radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބެރެބެދިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ރަތްކުލައާއި ރިހިކުލަ ގުޅިގެން ފެންނަ ރަތްކުލައެކެވެ މަހުގެ ދެއަރިމަތީގައި ގަދަރަތްކުލައިގެ )ބެރެބެދިމަލުގެ ކުލައިގެ( ރޮނގުތަކެއް މަހުގެ ދިގަށް ހުންނާތީ މިމަހަށް ބެރެބެދި ރައިވެރިމަސް ކިޔަނީއެވެ
ބެރެބެދިމަޑި
ނ މަޑީގެ ބާވަތެއް މީގެ ނަގޫ ކުރުވެފައި ނަގުލުގެ ބުޑުދޮށް ފަލަވާނެއެވެ ބުރަކަށިމަތީގައި ކަށި ހުންނާނީ ކައްޗަށެވެ އެއްކޮޅަށް އޮމާންކޮށް އަނެއްކޮޅަށްކަތި ކޮންނެވެ
ބެރެބެދިދަންބޮޑު
ނ ދަންބޮޑުގެބާވަތެއް މިއީ ބެރެބެދިކުލައާއި އެއްފަދަ ރަތްކުލައެއް ހުންނަ ކުޑަވަރެއްގެ މަހެކެވެ ހުޅުނބުތަކުގެ ކައިރިފަށައި ކަރުތާފަތުގެ މަތީ ކައިރިފަށް ގަދަމުށިކުލައެއްގައި ހުރުމާއެކު ނިގޫފަތް ހުންނަނީ ހުދުކުލައިގައެވެ
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ
ބެއަސްނުބެއަސް ހައިވަކަރުއޮޑި ނަންވާނެ
ރަނގަޅުކަމެއް ކުރިޔަސް ނުކުރިޔަސް ބޮޑަށް ނަންވާނީ އެކަމަށް މަޝްހޫރުވެފައިވާ މީހެކެވެ މިބަސްމީގެ އިދިކޮޅަށްވެސް ބުނެއުޅެއެވެ
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބެލޫނި
ނ ގޭސް ނުވަތަ އަލިފާނުގެ ވައިން ފުއްޕައިގެން މައްޗަށް އަރުވާއެއްޗެއް މި ގިނައިން ހަދައިއުޅެނީ ފޮތިން ނުވަތަ ރަބަރުންނެވެ
ބެޓެރީ
ނ އިލެކްޓްރިކް ބާރުން ދިއްލާ ބައެއް އެއްޗިއްސާއި އިލެކްޓްރިކް ބާރުން ހިނގާބައެއް އެއްޗެއްސަށްލައްވަން ނުވަތަ ބޭނުންކުރަން ހަދައިފައި ހުންނަ އެއްޗެއް. މިހުންނަނީ ކަރަންޓް އުފައްދައިދޭ ބާވަތްތަކާއި ނުވަތަ އެބާރު ހިފަހައްޓައިދޭ ބާވަތްތައް އެތެރެއަށް އަޅައިފައެވެ މީގެ ތަފާތު ވައްތަރުތައް ހުރެއެވެ
ބޭނގު
ނ ފެނަށް ދިރޭ މޫދުމަހެއް މިއީ ކަށިގިނަ މަސްމީރުމަހެކެވެ މިމަސް ހުންނާނީ މެކުނު ފާޑަށެވެ
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭނުން ފުއްދުން
މ (1) މުހުތާދު ފުއްދުން (2) މަޖާޒު: ޝަހުވާނީ އެދުން ފުއްދުން
ބޭރުބައްތި
ނ (1) ނާފަހަރު ބަންގާޅަށް ދަތުރުކުރި ދުވަސްވަރު ބަންގާޅު ކޯރަށް ވަންނަންދާއިރު އެންމެބޭރަށް ހުންނަ ބައްތި. (2) ކަނޑުއޮޅިތަކާއި ބޭރުދުނީގެ ފަރުފަރާއި މުލިފަދަ ތަންތަން ފާހަގަކުރުމަށް ޖަހައިފައި ހުންނަބައްތި
ބޭރުކިހިލި
ނ ދަނޑިކޮށީގެ ދެމީހުން ކުޅީގައި ޖަހާއެތި ފަހަރެއް މިއެތި ފަހަރުން އަނެކަކު ރެކޭނީ ބާސް ކީއްޔަށް ވާގޮތަށް ދަނޑި ހިފަހައްޓައިގެން ހުރެ އެއިން ޖައްސައިގެންނެވެ
ބޭފަރާ ދަތުރު
ނ ފިލާއަޅާއިރު ގަޑިޔާއަޅައި ހިސާބުކޮށްގެން ކުރާދަތުރު. ނިޔަމިކަމުގައި ބޭނުންކުރާ ގަޑިޔަކީ ކަރުނާ މާޓަރެވެ. މިގަޑި ހަމަކޮށް ފާހުންނާނީ ޖީ އެމް ޓީ އާއެވެ
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭސް އަޅާނީ އައްސިމަތީގަ
ގބ ކަމެއްގެ ފުރުޞަތު ނުގެއްލެނީސް އެކަމެއް ކުރުމުގެ މައްޗަށް ބުނާ ބަހެއް
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސް ސުންބުލި
ނ (1) ޔޫނާނީ ބޭހުގެ ބައެއް ބާވަތެއް އަޅާން ތާރުކުފަނުން ވިޔެފައި ހުންނަ ކޮތަޅު (2) މަޖާޒު: އަބަދު ބަލިވެ އުޅޭ އަންހެންމީހާ
ބޭސްބޯޅަ
ނ ތިން މުގޯލި ކުޅޭގޮތަށް ކުޅޭ ކުޅިވަރެއް މިކުޅިވަރު ކުޅުމުގައި ބޯޅަޖަހަނީ މަންޑިދަނޑި ގޮތަށް އޮންނަ އެއަށްވުރެ ބޮޑު އެއްޗަކުންނެވެ