radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
މެނޭޖަރު
ނ ވިޔަފާރިއެއް ނުވަތަ އިދާރީ ކަމެއްގެ ވެރިއަކަށް ހުންނަ މީހާ
މެކުނު ފުމުނަކަސް ގާހަކަޔަކަށް ނުފުމެވޭނެ
)މުސްކުޅިބަހެއް( ކަމަކަށް އެކަށީގެންނުވާ މީހަކު އެކަމެއް ކުރަން އުޅުނީމާ ބުނާއެއްޗެއް
މެކުން
މ (1) އެކުވުން (2) ހޭކުން (3) މަޖާޒު: ކަމެއްގެ ތެރޭގައި ހިސާބަކަށް އުޅެލުން
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުކަނޑާލުން
މ (1) ވިދިވިދިގެން ކުރަމުން އަންނަ ކަމެއް ދުވަސް ކޮޅަކަށް ހުއްޓައިލުން (2) ކޮށްކޮށްހުރިކަމެއް ވަގުތު ކޮޅަކަށް ހުއްޓާލުން
މެދުކެނޑުން
މ (1) ވިދިވިދިގެން ހިނގަމުން އައިކަމެއް ނުވަތަ ކުރަމުން އައިކަމެއް ނުވެ ވަގުތުކޮޅެއް ނުވަތަ ދުވަސްކޮޅެއް ދިއުން (2) ވަކި އުޞޫލެއްގެ މަތިން ހިނގަމުން އަންނަކަމެއް އެއުޞޫލުން ލަސްވުން
މެދުވެރިން
ނ (1) ކަމެއް ކޮށްދޭން ޙަވާލު ވާމީހުން (2) ކަމެއް ކޮށްދޭން އެހީތެރިވާ މީހުން
މެދުވެރިޔާ
ނ (1) ކަމެއްކޮށްދޭން އެހީތެރިވާ މީހާ (2) ކަމެއް ކޮށްދިނުމަށް ޙަވާލުވާ މީހާ
މެޑެލި
ނ އާދަޔާ ޚިލާފު މޮޅުކަމެއް ނުވަތަ ޚިދުމަތެއް ކުރުމުގެ ސަބަބުން ނުވަތަ މަތީ ވަނައެއް ހޯދުމުގެ ސަބަބުން އެކަން ފާހަގަކުރާ ލަޤަބެއްގެ ގޮތުގައިދޭ މަޢުދަނުގެ ފޮއްޗެއް ޢާއްމު ގޮތެއްގައި މިފޮތިހަދައިފައި ހުންނަނީ ބޮޑު ފައިސާ ފޮއްޗެއްގެ ގޮތަށް އެކަމަކާ ގުޅޭ ނިޝާނެއް ކަނޑައި ނަގައި ނުވަތަ ފުއްޕުންލައި ފައެވެ
މެޝިން
ނ (1) ތަފާތު ބައިތަކެއް ރާވައިގެން ހަދައިފައި ހުންނަ އަމިއްލައަށް ނުވަތަ ޗާބީދީގެން ނުވަތަ ކަރަންޓުން ނުވަތަ ބެޓެރީން އަދި އެނޫންވެސް ހަކަތައަކުން އަމިއްލައަށް ހިނގާ ވަކިވާޖިބެއް އަދާކޮށްދޭ އެއްޗެއް (2) މަޖާޒު: މަޚުލޫޤުން (3) ސަރުކާރު ނުވަތަ ކަމެއްހިންގާ އިދާރާ
މޭފިނިވުން
މ (1) ކަމަކާ ހާސްވެ ކަންބޮޑުވެގެން އުޅެނިކޮށް އެކަމެއް ހަމަޖެހޭގޮތްވުމުން ބުނެއުޅޭ ބަހެއް މިސާލު: އަހަރެންގެ މޭ ފިނިވީ ދަރިފުޅު ގަހު ކުރީން ތިރިޔަށް ފޭބީމައެވެ (2) ކަމަކާ ޖެހިލުންވުން
މޭލިބުއިން
މ ގިނައިރު ދެމިހުރި ފިނިކަމެއްގެ ސަބަބުން ހަމުގައި ރޫޖެހުން
މޮހޮނަށްދޯނިދިނުން
މ )މިސާލުބަހެއް( (1) އެއްވެސް ބޭނުންމެއް ނުކުރެވޭ ގޮތަށް މީހަކަށް އެއްޗެއް ދޭދިނުން (2) އިހްތިޔާރެއް ނެތްގޮތަށް ކަމެއް ޙަވާލުކުރުން
މޮޅުއެޅުން
މ މަޖާޒު: (1) ދިމާވާގޮތަކުން ވަރަށް ބޮޑު ފައިދާއެއް ލިބޭގޮތްވުން (2) އެދިއެދިހުރި ކަމެއް ކާމިޔާބުވުން
މޮޔަހީވުން
މ (1) ކުރެވިފައިވާ ކަމަކާމެދު ފަހުން ހިތާމަކުރުން (2) ފަހުން ދެރަވާންޖެހޭކަހަލަ ކަމެއް ކޮށްގެން އެކުރެވުނީ ގޯސްކަމެއްކަން އެނގުން
މޮޔަހެއްދުން
މ (1) ދޮގުވާހަކަތަކެއް ދައްކައި މީހަކަށް އޮޅުވައިލައިގެން ކަމެއް ކުރުވުން (2) މީހަކުލައްވައި ގޯހެއް ހެއްދުން
މޮޔަހެއްލުން
މ ނުބައިކަމެއް ކުރުމުގެ މައްޗަށް އަނެކާ އަނބުރައިލުން
މޮޔަހެދުން
މ (1) މޮޔައަކަށް ހެދިގެން އުޅުން (2) ގޯސްކަމެއް ކުރުން
މޯ
ނ (1) ވަނަށް އެއްޗެހި އަޅައިފައި ހިމުންކުރަން ނުވަތަ ގޮވާމުގެ ތޮށިފިލުވަން ތެޅުމަށް މަޢުދަނަކުން ނުވަތަ ލަކުޑިން ހަދައިފައި އޮންނަ އެއްޗެއް (2) ބޭހާއި ދަވާދުފަދަ ތަކެތި ހިމުންކުރުމަށާއި ގެށުމަށް ހިލައިން ހަދައިފައި އޮންނަ އެއްޗެއް މަޖާޒު: (3) އެއްވެސް ކަމެއް ނުދަންނަ މީހާ (4) އަންހެން ދުޅާ ފިރިހެނާ
ފަހަން
މ (1) ފައްސަން (2) ވާހަކަ ދައްކާ ފުރަތަމަ ފަރާތަށް ނިސްބަތްވާގޮތަށް އޮތް "ވާކަމެއް" (3) )ބދ ( ގޯނި