radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ވައިރިވިލި
ނ މަޑު ދުވަސް ދުވަހަށް ކަނޑުގައި ވައިހިފައިފައި ހުންނަ ތަންތަން
ވައިކުޑަ
ނ ވައިގެއެހީގައި މަތިން ތިރިއަށް ރައްކާތެރިކަމާއެކު މީހުން ބޭލުމަށް ލުއިފޮތި ފަދަ އެއްޗަކުން ހަދައިފައިވާ ފަތްޖަހާ ކުޑައެއް މިކުޑަ ގިނައިން ބޭނުންކުރަނީ މަތިންދާބޯޓުން އެއްގަމުގެ އެކި ތަންތަނަށް މީހުން ބޭލުމަށެވެ
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވައިވުން
މ (1) އުޅޭނެ ވަކިތަނެއްނެތި އެތަންމިތާނގައި އުޅެން ދިމާވުން (2) ގޮތްހުސްވެގެން އުޅުން (3) އާވާރާވުން
ވައިމަތިބޯވުން
މ (1) ވައިޖެހޭ ދިމާއިން ވިލާތައް އެއްތަންވެ ވިލާ ބޯވުން (2) ވައިވަޅު ނުސާފުވުން
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
ވައިގުގޫކަފަގަނޑު
ނ މުރަނގަފަތު ދިޔައިގައި ވައިގުގޫ ގާނައި އޮލަވީމާ އެއިން ތެންމައިގެން ހަދާ ތަދުވިތާ ކަފަގަނޑެއް އަދި މިއީ މުލިހި ފަދަ ތަންތާގައިވެސް އަޅާ ބޭހެކެވެ
ވައިގޮށް
ނ ގައިގެ ތަންތަނުންނަގާ ވައި ހިފައިފައި ހުންނަ ގޮށް
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވައްޑެއި
ނ )ގ ( (1) މޫދުގައި މަޑިކޮނެފައި ހުންނަ ތަންތަން (2) ވާރޭ ވެހުނީމާ ފެން ހުންނަ އަޑިގަނޑު
ވަދެދުވާހާ
ނ ކަނޑުތެރޭގައި ހުންނަ ހާހަލުގެ ތެރެއިން ދެފަރާތަކުން ވަދެ ނިކުމެވޭ ގޮތަށް ހުންނަ ތަންތަން
ވަލީ
ނ (1) ޤާނޫނީގޮތުން ލިބިދޭ އެންމެ މަތީ ބާރު (2) އަންހެނަކު މީހަކާ އިންނަން ހުއްދަދިނުމުގެ ބާރު (3) ނއ ކަލާނގެ ހަޟްރަތާކުއްތަން
ވަލީވެރި
ނއ (1) ރުހިވޮޑިގެންވާ ގޮތުގައި ކުއްތަންވެހުރި (2) ކަރާމާތް ލިބިހުރި (3) އަންހެނަކު މީހަކާ ކާވަނިކޮށް ދިނުމަށް ހުއްދަ ދިނުމުގެ ބާރު ޝަރުޢީ ގޮތުން ލިބިހުރި
ވަލީވެރިޔާ
ނ (1) ރުހިވޮޑިގެންވާ ގޮތުގައި ކުއްތަންވެހުރި މީހާ (2) ކަރާމާތް ލިބިހުރި މީހާ (3) އަންހެނަކު މީހަކާ ކައިވެނި ކުރުމަށް ހުއްދަ ދިނުމުގެ ބާރު ޝަރުޢީގޮތުން ލިބިފައިވާމީހާ
ވަލީވެރީން
ނ (1) ކަލާނގެ ޙަޟްރަތާ ކުއްތަންވެގެންވާ މީހުން (2) ކަރާމާތްހުރި މީހުން (3) އަންހެނަކު މީހަކާ ކާވަނި ކޮށްދިނުމުގެ ބާރު ޝަރުޢީގޮތުން ލިބިފައިވާ މީހުން
ވަލުބުޑުނުކެނޑުން
މ މަޖާޒް: (1) ތަހްޛީބެއް ނެތުން (2) ތަންދޮރު ނުދަތުން (3) ކަންކަމަށް ރޯނުފިލުން
ވަލުކަކުނި
ނ ތޮށިގަނޑުގެ މަތީފަރާތް ކަޅުމުށިކުލައެއްގައި އެހެން ތަންތަން ހުދުކުލައެއްގައި ހުންނަ ކަކުންޏެއް މިކަކުނި ގިނައިން އުޅޭނީ ވަލުގައެވެ
ވަލުކޮތަން
ނ (1) ކޮތަނުގެ ވައްތަރެއް. (2) ފަތްޕިލާވެލީގެ ތެރޭގައި ހިމެނޭ ދިވެހިބޭހުގެ ބާވަތެއް. މީގެ ފަތް ހުވަނދު ކޮތަންފަތަށްވުރެ ހިމަދިގުވާނެއެވެ މީރުވަހެއް ނުހުންނާނެއެވެ