radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒާރުކުރުން
މ ބާޒާރަށްގޮސް އެއްޗެހިގަތުން
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބާޖުމެރުން
މ (1) ކަމެއްގައި ދެރަވިމީހަކު މޮޅުވިމީހަކަށް އެއްޗެއްދޭން ނުވަތަ ކަމެއް ކޮށްދޭން ބުނުން (2) ބާޖީމެރުން
ބިހަލަ
ނ (1) އަލައާއި ހިތްތަލަފަދަ ގޮނޑިފައިބާ އެއްޗެތީގެ ކާންކަމުނުދާހައި ކުދި އެއްޗެތި (2) ބިސުލަ
ބިނާޓު
ނ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި އަޅައިފައި ހުންނަ ކުރެހުމެއް
ބިނާޓުކުރުން
މ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި ކުރެހުން އެޅުން
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ
ބިންބިމާވަހަރު
ނ މާވަހަރުގެ ބާވަތެއް މިހުންނާނީ ނީކުނޑިކުލައިގައެވެ
ބިންބޯހަނދި
ނ )އ ( ހަނދީގެ ބާވަތެއް މިއީ ފަނޑު މުށިކުލައިގެ ދަޅައެއް އަޅާ ފެހި ނޫކުލައިގެ މަހެކެވެ ކަރުތާފަތުގެ މަތީގައި ކަޅުކުލައިގެ ލަފެއް ހުންނާނެއެވެ
ބިންކޭލަދަ
ނ ފަތްކޭލާއި ބިމަށް ގޮނޑި ފައިބާ ހުރިހާ ކާތަކެތި
ބިންވަރުނަ
ނ އިންދުމާ ނުލައި ބިމުގައި ހުންނަގަސްފެޅުމުގެ ބާރު
ބިންމަތިއަލިވުން
މ (1) ފަޖުރަށްލައި ދުނިޔެ މަތިން އަނދިރިކަން ފިލުން (2) ކުކުޅުހާ ގަހުން ފައިބާ ވަރަށް އަނދިރިކަން ފިލުން
ބިންފަޅަ
ނ ބިމަށް ގޮނޑި ފައިބާ ކާތަކެތި
ބިންދާބަޑި
ނ މެދުން ލަނބާ ހުޅުވާ އެތަނަށް ރޭޒާފުކެއް ލައިގެން އަމާޒު ހިފާން ދަސްކުރާން ގެންގުޅޭ ބަޑިއެއް
ބިންގާ
ނ (1) ބިންގަލަށް ވަޅުލާގައު (2) އިމާރާތުގެ ބިމުގެ އަޑިޔަށް ރާނާބައި (3) ގޭގެ ކަނެއްގައި އިރުވަރުން ބާއްވާގައު (4) ޢިމާރާތް ކުރުމުގެ މަސައްކަތް ފެށުމުގެ ރަމްޒެއްގެ ގޮތުން ބާއްވާ ގައު (5) ތަރަހަ (6) ތަރާ
ބިންގާ އެޅުން
މ (1) ބިންގަލަށް ވަޅުލާގައު ވަޅުލުން (2) ޢިމާރާތުގެ ބިމުގެ އަޑިޔަށްވާބައި ރާނައިލުން (3) ގޭގެ ކަނެއްގައި އިރުވަރުން ބާއްވާ ގައު ބޭއްވުން (4) ޢިމާރާތްކުރުމުގެ މަސައްކަތް ފެށުމުގެ ރަމްޒެއްގެ ގޮތުން ބާއްވާގާ ބޭއްވުން (5) މަޖާޒު: ކަމެއްގެ ފެށުން
ބިރާގަން
ނ ވަކިބާވަތެއްގެ ރަނަކުން ހެދިފައިވާ ސިއްކައެއް މިއީ އިހުގައި ފައިސާގެ ގޮތުން ބޭނުން ކޮށްއުޅުނު އެއްޗެކެވެ
ބިރިކައިގަތުން
މ ބދ ބާރުންއަތުލައިގަތުން