radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ކައިރިހެދުން
މ ފޭރާމާއި ފޮތީގެ އެއްޗެހީގެ ކައިރިފަށުން ރޮދިނެގުނަ ނުދިނުމަށްޓަކައި ފަހާފޮށިން ނުވަތަ އަތުން ރޮދިޖެހުން
ކައިރުވުން
މ (1) ޙައިރާންވެގެން ނުވަތަ ލަދުގަނެގެން ކުރާނެކަމެއް ނޭނގުން (2) މުސްކުޅިވެގެން ހަމައިން ނައްޓައިލުން
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކައްފާރަ
ނ ބައެއްކަހަލަ ފާފަކުރެވުނީމާ ހިފަންޖެހޭރޯދަ ނުވަތަ ދޭންޖެހޭ ޞަދަޤާތް
ކައްފާރަދިނުން
މ ބައެއްކަހަލަ ފާފަ ކުރެވުނީމާ ހިފަންޖެހޭރޯދަ ހިފުން ނުވަތަ ދޭންޖެހޭ ޞަދަޤާތް ދިނުން
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ
ކައްޕިތާނު
ނ ވައިގެތެރޭގައި ނުވަތަ ކަނޑުގައި ދަތުރުކުރާ އުޅަނދުފަހަރުގައި ދަތުރާބެހޭގޮތުން ހުންނަ އެންމެ އިސްމީހާ
ކަވައްކެނޑުން
މ ފޮނުވަތުން ތޮރުފާއިރު ވައްކޮށް ރީތިކޮށް ލޯވަޅު ހުންނާނޭހެން ފޫދުއްވައިލުން
ކަވިއެޅުން
މ އެއްޗެއްގައި ނުވަތަ ތަނެއްގައި ކަވި އުފެދުން
ކަމަރުބަންދު
ނ (1) އުނަގަނޑުގައި އަޅާ ކަމަރު ނުވަތަ އޭގެ ބަދަލުގައި ބަންނަ އެއްޗެއް (2) ނައުފަހަރުގެ ބާރީ
ކަމިޝަން
ނ މަސައްކަތެއް ނުވަތަ ވިޔަފާރިއެއް ހޯދައިދިން ކަމަށްޓަކައި އެކަމަކުން ލިބޭ އާމްދަނީގެ ތެރެއިން އެކަން ހޯދައިދިން ފަރާތަށް ދޭ ފައިސާ
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަބުރު
ނ (1) ނޭފަތް ނުވަތަ ކަންފަތް ފަދަ ތަންތަން ސާފުކުރަން ކަފަކޮޅެއް އޮޅައިފައި އޮންނަ އިލޮށިކޮޅު ނުވަތަ ޕްލާސްޓިކްކޮޅު (2) މަޖާޒު: ތެމި ފޯވެފައި ހުރިމީހާ (3) )ސ ( ބުރަފަތިވިނަ
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްވުން
މ (1) ކަރުދާހާއި ބަރަނި ފަދަ ތަކެތި ގެންގުޅެ ގެންގުޅެ ނުވަތަ ބޭނުން ކުރެވޭ ގޮތަކުން ރޫޅޭގޮތްވުން. (2) މަޖާޒު: މަސައްކަތެއް ކުރާންއުޅެ އެކަމެއް ނުވެވި ވަރުބަލިވެގެން ހިތްވަރު ދެރަވުން
ކަފާސްގަނޑު
ނ (1) ލިޔާ ދަވާދުގައި އޮންނަ ރޮދި ބޮނޑި ނުވަތަ ފޮތިކޮޅު (2) )މ ( ކިސްމޭ
ކަފިހި
ނ ހުރަހަށް ކަޅު ނުވަތަ ކަޅުރަތްކުލައިގެ ގަޅިއެއް ޖަހައިފައިހުންނަ ކުޑަ ބޮއްޔެއް
ކަފިފޮތި
ނ އޮޑިދޯނިފަހަރުގެ ފިލާގަނޑު ކަތްޕަށް ކަނޑައިފައި އޮންނަފޮތި ނުވަތަ ފިލާ