radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ކެލާޖެހުން
މ (1) ފަންޑިތަވެރިކަމުގެ ގޮތުން ކެލާ ގާނައިގެން އެކިގޮތްގޮތަށް ގައިގައްޔާއި އެއްޗެހީގެ ތަންތަންކޮޅުގައި ހޭކުން (2) ކިޔަވާ ފިލާ ދޮވެ މަށިލުމަށްފަހު އެ ފިލައިގެ ތަންތަންކޮޅުގައި ކެލާ އުނގުޅުން މިއީ އީދާ ނުވަތަ ރޯދަޔާ ދިމާކޮށް އާދަކާދައިގެ ގޮތުން ކުރާ ކަމެކެވެ
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކެޔޮޅާ
ނ ކަށިމަލުފެން މިއީ އިހުގައި ބަންގާޅުން ގެނެސްއުޅުނު އެއްޗެކެވެ މިހުންނަނީ ފިނިފެންފުޅިހެން ހަމައެވަރުގެ ފުޅިފުޅީގައެވެ މިބޭނުންކުރަނީ ކާއެއްޗެއްސަށް އަޅާށާއި ބޭހަށެވެ
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކެޕްޓަން
ނ (1) ކައްޕިތާނު. (2) ކުޅިވަރުޓީމެއްގެ ކުޅުންތެރިންގެ ތެރެއިން އެންމެއިސްކޮށް ހުންނަމީހާ. (3) ސިފައިންގެ މަޤާމެއްގެނަން މިއީ ލެފްޓިނަންޓުގެ މައްޗަށް ހުންނަ މީހެއްގެ މަޤާމެވެ (4) އިސްކޫލެއްގެ އެންމެ އިސްކޮށްހުންނަ ދަރިވަރު
ކޭހުސޭނު
ނ ފުރާދުއްވާ ބޮޑެތި އެއްޗެހީގައި ހުންނަ އަނބުރާ ބާވަތެއްގެ ސޯބެއް މިއީ ބިއްލިޖަހައިގެން އަނބުރާ އެއްޗެކެވެ
ކޭވައްބުރު
ނ )ސ ( ކުދިން ކުޅެން ގެންގުޅޭ ކަށިކެޔޮ މިއީ ބާވަތެއްގެ ވިނައެކެވެ
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮންކޮން
ނ (1) ބެރުގެ ހަންބާރުކުރަން ވޮށީގައި ތަޅަންގެންގުޅޭ މުގުރު. މިއީ ދެކޮޅަށް ހިމަ ފޯލިކޮށް އޮންނަ ގުދު އެއްޗެކެވެ. (2) " ކޮން" ބަލާ!
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮރުކޮކާހުއި
ނ ބާވަތެއްގެ ވިނައެއް މިބާވަތުގެ ވިނައިގެ ތެރޭގައި ކޮރުކޮކާ ގިނައިން އުޅެއެވެ މިއީ ބިލެތު ހުއިހެން ހުންނަ އެއަށްވުރެ ހިމަދިގު ވިނައެކެވެ
ކޮރުތަކުރުލަވަ
ނ ދަނޑިބެރާއި ދުންމާރީގެ ލަވައެއް މިއީ ހުކުރު ދުވަހު ހަތްފިޔަވަޅު ބެރުގެ ތިންބައި ލަވަ ތެރޭގައި ޖަހާ އުޅުނު ލަވައެކެވެ
ކޮރެފާނު
ނ )ގ ( ރޭގަނޑަށް ގޮވާ ފަންޏެއް މިއީ ކަޅުމުށިކުލައިގެ ހިމަދިގު ފަންޏެކެވެ މިފަނިގޮވާކަމަށް ބުނެއުޅެނީ ކޮންމެވެސް ޚާއްޞަކަމެއް މެދުވެރިވާން ވުމުން އެކަމުގެ ޢަލާމާތެއްގެ ގޮތުންނެވެ މިސާލަކަށް: މީހަކު މަރުވާންވުމުން ނުވަތަ ރަށުގައި ނުރައްކާ ރޯގާ ބަލިކަމެއް ފެށެން ވުމުންނެވެ
ކޮޅިމޫސުން
ނ ދެމޫސުން ބެދޭ ދުވަސްވަރު. މިއީ އެކިފަހަރު އެކިދިމާއިން ވިއްސާރަ ކޮޅުކޮޅު އަންނަ ދުވަސްވަރެވެ
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
ކޮއްމަސްބުރި
ނ (1) ހަތަރެސްފައި ނެތް އިންސާނާ (2) ޚިޔާލީ ފުރޭތައެއް މިއީ ހަތަރެސްފައި ކަނޑައިލައިފައި އޮތް ހަށިގަނޑެއްހެން އޮންނަ އެއްޗެއް ކަމަށް ބުނެއުޅެއެވެ (3) މަޖާޒު: މަސައްކަތްނުކުރާ ކަންނެތްމީހާ
ކޮއްޓޭ
ނ (1) ބޮލީގެ ބާރަފައު މިއީ ބާރަހާސްފުކެވެ (2) ބާރަހާސްފުއްބޮލި އަޅައި ބަންދުކޮށްފައި ހުންނަ މުޅި
ކޮއްޗޭ ބަނޑިޔާ
ނ ކޮއްޗޭން ގެނެސް އުޅުނު މުށި ބަނޑިޔަލެއް މީގައި ކަރެއް ނުހުންނާނެއެވެ މިއީ ވަށް ބަނޑިޔަލެކެވެ
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ