radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ފައިދޮށްޖެހުން
މ ބޮޑު ފަތަފޮޅިއާއި ކުނާ ހަވަރަށް ބައްސަވާއިރު ހަވަރުގެ ބޭކަލުން ތިއްބެވުމަށް ދެދޮރޯށި ދޭތެރޭ މުޑި ޖަހައި ރިޔާ ދަމައި ބިންމަތީ ކުނާ އަޅައި ތައްޔާރު ކުރުން
ފައިގައިތަޅާ
ނ ކުޅިވަރެއް މިއީ ދެބަޔަކަށް ބައިބަހައިގެން ވަކި ސަރަހައްދެއް ފާހަގަ ކޮށްގެން އެ ސަރަހައްދުގެ ތެރޭގައި ކުޅޭ ކުޅިވަރެކެވެ މި ކުޅިވަރު ކުޅޭއިރު ސަރަހައްދުން ބޭރުގައި ތިބޭ ކުޅުންތެރިން އުކާ ބޯޅައިގައި ނުޖެހި އުޅެވޭތޯ ސަރަހައްދުގެ ތެރޭގައި ތިބޭ ކުޅުންތެރިން ބަލާނެއެވެ ސަރަހައްދުގެ ތެރޭގައި ހުރި ކުޅުންތެރިއެއްގެ ގައިގައި އުކާ ބޯޅައިން ޖެހިއްޖެނަމަ އެ ޖެހުނު ކުޅުންތެރިޔާ ނުބައިވީއެވެ
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްތިރާ
ނ )ސ ( މީހުނަށް ނޭގޭ ގޮތަށް ދޭ އެއްޗެހި މިސާލު: އެތެރެއަށް އެއްޗެއްލައިފައި ނުވަތަ އަޅައިފައި ޖަހައިފައި އޮންނަ ގޮށް
ފައްލަވަކުރުން
މ (1) ހިކިމަސް ފައްލަވަ އަކަށް އަޅައި ލޮނު ޖަހައިފައި ބެހެއްޓުން (2) ހިކިމަސް އެއްތަނަކަށް އަޅައި ލޮނުޖަހައިފައި ބެހެއްޓުން
ފައްލަވަމަސް
ނ (1) ފައްލަވައަށް އަޅައިފައި ހުންނަ މަސް (2) ފައްލަވަ ކުރިމަސް
ފައްސިހި އެޅުން
މ ފަޗިސް ކުޅޭއިރު ބޮލިގަނޑު ތަޅުވައިލައިފައި އަޅައިލާއިރު ހަބޮލި ބަންޑުން ޖެހުން
ފައްޓާ
ނ (1) ނިޝާނެއްގެ ގޮތުން ތާކިހާ ފަދައެއްޗެހީގައި އަޅާފަށެއް. (2) ނިޝާނެއްގެ ގޮތުން ބާސްކީލިން އަޅާ ފުޅާ ފޮތިފަށެއް. (3) ދޮރުފަދަ ތަންތާނގައި ބަންދު ކުރުމަށް ކައްޗަށް އަޅައިފައި ހުންނަ ބަންދު (4) ފެށުން މިބަހުގެ އަމުރެއް
ފަތުރައިލުން
ނ (1) ހާމަކޮށްލުން. (2) މަޢުލޫމާތު ޢާއްމުކޮށްލުން. (3) ތަރަފާލު ކުނާ ސާންތި ފަދަ އެއްޗެއް ތަނެއްގައި އަޅައިލުން. (4) ފޮތި ފަދަ އެއްޗެއް ތަނެއްގައި ނިއުޅައިލައިފައި ބަހައްޓައިލުން ނުވަތަ ތަނެއްގައި ބާއްވާލައި ނިއުޅައިލުން (5) ރޭޑިޔޯގެ ޒަރީޢާއިން ދުރަށް އަޑުފޮނުވައިލުން (6) ފުންޏަކަށް ހުންނަ އެއްޗެއް ދުރަށް ބެހިގެން ދާނޭގޮތް ހަދައިލުން (7) ފަތުގައި ބޭސްހާކައިލުން (8) ނޫސްޖަހައިލުން (9) ތުންތުންމަތިން ވާހަކަ ނަގުލު ކޮށްލުން )01( ބައެއްކަހަލަ ކަންތަކާއި ބައެއްކަހަލަ ތަކެތި ގިނަވާނެގޮތް ހަދައިލުން
ފަތުލިހަކުރު
ނ ހިކޭވަރަށް ކައްކައި ތަތްކޮށް ކަށިކެޔޮ ފަތުގެ ހޮޅިއަކަށް އަޅައި ބޭރުގައި ހިކިކެޔޮފަތްލައި ބަނދެފައި ހުންނަ ދިވެހި ހަކުރު
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަތްކޮޅުކުރުން
މ އެކިއެކި އެއްޗިއްސަށް މޮހޮރުޖެހީމާ ފޫ އަޅައިފައި އަނެއް ފަރާތަށް ނުކުންނަތަން ލަނބައި ތަޅައި އޮއްބުން
ފަތްފޮށި
ނ ގޭގެ ދިގު ދެބިތުގެ މަތީގައި އަޅައިފައި އޮންނަ ވަކަރު
ފަތްގަނޑު
ނ (1) ކެޔޮފަތް ފަދަ ފަތަކުން ވަކިކޮށްލެވޭ ބައެއް. (2) ރަން ރިހި ނުވަތަ ތިމަރަ ފަދަ މަޢުދަނަކުން ތަޅައި ތުނިކޮށްފައި އޮންނަ އަރިވަރެއް. މިސާލު: ތިމަރަ ފަތްގަނޑު ރަންފަތްގަނޑު
ފަލަށް ދިއުން
މ (1) ފަލުގައި ބޮނބި އަޅަން ނުވަތަ އަޅައިފައި ހުންނަ ބޮނބި ނަގަން ދިއުން (2) ކަނޑޫފަލަށް ކަނޑޫ ހޮވަން ދިއުން
ފަލަސް
ނ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއްކޮޅުގެ ތެރެއަށް ލައްވައިގެން ގަތައިލާ ގަތައިލުން. (2) ވަލުގެ ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށްފައި ގަތާގެތުން
ފަލަސްކުރުން
މ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއް ކޮޅުގެ ތެރެއަށް ލައްވައިގެން ގަތައިލުން މިހެން ހަދަނީ ގޮށްނުޖަހައި ގޮށެއްގެ ބާރު ގެނައުމަށްޓަކައެވެ (2) ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށް ފަށްގެތުން
ފަލިދަ
ނ ފެނުކައްކައި ފުޑައިފައި ހުންނަ ހަރުބޮންތި ރަތްކެޔޮ ބޯތައްޓަކަށް ބޯތައްޓެއްގެ ގަބުޅި ހުނި އަޅައިފައި ހަނޑޫފުށާއި ހަކުރު އަޅައިގެން ހިލާ ފޮނިކާއެއްޗެއް މި ހުންނަނީ ގުޅަގުޅަޔަށް ވަށައި ދުމަށީގައި ޖަހައި ހިއްކައިފައެވެ
ފަލީވަކިގަނޑު
ނ ރަދުންގެ އޮޑިކޮޅުގެ ފަލީގެ ދުލުގައި އަޅައިފައި އޮންނަ ކުރެހުންގަނޑު
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން