގުލާއި ފުއްކުދި ސާގުއަޅައެވެ
ފަގުޑި
ނ ބޮލުގައި އެޅުމަށް ފޮށަޔަކުން ނުވަތަ ފޮތިގަނޑަކުން ވަކި ގޮތަކަށް އޮޅައި ހަދައިފައިހުންނަ އެއްޗެއް
ފަގުޑިފޮށާ
ނ ފަގުޑިއާ ވައްތަރުގެ ގޮތަކަށް އޮޅައިފައި ހުންނަ ފޮށާ
ފަސްބައި
ނ (1) ގަމީހާއި ލިބާސް ފަދަތަކެތީގެ ތިރި (2) ގަމީހާއި ލިބާސް ފަދަ ތަކެތީގެ ތިރީކައިރިން މަޅައިފައި ހުންނަ ބައި (3) )ލ ( އުރަވަޅި
ފަސްބައިޖެހުން
މ ފަސްބައިމަޅައި ރޮދިޖެހުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްލައިފޮރުވައިލުން
މ (1) ވެލިއަޅައި ހަމަބިމާ އެއްވަރުކުރުން (2) މަޖާޒު: ކަމެއް ވަންހަނާ ކޮށްލުން
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފަސްގަނޑުޖެހުން
މ އުދަލިން ތަޅައިގެން ބިންގަނޑު މަޑުކޮށް ފަސްގަނޑު ތައްޔާރުކުރުން
ފަޑާލުން
މ )ޏ ( ފަޅައިލުން
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފަޗިސްކުޅިބައި
ނ ރާޒުވާ ފަދައިން ލިޔެލާ ޖަހައިފައި ހުންނަ ގޮޓިއޭ ކިޔާ ކުޅިތަކެއް މި ހުންނާނީ ހަތަރު ކުލައިގައެވެ ދެން އޮންނާނީ އެތެރެއަށް ތިމަރަ އަޅައިފައި އޮންނަ ރިހާކުރުބޮލީގެ ކުދިވަރުގެ ހަ ބޮއްޔެވެ
ފާނޫޒު
ނ ކަރާސީނު ތެޔޮ އަޅައިގެން ދިއްލާ ފަތި ފީތާއެއްލައިފައި ހުންނަ ބައްތިއެއް މިބައްތީގެ ހޮޅި ހުންނާނީ ވަށްކޮށް ނަރު ދުނިގަނޑެއްގެ ތެރޭގައެވެ
ފާރުކުރުން
މ މަތިބެދި އަޑިނުބައިވެފައި ހުންނަ ފާރުގަނޑު ބޭހެއްއަޅައިގެން ސާފު ފާރުގަނޑަކަށް ހަދައިލުން މިއީ ފާރުގަނޑު އަވަހަށް ފަސޭހަ ކުރުމަށްޓަކައި ކޮށްއުޅޭ ކަމެކެވެ
(2) އިރުވައިކޮލި ބަލާ! ފާރުދޮށްކޮށައިދަމަށްއެރުން
މ (1) އިހުގައި އިރުވައި ކޮލިލާފައި އަންގާ އެންގުމެއް. މިއީ ބޮޑުފާރު ދޮށާއި ބުރުޒުތަކުގެ ކައިރިން ގަސްތައް ކޮށައި ވިނަ ނޮޅައި ސާފުކޮށް ބުރުޒުތަކުގައި ފާރަޔަށް )ދަމަށް( ތިބުމަށް އަންގާ އެންގުމެކެވެ
ފާޅަގަނޑު
ނ (1) ކުނި ނަގަން ފާޅައިން ހަދާފައި ހުންނަ އެތި (2) ކުޑަކުދީން ބާއްވަން ފާޅައިން ހަދައިފައި ހުންނަ އެތި
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފާތިޙާތަށީގެފެންޖެހުން
މ އިހުގައި ފާތިޙާ ކިޔަވާއިރު "ޔަރުޙަމުއްﷲހުއްމަ" ދުޢާ ކިޔަން އަތްނެގީމާ ފާތިޙާޔަށް އަޅާފައި ހުންނަ ތަށީގައި ބަތްހުރިނަމަ އެބަތް އަވަހަށް ހުސްކޮށްލައިފައި އެތަށި ނުދޮވެ އެތައްޓަށް ފެންފޮދެއް އަޅައިފައި ބޮޑުއަށި ތަންދޮށަށާއި ގޯތިތެރެޔަށް އުކައިލުން މިހެން ހަދާނީ ތިން ފަހަރުއެވެ
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު