radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ކަރުކުރަނޑި
ނ ކަރުގެ ބައްޔެއް މިބަލީގައި ކަރުތެރޭ އެއްޗެއް ދަތިވެފައި ހުންނަހެން ހީވުމާއެކު އެއްޗެއް ނުދިރޭނެއެވެ
ކަރުކެއްސުން
މ ކަރުކެހުން
ކަރުއިތާ
ނ ކަރުގެ ބައްޔެއް މިއީ ކަރުތެރޭގެ އެއްފަރާތުގައި އުފެދޭ ކުޑަދޫ ހެން ހުންނަ މަސްކޮޅެކެވެ
ކަރުވަޅު
ނ (1) އަންހެނުން ލާ ލިބާހުގައި ކަރުކަނޑާފައި އޮންނަތަން (2) އަންހެނުން ލައިފައި ހުންނަ ހެދުމާއި ލިބާހުގެ ކަރަށް ކެނޑި ހިސާބުން އެތެރެ
ކަރުވުން
މ (1) ކާށިހުނި ނުވަތަ ކާށިތެޔޮ އަޅައިގެން ހަދާ ކާއެއްޗެއްހި ނުބައިވުން (2) ކާށިތެޔޮފަދަ ބައެއްކަހަލަ ތެޔޮ ނުބައިވުން
ކޯކަށިބޭނގު
ނ ބޭނގުގެ ބާވަތެއް މިއީ ފަތިކޮށް ދިގުކޮށް ހުންނަ ބޭނގެކެވެ ކަރުތާފަތުގެ ކައިރީގައި އެހެން ބޭނގަށް ވުރެ ކަށި ގިނަވާނެއެވެ މިބާވަތުގެ ބޭނގުގެ ބޯކޮޅު ފަލަވާނެއެވެ
ކޯއްޓޭ
ނ (1) ދިދަނަގާން ދެބުރިއަށް ކާލިގަނޑުލައިގެން ހަދައިފައި ހުންނަ ދަނޑި (2) ރަށްރަށް ދިފާޢުކުރާ ސިފައިން ތިބޭން ހަދައިފައި ހުންނަ ތަންތަން
ކޯއްޓޭނެގުން
މ (1) ކޯއްޓޭ ކޮޅަށް ޖެހުން (2) މަޖާޒު: ކޮޅުވުން
ކޯވަރު
ނ (1) ދިޔާކޮށްހުންނަ ތަކެތީގެ ތެރެއިން އެއްފަހަރު އަނގަޔަށް އެޅޭ މިންވަރު (2) މަޖާޒު: ކާބޯތަކެތީގެ ތެރެއިން މަދުއެތިކޮޅު
ކޯވަޅަ
ނ ފަތްޕިލާވެލީގެ ބާވަތެއް މިވެލުގެ ފަތް ހުންނާނީ ތޮރާވެލުގެ ޅަފަތް ހުންނަހެންނެވެ ތޮރާވެލުގެ ފަތަށްވުރެ މިފަތް ބޯވާނެއެވެ މިވެލުގައި އަޅަނީ ހިމަދިގުކޮށް ހުންނަ ތޮޅިއެކެވެ މިތޮޅީގެ އެތެރޭގައި މުރާކި އޮށް ހެން ހުންނަ އޮށްތަކެއް ހުރެއެވެ
ކޯވެން
ނ އެއްގަމުގައި ހުންނަ ފެންފެންގަނޑުގައި އުޅޭ ދަތް ނުހުންނަ ވެނެއް
ކޯމަސް
ނ މަންމަލިމަހެއް. މީގެ ތުންހުންނަނީ ބޮލުންފެށިގެން އޫކޮށެވެ. މިއީ ބާރަށް ދުވާ މައްޗަށް ނޭވާލާ ފުމެ ހަދާމަހެކެވެ
ކޯފުއްޕުން
ނ ކަންފަތުގެ ތިރީގައި ހުންނަ ގްލޭންޑް ދުޅަވުމުގެ ސަބަބުން ޖެހޭބައްޔެއް މިބަލިޖެހުމުން ކަންފަތުގެ ބުޑުން ފެށިގެން ކޮލާ އެއްކޮށް ދުޅަވެއެވެ
ކޯދު
ނ (1) އޮށުތެރޭގައި އޮންނަ ޅަނިރު އޮށުތެރޭން ނިކުމެފައި ހުއްޓަސް ފަތަށްނުވެ ޅަކޮށް ހުންނައިރު ކިޔަނީ މިނަމެވެ (2) )ހ ( މަލަސް
ކޯދުލާއެރުން
މ (1) ފުން ފާރުގަނޑުގެ އެތެރޭން މަސްލަމުން ފުރެމުން އައުން. (2) ހަކުރު އަޅާފައި ހުންނަ އެއްޗެހީގެ އަޑީގައި އުފެދޭ ކަރު ބޮޑުވަމުން މައްޗަށް އަރަމުން އައުން (3) ބިންފަޅައިގެން މައްޗަށް އެރުން
ކޯދޮންނަލޯ
ނ މީހުން އަތްދޮއްވައި ކޯދޮއްވައި ހަދާންގެންގުޅޭ ކަންވާރެއް މިބޭނުންކުރަނީ ނަމޫނާ ކުރަޔާ އެކުގައެވެ
ކޯލާވާޓަރު
ނ ހުވަނދު އެޅި ބަނގު އާތްވެއް ފެންވަރައިގެން ގައިގައި މީރުވަސް ދުއްވުމަށާއި ބޮލުގައި ރިހުން ފަދަ ބަލިބަލި ޖެހުމުން ފެނާ އެއްކޮށްގެން ބޮލަށް އަޅަންވެސް މި ބޭނުންކުރެއެވެ
ކޯލާގެ
ނ ބުރުޒު ބުރުޒު މަތީގައި ދުރުބަލަން އަރާހުންނަ ކުޑަގެ
ކޯޑި
ނ (1) ރަށްފުށުގައި ކުޅޭ ކުޅިވަރެއް. މިއީ ބޮޑުޢީދުގެ ތެރޭގައި ކުޅެއުޅޭ ކުޅިވަރެކެވެ. (2) ކޯޑިކުޅޭއިރު ރުކެއްގައި ނުވަތަ ދަނޑިއެއްގައި އެލުވާއެތި މީގައި ހުންނަނީ ވަޅިފަންކޮށައިފައެވެ މިހާރަކަށް އައިސް ވައްތަރު ވައްތަރުގެ ރީތި ކަރުދާހުން އެއްޗެހި ހަދައި އެލުވާފައި ހުރެއެވެ
ކޯޓު
ނ (1) ވިލާތު ހެދުމުގެ ތެރޭގައި ގެންގުޅޭ ދެފަރާތުގައި ޖީބުލައިފައި ހުންނަ އަތްގުދުކުރި ބަނޑުފެޅި ލިބާސް (2) ޝަރީޢަތް ކުރާ އިދާރާ (3) ތާސްކުޅެގެން އެއްއަތްބައިވެސް ނުލިބުނީމާވާދެރަ (4) ބައެއްކުޅިވަރު ކުޅުމަށް ރޮނގުދަމައި ވަކިކޮށްފައިވާތަން މިސާލު: ޓެނިސްކޯޓް