radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ލިފުޓު
ނ އުސް ޢިމާރާތް ޢިމާރާތުގައި އެކި ބުރިބުރިއަށް މީހުންނާއި ތަކެތި އުފުލައިދީ ބާލައިދޭން ހުންނަ ދަތުރުކުރާ ކޮޓަރި
ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ލުހުން
މ (1) ތަނަކަށް ޖަހައިފައިވާ އެއްޗެއް ނުވަތަ އިންދައިފައިވާ އެއްޗެއް އެތަނަކުން ވަކިކުރުން. (2) ފެނުގައި ހުރިއެއްޗެއް ފެނުން ނަގައި ފެން ހިކޭ ގޮތަށް ބެހެއްޓުން މިސާލު: )ހ( މަސްލުހުން )ށ( ހަނޑޫފަދަ ތަކެތި ދޮވެފައި ގޮއްޓެއްފަދަ އެއްޗަކަށް ލުހުން (3) އުފުރުން
ލޫވަ
ނ ކަތި ފިލާހެން ހަނި ބިއްލޫރިފަދަ ތަކެތި ލައްވައިގެން ކުޑަ ދޮރުގައި ހަރުކުރަން ހަދައިފައި ހުންނަ އެއްޗެއް މި ހުންނަނީ ހުޅުވައި ލެއްޕޭގޮތަށެވެ
ލެއްވުން
މ (1) އެއްޗެއްގެ ތެރެއަށް އަނެކަޢްޗެއް ވެއްދުން (2) ޖަމާޢަތެއްގައި ހިމެނުން (3) އުނދޯލި ފަދަ ތަކެތި ހެއްލުން (4) ބައިވެރި ކުރުން
ލޮލީ
ނ ހިފޭގޮތަށް އިލޮށި ކޮޅެއް ފަދަ އެއްޗެއް ލައްވައިފައި ޖޫސްފަދަ ތަކެތި ގަނޑުކޮށްގެން ތައްޔާރުކުރާ ލޮންނަ އެއްޗެއް
ލޮޔަށްލުން
މ ފޮޓޯއާއި ސަނަދާއި މިފަދަ ތަކެތި ފުރޭމު ކުރުން
ލޯކަންވާރު
ނ ލޮއިން ހަދައި ތައްޔާރުކުރާ ތަށިތެލި ދޮލަނގުފަދަ ތަކެތި
ލޯއުނގުޅާބޭސް
ނ ލޮއިން ހަދައިފައިވާ ތަކެތި ސާފުކުރުމަށް ގެންގުޅޭ ބޭހެއް
ލޯފެޅުން
މ (1) ޅަބުޅަލާއި މީދާފަދަ ތަކެތި ލޯހުޅުވި ފެންނަވަރުވުން (2) ލޯ އޮޕަރޭޝަން ކުރުން
ގަނޑުކާގަނޑު
ނ (1) އެއްވައްތަރެއްގެ ތަކެތީގެ ތެރެއިން ހޮވައިވަކި ކުރުމެއްނެތި (2) ހުރިހާ ބާވަތެއްގެ ތަކެތި އެއްކޮށް މިސާލު: ހުރިހާ ފިޔާތައް ގަނޑުކާގަނޑު އެއްކޮށްނެގީ ދޮންމަނިކެވެ
ގަނޑުދޮށުލުން
މ ގަނޑުފިއްލާ ކުޅޭއިރު ގަނޑަށް ހަދާ މީހާގެ ގައިމަތީގައި ބާލީސް ފަދަ ތަކެތި ބަހައްޓައި ފޮތިގަނޑެއް ފަދައެއްޗަކުން ނިވާ ކުރުން
ގަނެވިއްކުން
މ (1) ވިޔަފާރި ކުރުން (2) ތަކެތި ގަނެފައި ފައިދާ ލައިފައި އަނެއް ފަރާތަކަށް ދޫކުރުން
ގަންޖު
ނ ކުރަފަތްފަދަ ތަކެތިލާން ހަމުން ހަދައިފައި ހުންނައުރަ
ގަރަންމަސާލަ
ނ ރިހަކައްކާއިރު ނުވަތަ ބައެއް އެހެން ތަކެތި ހަދާއިރު މީރުކުރަން އަޅާ ހަވާދެއް
ގަބުޅިވަރުވުން
މ ގަހުގައި އަޅާ ބައެއްކަހަލަ ތަކެތި ގިތިކަން ކެނޑި އެއަށްވުރެ ހަރުވުން މިސާލު: )ހ( ގަބުޅިވަރު ފޭރެއް )ށ( ގަބުޅިވަރު އަންނާރެއް
ގަތާފައި
ނ ބޯވަޅުގެ ރޮދިގަނޑާއި ހިރުފަދަ ތަކެތި ގެތުމަށްޓަކައި ހަނޑޫ ކަނޑާވަނެއްގެ ސިފައިގައި އަށެއްކަ އިންޗީގެ އުސްމިނުގައި ލަކުޑިން ހަދައި ލިޔެލާ ޖަހައިފައި ހުންނަ އެއްޗެއް މިހުންނަނީ އެތެރެ ކޮނެފައެވެ މަތީގައި ފޮތީގެ ބޮލެއް އޮވެއެވެ
ގަލިކުނި
ނ )ސ ( އަގެއްނެތް ގިނަތަކެތި
ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ގާފާ
ލަކުޑިއާއި ވަކަރާއި ދަނޑިފަދަ ތަކެތި މޫދުއެޅުމަށް މޫދުތެރޭގެ އެއްތަނަކަށް އެއްކޮށްފައި ހުންނަ ގާތައް