radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ޒުމައްރަދު
ނ ފެހިކުލައިގައި ހުންނަ އަގުހުރި ހިލައެއް
ޒުލްޤަރުނައިނި
ނ ކީރިތި ޤުރްއާނުގައި ނަންގަނެވިފައިވާ ނަބީބޭކަލަކާގާތް ޢަދްލުވެރި ރަސްކަލެއްގެ ނަންފުޅު
ޓަނު
ނ (1) ވިހި ހަންދަރުގެ ބަރުދަން (2) އުޅަނދުފަހަރުގެ ބަރުދަން ހިފާ މިންވަރު ބެލުމުގައި ސަތޭކަ ކޮޑިފޫޓްގެ މިންވަރު (3) މުދަލުން ނާލު ނެގުމުގައި 04 ކޮޑިފޫޓްގެ މިންވަރު (4) ރާއްޖޭގެ ފުރާދުއްވާ އުޅަނދުފަހަރުގެ ތެރެއިން މުދަލާއި މީހުން އުފުލާ އުޅަނދު ފަހަރަށް ދީފައިވާ ރަޖިސްޓަރީ
ޓަކުންޓަކުން
ނ ފުންނާބު އުސްފައިވާން ނުވަތަ އުށްޖެހި މަރަވަޅީގައި ހިނގާ އިރު އިވޭއަޑު
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓަވަރު
ނ ދުރު ބެލުމަށް އުސްކޮށް ހަދައިފައި ހުންނަ ތަންތަން ޢާންމުކޮށް މިފަދަ ތަންތަން ހުންނަނީ ކިއްލާއާއި ބުރުޒުގައެވެ ވައިގެ ބަނދަރުގައި ވެސް ޓަވަރެއް ހުރެއެވެ
ޓަތްކެއްއެޅުން
މ މީހެއްގެ ބޮލުގައި އިނގިލިތަކުގެ މޮށްތަކުން ޖެހުން
ޓަގު
ނ ކަނޑުގައި ދުއްވާ އުޅަނދު ފަހަރާއި ބޯޓް ބައްތެއްޔާއި ބަނޑު ފަހަރު ކަފުޖަހައިގެން ދެމުމަށް ބާރުގަދަ އިންޖީނެއް އަޅައިފައި ހުންނަ އުޅަނދެއް
ޓަސް
ނ (1) މުރަނައެއްޗެއް ކުއްލިއަކަށް ބިނދޭއިރު އިވޭއަޑު (2) ހަމަ ވަގުތުގައި ކުއްލިޔަކަށް ކަމެއްވީކަން އަންގައިދޭ ބަހެއް
ޓާމް
ނ ތަޢުލީމީ އަހަރުގައިވާ ދުވަސްތައް ކިޔަވައިދިނުމަށް ބަހައިލައިފައިވާ މުއްދަތުންކުރެ މުއްދަތެއް މިސާލު: މިއަހަރުގެ ފުރަތަމަ ޓާމުގެ ކިޔެވުން ނިމޭނީ އެޕްރީލުމަހުގެ ނިޔަލަށެވެ
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޓިންޓިން
ނ (1) ގަޑިންޖަހާއަޑު (2) ލޯބަނޑިޔާފަދަ އެއްޗެހީގައި ދަގަނޑު ފަދަ މަޢުދަނީ އެތިކޮޅަކުން ޖެހީމާ ގޮވާއަޑު
ޓިއުބު
ނ ބައެއްކަހަލަ އެއްެޗެހި ޓެސްޓުކުރުމަށް ބޭނުންކުރާ އާލާތެއް މިހުންނާނީ އެތެރޭގައި ހޮއި ހުންނަގޮތަށް އެއްގޮތަށް އެއްކޮޅު ބައްދައިފައެވެ
ޓިއުޝަން
ނ (1) ފިލާވަޅުތައް ދަސްކޮށްދިނުމަށްޓަކައި ގޭގޭގައި ކިޔަވައިދޭ ކިޔަވައިދިނުން. (2) މަދަރުސާއެއްގައި މުޤައްރަރާ އެއްގޮތަށް ކިޔަވައިދޭ ކިޔަވައި ދިނުމުގައި އިތުރަށްދެވޭ އެހީގެ ގޮތުގައި ކިޔަވައިދޭ ކިޔަވައިދިނުން
ޓިޕުސް
ނ ލިބޭ ޚިދުމަތަށް ދޭންޖެހޭ ފައިސާގެއިތުރަށް އެޚިދުމަތެއް ލިބުމުގައި މެދުވެރިވި ފަރާތަކަށް ހިތްހެޔޮކަމާއެކު ދޭ ފައިސާގެ މިންވަރެއް
ޓިޕުސްދިނުން
މ ލިބޭ ޚިދުމަތަކަށް ދޭންޖެހޭ ފައިސާގެ އިތުރަށް އެޚިދުމަތެއް ލިބުމުގައި މެދުވެރިވި ފަރާތަކަށް ހިތްހެޔޮކަމާއެކު ދޭ ފައިސާގެ މިންވަރެއް ދިނުން
ޓީބީ
ނ (1) ކެއްސުންބަލި (2) އިނގިރޭސި ލަފުޒެއް ކަމުގައިވާ ޓިއުބަރކިއުލޯސިސް މިބަސް ކުރުކޮށް ކިޔާގޮތް
ޓީމު
ނ (1) އެއްކަމެއްގައި ބައިވެރިވާ މީހުންނަށް ޖުމްލަކޮށް ބުނާގޮތް (2) ކުޅިވަރެއްގައި އެއްކޮޅުން އަރާމީހުންނަށް ޖުމްލަކޮށް ބުނާގޮތް
ޓުރެކްޓަރު
ނ ދަނޑުގައި ފަސްގަނޑުޖެހުމަށް ބޭނުންކުރާ އާލަތެއް