radheef.info
ރަދީފު


ބަ
އ އައްބަ
ސަރުބީ
ނ އިންސާނުންނާއި ޖަނަވާރާއި ދޫނިސޫފާސޫފީގެ ހަށިގަނޑުގައި ހުންނަ ތަފާތު ތެލުގެ އެސިޑް އެކުލެވޭ ބައި ހަކަތަ އުފައްދަނީ މިބައިންނެވެ މިއީ ހަމުގެ އަޑީގައި ދާފަރައަކަށްވެސް އޮންނަ ތެލުގެބައި އެކުލެވޭ ދުއްޔެވެ
ސަރުބީޖެހުން
މ (1) ކާނާގައި ތެލުގެ މާއްދާތައް އިތުރުވުމުން ހަށިގަނޑަށް ބޭނުންވާ ވަރަށްވުރެ ތެލުގެބައި ހަށިގަނޑުގައި އިތުރުވެގެން ލޮކިމަސްޖަހައި ފަލަވުން (2) ސަރުބީ އުފެދުން
ސަރުދާރުކަން
ނއނ (1) އެކިއެކި މަސައްކަތްކުރާ ބައިބައިގެ މަސައްކަތް ކުރުވައި ހެދުމަށް އަމުރުކުރުމާ ބެހޭ ވެރިކަން. (2) އިހުގައި އަވަށު ވެރީންގެ ދަށުން ހިންގަންޖެހޭ އަމުރުތައް ހިންގައި އަވަށުގެ މަސައްކަތްތައް ކުރުވައި ހެދުމާބެހޭ ވެރިކަން
ސަބުދެރިޔާ
ނ )ގ ސ ( ނާލުބައްތެއްޔާއި ބައްތެލި ދޯނީގައި ދިރުނބާކޮޅު ފެންފިލާމަތިން ދައްސޫރަ އޮންނަގޮތަށް ލަކުޑިން އަޅައިފައި އޮންނަ އެއްޗެއް
ސަބުޖު
ނ ބަކަރި ކިރުގެ ތެރެއަށް އަފިހުން އަޅައިގެން ކައްކާ ބުއިމެއް މިއީ ޢަމަލުވާ އެއްޗެކެވެ
ސައިނަސް
ނ (1) ބޮލާއި މޫނުގެ ކަށިތަކުގެ ތެރޭގައި ހެދިފައިވާ ހޮއި މިބައި ގުޅިފައިވަނީ ނޭފަތާއެވެ (2) ބޮލާއި މޫނުގެ ކަށިތަކުގެ ތެރޭގައި ހެދިފައިވާ ހޮޔަށް ބޮލުގައި ފިނިހިފުމުގެ ސަބަބުން ޖެހޭ ބައްޔެއް
ސައިނެތްފޯލި
ނ ބަށިކުޅޭއިރު ލަނޑު ހަމަކުރުމުގައި ނުގުނޭގޮތަށް ޖެހޭފޯލި
ސައިތާނު
ނ (1) ނުބައިކަން ހައްދު ފަހަނަޅައިފައި ތިބޭ މީހުންނަށް ނުވަތަ ކުދިންނަށް ނިސްބަތް ކުރާ ނަމެއް (2) ޖިންނީންގެ ތެރޭގައި ހިމެނޭ ނުބައި އެއްޗެހި (3) އިބިލީސް
ސައިތާނުހިފުން
މ މީހާގައި ނުބައި ނުލަފާގޮތް އަށަގަތުން
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސައިސަމުސާ
ނ (1) ފަސްމިލިލިޓަރު އެޅޭ ވަރުގެ ނުވަތަ މޭޒުމަތީ ސަމުސަލެއްގެ ތިންބައިކުޅަ އެއްބައި އެޅޭ ވަރުގެ ސަމުސާ (2) ސައި ގިރަން ގެންގުޅޭ ސަމުސާ
ސައިޕޯޓު
ނ (1) ކުރުއަލަމާރި ބުރިއެއް މީގެ މަތީގައި ތައްޓާއި ޖޯޑުފަދަ އެއްޗެހި ބަހައްޓައިގެން މޭޒެއްގެ ގޮތުގައި ބޭނުންކުރެވެއެވެ (2) ކަފޭރާ
ސައްބުލަނގިރި
ނ ފާޑުފާޑުގެ ހެއްވާ ހެދުންތަކެއް އަޅައިގެން ބެރުގެ ބަދަލުގައި ޓައްޕު ޖަހަމުން ލޮއްބޭގެ ލަވަކިޔަމުން ލަކުޑިން ލިޔެފައި އޮންނަ ކުރަޔަކުން އެސްފީނާޔަށް ފެންއަޅާގޮތަށް ދައްކަމުން ކުޅުނު ހެއްވާ ކުޅިވަރެއް މި ކުޅިވަރު ކުޅުނީ ގަލޮޅުގެ ބަޔެކެވެ
ސައްކެޔޮ
ނ ދޮންވުމުގެ ކުރިން ތަރުކާރީ އެއްގެގޮތުން ދޮންވީމާ މޭވާއެއްގެ ގޮތުން ބޭނުންކުރާ އެއްޗެއް މިހުންނަނީ ބަނބުކޭލާ ވައްތަރު ގޮތަކަށް އެއަށްވަރެ މާބޮޑެތި ކޮށެވެ މިއީ ގަހުގެ ދަނޑިގަނޑުންނާއި މުލުންވެސް ނުކުންނަ އެއްޗެކެވެ
ސައްލާކުރުން
މ (1) ކަމަކާމެދު ބައަކު އެއްތަނެއްގައި ތިބެ ވާހަކަ ދެއްކުން (2) މަޝްވަރާ ކުރުން
ސަދަނޭކަ
ނ )ބދ ( ބަރަކާތް
ސަލާންގަލާންކުރުން
މ ސަލާންކޮށް ޚަބަރު ދަބަރު އޮޅުން ފިލުވުން
ސަލާމަތި
ނ (1) ނާ ފަހަރާއި އޮޑިފަހަރުގެ ނަގިލީގައި ޖަހާ ކެނބުގެ ބާވަތެއް. (2) ބައެއް ރަސްމީ ކަންކަމުގައި ޢިއްޒަތް ދިނުމުގެ ގޮތުން ބަޑިބެރު ފަށާއިރު ޖަހާލަވައެއް
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ
ސަލާމުގައި ހުރުން
މ ވަޒީފާއަށް ނުނިކުމެ ބަލިވެ ގޭގައި ހުރުން