radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
އޮހޮރުން
މ (1) އޮހުން. (2) ދިޔާއެއްޗެއްފައި ބައިގަތުން މަޖާޒު: (3) މީހަކަށް އާދަޔާ އިޚިލާފުވާ ފަދަޔަކުން އެއްޗެހިތަކެއް ލިބެމުން ދިއުން. ރ. އޮހޮރި ނނކ އޮހޮރައިފި ނކ އޮހޮރަނީ ވވ އޮހޮރާނެ ވނ އޮހޮރާ އމ ރނ. އޮހޮރުން. ނނކ އޮހޮރިއްޖެ ނކ އޮހޮރެނީ ވވ އޮހޮރޭނެ ވނ އޮހޮރޭ އވ
އޮށް
ނ (1) އޮށްޓަރު (2) ބައެއްގަސްގަހުގައި އަޅާވައް (3) ގަސްގަހުގެ ވަކުގެ ތެރޭގައި ހުންނަ އޮށްޓަރު (4) ބިއްލޫރިއާއި ލަކުޑިފަދަ އެއްޗެތީން ހަދައިފައި ހުންނަ ކުދިގުޅަ (5) ލޮލު ތެރޭގައި އޮންނަ ހުދުގުޅަ (6) އުރަވަޅީތެރޭ ހަރުކޮށް އޮންނަ ދެގުޅަ (7) ޖަމަލު
އޮށްވަޅު
ނ ފަރާތެއްގައި އަށްވަޅު ދެފަރާތުގައި ސޯޅަވަޅު ދެކޮޅުގައި ފިހާރައޭ ކިޔާ ބޮޑު ދެވަޅުހުންނަ ގޮނޑިއަކަށް ބޮލިއަޅައިގެން ކުޅޭ ކުޅިވަރެއް ބިންމަތީ މިގޮތަށް ވަޅުކޮނެގެން އެއަށް އޮށް އަޅައިގެންވެސް މިކުޅިވަރު ކުޅެއެވެ އާދައިގައި މިކުޅެނީ ވަޅަކަށް އަށްފުށް އަޅައިގެންނެވެ
އޮނަ
ނ ފުރަތަމަ ދިހައަކަށްފަހު ސަތޭކައާ ޖެހެންދެން އަންނަ ކޮންމެ ނުވަޔަކަށްވާ ޢަދަދު. މިބަސް ބޭނުންކުރަނީ ދިހަ ހަމަވާ ޢަދަދަކާ ގުޅުވައިގެންނެވެ. މިސާލު: އޮނަވިހި އޮނަތިރީސް )ސ ( އޮނު
އޮނިގަނޑު
ނ (1) އިންސާނާއާއި ޖަނަވާރުގެ މަސްފިލައިފައިވާ ހަށިގަނޑު (2) ގުޑިތެލަނގަ ފަދަތަކެތީގެ ދުނިގަނޑު (3) އޮނި
އޮރުދޫބަސް
ނ އިންޑިޔާއާއި ޕާކިސްތާނުގެ މީހުން ވާހަކަދައްކާ އުޅޭބަހެއް
އޮޅުފަށް
ނ (1) ލަކުޑީގެ އާރުނޫންބައި (2) )ހ ( ބެއްޅަ
އޮޅުފަސް
ނ އާނުގެ ދަށުގައި ހުންނަފަސް
އޮޅުދޫކައްޓަލަ
ނ އާދައިގެ ކައްޓަލަ
އޮއި
ނ (1) ކަނޑާއި މޫދު ފަދަ ތަންތާގެ ލޮނުގަނޑު ނުވަތަ ފެންގަނޑު ކޮންމެވެސް އެއްކޮޅަކަށް ދެމޭދެމުން (2) މިދެމޭ ބާރު އާހުގައި ހިނގާ މިފަދަ ބާރަކަށްވެސް މިހެން ކިޔައެވެ
އޮލީކިއެވުން
މ ވަކިދަރަޖައެއްގެ ބަޔަކު ނިޔައުވީމާ ރަސްމީގޮތުން ޤުރުއާން ކިޔެވުން
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑިމަތީއޮޑި
ނ (1) އޮޑިކޮޅު ތަންތަނަށް ދާއިރު އެއާއެކު ދިއުމަށް އޮންނަ އޮޑި މަޖާޒު: (2) މީހެއްގެ ބަދަލުގައި ހުންނަމީހާ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޮޑިދޮށުމާރު
ނ (1) އެންދަމާއިރު އޮޑިއާދުރަށް ދާހިނގައިދާނެތީވެ ކައިރިއަށް ދަމަން ދަލުގައިޖަހާވާ (2) ފުލުވާ
އޯއް
އ ގޮވައިލީމާ އާއެކޭ ބުނާބުނުން
އޯތް
އ ގޮވާލީމާ އާއެކޭ ބުނުމަށް ބުނާ ގޮތެއް
ވަށަބުޅި
ނ މަސްބާނަން ގެންގުޅޭ ބުޅިއެއް މިއޮންނާނީ ކަނިފަށްނުލާ އާދައިގެ ބުޅިއަށްވުރެ ވަށްކޮށެވެ
ވަންފަލް
ނ )ޏ ( ދަތުރުމަތީގައި ނަގާ އާދައެއް