radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުރެވި
ނ ކަނޑޫގަހާ ވައްތަރުގަހެއް. މިއީ އުސްކޮށްހެދޭ ލަކުޑިހަރު ގަހެކެވެ. ފަލަމިނަކީ ދެކައިވަތްހައި ވަރެވެ. ގިނައިން މިގަސް ހެދިފައި ހުންނަނީ ކަނޑޫ ފާކައިރީގައެވެ
ބުރޮޅި
ނ އޮށްބޭހުގެ ފަސްބާވަތުގެ ތެރެއިން އެއްބާވަތެއް މިއީ ވަށްކޮށް އެއްކޮޅު ތަނޑެއްގެ ސިފައަށް ކުޑަކޮށް ދިގުވެލައިފައި ހުންނަ އެއްޗެކެވެ ބޭރު ހުންނާނީ އޮމާންކޮށެވެ މީގެ ކުލައަކީ މުށިކުލައަކަށްދާ އަޅި ކުލައެކެވެ ޢާއްމުކޮށް ބޭހަށް ބޭނުން ކުރަނީ ބުރޮޅިގެ ބޭރެވެ ބައެއްކަހަލަ ބޭހަށް މީގެ މަދުވެސް ބޭނުން ކުރެއެވެ
ބުޅަދެލި
ނ )އ.( ފަޅުބޭރު ތޮށިމަތީގައި އުޅޭ ލަނޑާވައްތަރުގެ މަހެއް. މިއީ މަޑުފެހިކުލައެއްގައި ހުންނަ ލޮނދި މަހެކެވެ. އެންމެ ބޮޑެތިކޮށް ހުންނަނީ ގާތްގަނޑަކަށް ކައިވަތެއް ވަރަށެވެ
ބުޅަލުލޯ
ނ ޖަވާހިރެއްގެ ނަން މިހުންނާނީ ބުޅަލެއްގެ ލޯހެންނެވެ މީގެ ކުލައަކީ މަޑުނޫކުލައެވެ އަނގޮޓީގައި ޖަހާ އެހަކަށް މިބޭނުންކޮށް އުޅެއެވެ
ބުޅާކުޅުވުން
މ (1) ފިހިކޮޅެއްފަދަ އެއްޗެއްގައި ރޮއްޖެއްބައްދައިގެން ޅަބުޅަލުގެ ކުރިމަތިން ބިންމަތީގައި ދެކޮޅަށް ކާއްތައިގެން އެޔާ ކުޅޭން ފަރިތަކުރުވުން (2) މަޖާޒު: ނުވިސްނޭވަރުގެ ކުޑަކުދީން ޝަހުވާނީ އެދުމަށް ހޭނުވުން
ބުޅިހަދު
ނ މަސްދޯނީަގއި ބުޅިއަޅާން ހުންނައެތި
ބުޅިބޯ
ނ (1) އިސްތަށިތައް ބޮޑަށް އޮޅިފައި ހުންނަބޯ (2) ރާޅުބާނީ އިސްތަށިގަނޑު ހުންނަބޯ
ބުޅިކެނޑޭނީ ކެޔޮޅުންއަތުން
(މުސްކުޅިބަހެއް) އެއްޗެއް ގިނަފަހަރަށް ހަލާކުވާނީ އެއެއްޗެއްގެންގުޅޭ މީހުންގެ އަތުންނޭ ބުނަން ބުނެއުޅޭބަހެއް
ބުޅިއިނގިލިރާކަނި
ނ ރާކަނީގެ ބާވަތެއް މިރާކަނީގެ އިނގިލިތަކުގެ ކޮޅުތައް ހުންނާނީ އެކިގޮތަށް އެކިއަތަށް ބުޅިވެފައެވެ
ބުޅިފަނި
ނ އެއްކޮޅުބުޅިޔެއްހެން ހުންނަ ފަންޏެއް މިއީ ވަރަށް ކުޑަކުޑަ ފަންޏެކެވެ މި އުޅެނީ ބިމުގެ ތެތްކޮށްހުންނަ ތަންތަނުގަ އެވެ ހަށިގަނޑަށް މިފަނި ވަންނަނީ ހަމުގެ ތެރޭންނެވެ ވަދެގެންގޮސް އުޅެނީ ގޮހޮރުގެ ތެރޭގައެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުޅިގޮޅަޔާ
ނ )ގ ( ބުޅިއުނބު )މިހުންނަނީ މަސްދޯނީގައި ބުޅިއަޅާށެވެ
ބުއްޑެވި
ނ ޚިޔާލީ ފުރޭތައެއް އިހުމީހުން ބުނެއުޅެނީ މިއީ މީހުންނަށް ބަލިޖައްސާ އެއްޗެއް ކަމަށެވެ
ބުޖާ
ނ ހަނޑޫ މާޖައްސައިގެން ހަދައިފައި ހުންނަ ކާއެއްޗެއް އިހުޒަމާނުގައި މިގެނެސްއުޅުނީ ބަންގާޅުންނެވެ
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުކަނިގަނޑު
ނ ޢީދާއި ހިތީގައި ރަދުން ވަޑައިގަންނަވާ ތަނެއްގެ ކައިރީގައި ބެރު އަޅުވަން ހުންނަ ކަނިގަނޑު މިކަނިގަނޑު ހުންނަނީ ޚާއްޞަގޮތަކަށް ހަދައިފައި ކުރަހައިފައެވެ
ބެރުމުސްކުޅިގޭ ހަންގަނޑު
ނ ބެރުޖަހަން ދަސްކުރަން ހަމުން ކެހެރި ނުފިލުވައި އަޅައިފައި އޮންނަބެރު މިއޮންނާނީ ބެރުމުސްކުޅި ގޭގައެވެ
ބެރުދަނޑި
ނ ބެރުޖަހަން ގެންގުޅޭ ދަނޑި ގަނޑު މިހުންނަނީ ގަދަ ލަކުޑިއަކުން ކުޑަކޮށް ގުދުކޮށް ހަދައިފައެވެ