radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ޖީބު
ނ (1) ގަމީހާއި ލިބާހާއި ކޯޓާއި ދަބަހާއި ކަމަރުފަދަ އެއްޗެހީގައި އެއްޗެހި އެޅޭގޮތަށް ހަދައިފައި ހުންނަތަން (2) ތުންމަތިރިޔާ
ޖީބުރިޔާ
ނ އޮޑިދޯނި ފަހަރުގައި ނަގަންގެންގުޅޭ ކުޑަރިޔަލެއް
ޖީޕު
ނ އެއްގަމުގައި ދުއްވާ އިންޖީނުލީ އެއްޗެއް މިއީ ގިޔަރު ޖެއްސީމާ ހަތަރު ފުރޮޅުވެސް އެނބުރޭގޮތަށް ހަދައިފައި ހުންނަ އެއްޗެކެވެ
ޖުބުލީ
ނ (1) ޔޫބީލް (2) އުފާފާޅުކުރުމުގެ ހަފްލާ (3) ކަމަކަށް ނުވަތަ ތަނަކަށް ފަންސަވީސް ނުވަތަ ފަންސާސް ނުވަތަ ހަތްދިހަފަސް އަހަރު ފުރޭ އަހަރު
ޖުވާ
ނ ހަރާދު ކިޔައިގެން ކުޅޭ ކުޅިވަރު
ޖުވާކުޅުން
މ ހަރާދު ކިޔައިގެން ކުޅޭ ކުޅިވަރު ކުޅުން
ޖުމްހޫރީވެރިކަން
ނ (1) ރައްޔިތުންގެ ސަރުކާރު (2) ރައްޔިތުން އިންތިޚާބު ކޮށްގެން ރައްޔިތުންނަށްޓަކައި ރައްޔިތުން އެދޭގޮތަށް ހިންގާ ސަރުކާރު
ޖުޒާމުބަލި
ނ ހަށިގަނޑުގެ ހިއްސުތަކަށް ޙަމަލާދޭ މައިކޮބެކްޓީރިއަލް ލެޕްރާ ކިޔާ ފަންޏެއް ނުވަތަ ޖަރާސީމެއްގެ ސަބަބުން ޖެހޭ ބައްޔެއް މިއީ ގައިން ގަޔަށް އަރާ ބައްޔެކެވެ ގިނައިން މިބަލިފާޅުވަނީ މޫނާއި ނޭފަތާއި ކަންފަތް ފަދަ ތަންތަނުންނެވެ ޢާންމުކޮށް މިބަލީގެ އަސަރު ހުންނަ ތަންތާނގައި އިޙްސާސެއް ނުހުރެއެވެ
ޖޫސް
ނ (1) ފަނި (2) މޭވާފަދަ ތަކެތީގެ ދިޔައިން ތައްޔާރުކުރާ ބުއިމެއް
ޖެހުން
މ (1) މީހެއްގެ ނުވަތަ ޖަނަވާރެއްފަދަ އެއްޗެއްގެ ގައިގައި ބޮނޑި ޔެއް އެޅުން. (2) ދެމީހެއްގެ ދެމެދުގައި އަރާރުން ނުވަތަ ދެކޮޅު ވެރިކަން އުފެދޭގޮތްވުން (3) ބައެއްކަހަލަ ތަކެތި ހެދުން މިސާލު: )ހ( ބުޅިޖެހުން )ށ( ހުޅިޖެހުން )ނ( ގޮނޑިމޭޒުފަދަ ތަކެތި ޖެހުން (4) މިޔުޒިކުގެ ބައެއްކަހަލަ ތަކެތި ކުޅުން މިސާލު: )ހ( ބެރުޖެހުން )ށ( ތަބުލާޖެހުން (5) ދެމީހަކު ނުވަތަ ދެއެއްޗެއް އައިސް ލައިގަތުން (6) ބައެއްކަހަލަ އެއްޗެހި ވެއްދުން މިސާލު: )ހ( ބަސްތާ އަށް ބަންބުޑި ޖެހުން )ށ( މޮހޮރުޖެހުން (7) ކިޔުމުގައި ނުވަތަ ޓައިޕުން ލިޔުމުގައި ކުށެއްވުން މިސާލު: )ހ( އޭނާ އަލްޙަމްދު ކިޔެވިއިރު ވަރަށް ގިނަ ކުށްޖެހުނެވެ )ށ( މިލިޔުން ކުށް ނުޖަހައި ޓައިޕް ކުރެވޭތޯ ބަލާށެވެ (8) ބައެއް ކަހަލަ ކަންތައްކުރުން މިސާލު: )ހ( ކުޅުޖެހުން )ށ( ދަނޑިޖެހުން )ނ( ބަޑިޖެހުން )ރ( ފަލިޖެހުން (9) ބައެއް ހާލަތުތައް މެދުވެރިވުން މިސާލު: )ހ( ބަނޑަށް ޖެހުން )ށ( ބިތްޖެހުން )ނ( ލޯބިޖެހުން )01( ދަތީގައި ނުވަތަ މަޅިފަތީގައި ތިބުން މިސާލު: )ހ( ދަތީގައި ޖެހުން )ށ( މަޅިފަތީގައި ޖެހުން (11) ތަތްކުރުން މިސާލު: )ހ( ސިމެންތިޖެހުން )ށ( މުށިޖެހުން
ޖޭމު
ނ (1) ގަހެއްގައިއަޅާ ކުދިކުދިމޭވާއެއް މީގެ އެތެރޭގައި ހުންނާނީ ފޮނިރަހަލާ ދިޔަޔާ އެކުވެފައިވާ ކުދިކުދި ފުއްތަކެއްކަހަލަ އޮށްތަކެކެވެ (2) ހަކުރު އަޅައިގެން މޭވާއިން ކައްކައި ތައްޔާރުކުރާ ކާ އެއްޗެއް މިބޭނުންކުރަނީ ޕާންފަދަ އެއްޗެހީގައި ޖަހައިގެން ކެއުން ފަދަ ކަންކަމަށެވެ
ޖޯކަރު
ނ (1) ތާސްބައިގައި ވަކިރަނގައެއްގައި ނުހިމެނޭގޮތަށް އޮންނަ ގަނޑެއް މިގަނޑުގައި ކުރަހައިފައި ހުންނާނީ ހެއްވާސިފަޔަކަށްހުންނަ ސޫރައެކެވެ މިގަނޑު ބޭނުންކޮށްގެން ތާސްބައިން ޚާއްޞަ ކުޅިވަރެއް ކުޅެއެވެ (2) މަޖާޒު: ހެއްވާގޮތް ހުންނަމީހާ
ޖޯގުރަފީ
ނ (1) ބިމުގެ ސަޠުޙާއި ބިމުގެ އާބާދީއާއި ބިމުގައިވާ ދިރޭ ތަކެއްޗާއި )ފުރާނަ އެޅުއްވި ތަކެއްޗާ ގަސްގަހާގެހި( ބެހޭ ޢިލްމު (2) ބިމުގެ ގުދްރަތީ ހާލަތްތަކާއި ސިޔާސީ ބެހުންތަކާބެހޭ ޢިލްމު
ޗައްޑި
ނ )މަލިކު( ޖަނގިޔާ
ޗަސް
ނ (1) ބައެއް އެއްޗެހި ކައްކާއިރު މާބޮޑަށް މަޑުވީމާ ހުންނަގޮތް. (2) ފަސްހުންނަ ތަނަކަށް ދިޔާ އެއްޗެއް މާގިނައިން އެޅުނީމާވާގޮތް. (3) ޗޮސް. (4) ދޮންކޭލާއި ފަޅޯ ފަދަ ތަކެތި ދޮންވެގެން ގޮސް އެތެރެ ގިރޭވަރަށްވާ ފާ
ޗާނދަނީމާ
ނ ފިޔަތައް ގިނަ މީރުވަސްދުވާ ހުދު ކުލައިގެ މަލެއް
ޗާބީ
ނ (1) އެސްޕިރޭނާއި ކެނބުފަދަ އެއްޗެހި އޮޅުމަށް ބޭނުންކުރާ އެއްޗެއް (2) ބައިސްކަލްގެ ފިޔަވަޅު ހަރުކުރާތަން ހަރުކުރުމަށް ޓަކައި ޖަހާތަޅުއިއްޔެއް
ޗާޓަރު
ނ (1) މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއް ނުވަތަ ކަނޑުދަތުރުކުރާ އުޅަނދެއް އެދަތުރަކަށް ޓަކައި ކުއްޔަށް ހިފާ ހިފުން ނުވަތަ ކުއްޔަށް ދޫކުރާ ދޫކުރުން (2) އ ދ ފަދަ ބޮޑެތި ޖަމާޢަތް ތަކުގެ އަސާސީ ޤަވާޢިދު
ޗާޓަރުކުރުން
މ މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއްނުވަތަ ކަނޑު ދަތުރުކުރާ އުޅަނދެއް ވަގުތީ ގޮތުން ކުއްޔަށް ހިފުން
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ