radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަރު
ނ (1) ބައެއްކަހަލަ އެއްޗެހި ކައްކާއިރު މައްޗަށް އަރާފޮނު (2) ހަނޑޫ ދޮވެފައިހުންނަ ފެންގަނޑު (3) މާކަނާހޮޑު
ގަބުއެރުން
މ ގަމާރުވެފައިހުރުން
ގަމަށްދާނީ
ނ )ޏ ( އިހުގައި ވަދުދޯނިފަހަރުގައި ދިޔަހިއްކަން ގެންގުޅުނު އެއްޗެއް މިހުންނަނީ ނާށިންހަދައި ކުރުދަނޑިއެއްލައިފައެވެ
ގަދަހަމާންތިކަން
ނ (1) ކަންގަތި ކޮލީގެ ނަމެއް (2) އިހުގައި ރާއްޖެތެރޭގެ ބައެއް މީހުނަށް ކޮލިލައްވައިފައި ދެއްވާ ޢިއްޒަތުގެ ނަމެއް
ގަދަކުރުން
މ (1) ފަރުވާދީ ފަސޭހަކުރުން (2) ބަލިތަނެއްގެ ބަލިކަން ކެނޑުވުން މިސާލު: ފުޅައް ބަލިވެފައިހުރީމާ ގަދަކުރަން މުޑިޖެހުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދެއްކުން (4) ތިމާގެބަސް އެހެން މީހުންގެ މައްޗަށް ހިންގުން (5) ތަނަކަށް ވެރިވެގަތުން (6) ވިއްސާރަވެ ވައިގަދަވުން
ގަތައިފެހުން
މ އިހުގައި އަންހެނުން ލައިއުޅުނު ލިބާހުގެ ބޯވަޅު އެޅުމަށް ކަސަބު ބާދަލާއިން ހިރާއި ރޮދިގަތައި އެ އަޅައި ލިބާސް ފެހުން
ގަލުއާރޮސް
ނ ގަލެއްގެ ބަރުދަން ހުންނަ އާރޮސް މިއީ އިހުޒަމާނުގައި ރާވެރިންގެ އަތުން ވާރަށް ނަގާ އެއްޗެކެވެ
ގަސްދޮށަށްނެރުން
ނ އިހުގައި މާލޭގެ ދެދޮރޯށި ދޭތެރޭގައި ހުންނަ ވަރުކަނދުގަސް ދޮށަށް ބަނޑު ބިންމަތީ ޖައްސަން ނެރުން )މިއީ ސިޔާސީ ކުށްވެރިންނަށް ދެއްވާ އަދަބެކެވެ
ގާއޮޑިލަވަ
ނ އިހުޒަމާނުގައި މާލޭގެ ތޮށިލައިނިމިގެން އެމަސައްކަތުގައި އުޅުނު މީހުން ޖަމާޢަތް ހަދައިގެން އެކިބާވަތުގެ ލަވަކިޔަމުން ބެރުޖަހަމުން ކުޅިހަދަމުން ކުޅެއުޅުނު ކުޅިވަރެއް މިހާރުވެސް އެކިއެކި މުނާސަބަތުތަކުގައި މިކުޅިވަރު ކުޅެއުޅެއެވެ
ގިނިދެމުން
މ އުނދުނުގައި އަލިފާން ގަދަވުމުގެ ސަބަބުން އުނދުނުގައި ޖަހައިފައިހުރި ދަރުން ބައެއް ބޭރަށް ނެރުން
ގިބުޠީން
ނ (1) މިސުރުގެ ކުރީގެ ވަޒަންވެރިން (2) ޤިބުޠުގެ )އިހުގައި މިސްރަށް ކިޔާނަން( އަހުލުވެރިން
ގުންޑާ
ނ (1) އެއްޗެއް ނޭނގޭމީހާ (2) ނުކިޔަވައިހުރިމީހާ (3) ޖާހިލުމީހާ (4) ތަންދޮރު ނުދަންނަމީހާ
ގުރުޒު
ނ (1) އިހުގައި ހަނގުރާމަވެރިން ބޭނުންކުރި ހަތިޔާރެއްގެ ނަން މިހަތިޔާރު ހުންނަނީ އެއްކޮޅު ވައްކޮށް ފަލަކޮށެވެ ހިފަން މުށްގަނޑެއް ލައިފައެވެ (2) ތާރަޖަހާއިރު ނަށާމީހުން ވަކިހަމަޔަކަށް ޖަހަންގެންގުޅޭ ކުރުދަނޑިކޮޅެއް ލައިފައި އޮންނަ ލޯބޮޅު ފައްޗެއް
ގުޅަކުޅޭފަސްގަނޑު
ނ އިހުގައި ބޮޑުގަނޑުވަރުގެ ކުރިމަތީގައި މިހާރުގެ ސަލްޓަންޕާކުގެ ކުރިމަތީގައި އެކިއެކި ރަސްމީ ބޭނުންތަކަށް ބާއްވައިފައި އޮންނަ ހުސްބިމެއް ހަވަރު އެއްވާނީ އެތަނަށެވެ
ގުޅިކޮޅުހަކުރު
ނ އިހުގައި ރަސްރަސްކަލުންނަށް މާލެ އަތޮޅު ވިލިނގިލިން ގެންނަ ދިޔާ ހަކުރު
ގުލާބުޖާން
ނ ފޮނި ހެދިކާއެއް. މިއީ ގޮދަންފުށް ނުވަތަ މުގުރައިފައިހުންނަ ކަނަމަދު ނުވަތަ މަޑުކޮށްފައި ހުންނަ އަލުވި ހިކިކިރާ އެއްކޮށް ގިތެޔޮ ލައިގެން މޮޑެ ގުޅަވަށައި ތެލުލުމަށްފަހު ފޮނިތޮށި ކާފޫރުތޮޅި ލައިގެން ފޮނި ގަދަކޮށް ކައްކައިފައި ހުންނަ ފަންޏަށް ލައިފައި ހުންނަ އެއްޗެކެވެ
ގޮށުވައިލުން
މ މަޑުކޮށްފައިހުރި އެއްޗެއް އުނދުޅިއެއް ފަދަ އެއްޗަކުން ޗިސްކޮށްލުން
ގޮށްބައި
ނ ފިރިހެނުންގެ ލިބާހުގެ ގޮށްފޮތީގައިލުމަށް ހަދައިފައިހުންނަ އެއްވައްތަރުގެ 6 ގޮށް މިގޮށްތައް ހުންނާނީ އެއްގޮށް އަނެއްގޮށާ ގުޅައިފައެވެ
ގޮށްމަސް
ނ ބުރަ މަސައްކަތް ކުރާ މީހުންނާއި ހަށިގަނޑު ވަރުގަދަ ކުރުމަށް ކަސްރަތު ކުރާމީހުންގެގުނަވަންތަކަށް އަރައިފައިހުންނަ ހަރު ވަރުގަދަމަސް