radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ދެންވެސް
އ (1) އަދިވެސް (2) ފަހުންވެސް
ގޯދި
ނ ކަނޑުގައި ދުއްވާ އުޅަނދުފަހަރު މަރާމާތު ކުރުމާއި މިނޫންވެސް މިފަދަ ކަންކަން ކުރުމަށް އެތަކެތި އެހެލައިފައި ބަހައްޓަން މޫދާގުޅިގެން ހަދައިފައި ހުންނަ ތަންތަން
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފިހި
ނ (1) ދަވާދުލުމަށާއި ކުރެހުމަށް ބޭނުންކުރާ އެއްޗެއް. އަޅޮލުންނާއި ބޮނބިނަރު ފަދަ ތަކެތިންވެސް މިހަދާފައި ހުރެއެވެ. (2) ކުރުނބާ ކިހަސްފަދަ ތަކެތި މަށާއިރު ވަކިކޮށްލެވޭ ބައި (3) އުއްދަނޑީގެ ފޮނިބޮއިފައި އުކާލާބައި
ފިނިފެންޖެހުން
މ މާލޫދު ދެބައިކުރަން ތެދުވީމާ ހުވަނދުދީފައި ގުލާބުދާނުން މީރުވަސް ދުއްވައިފައި ހުންނަފެން ވިއްސުން އެކިއެކި ކުޅިވަރުތައް ކުޅޭ އިރުވެސް މިގޮތަށް ފެންވިއްސައެވެ
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިތާފުޅި
ނ ބޭހާއި އަދި އެނޫންވެސް ފިތައިލީމާ ނުކުންނަ ކަހަލަ އޮލަ ތަކެތި އަޅައިފައިވާ ފުޅި
ފިތުރޯނު
ނ (1) ބިޔަކޮށް ހެދޭ ގަހެއް. މީގެ ފަތްތައް ހުންނާނީ ވަރަށް ހިމަކޮށް ބުރިތަކަކުން ގުޅިފައި ހުންނަ ތަނޑުތަކެއް ހެންނެވެ މީގެ ދެބާވަތެއް ހުރެއެވެ އެއިން އެއްބާވަތެއް ބޭހަށްވެސް ބޭނުންކުރެއެވެ (2) މިގަހުގެ ލަކުޑި
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލާގަނޑުބަނުން
މ ގައިގެ ތަނެއް ބިނދި ނުވަތަ ހާނީއްކައެއް ލިބިގެން ނުވަތަ އެނޫންވެސް ފަރުވާއަކަށް ތައްޔާރުކުރާ ބޭސްގަނޑެއް ފަތުގައި ފަތުރައިގެން ގައިގައި އަޅައި އެއްސުން
ފިޔޮއްގޮވުން
މ (1) ކުކުޅު ފިޔޮކާއި އެހެންވެސް ދޫނީގެ ޅަ އެއްޗެހި ގޮވާގޮވުން (2) ކުކުޅުގެ ބިހާއި އެހެންވެސް ދޫނީގެ ބިހުން ފިޔޮއް ނުކުންނަން ކައިރިވީމާ ބިހުގެ ތެރެއިން ގޮވާގޮވުން
ފީ
ނ (1) ލަކުޑިޔާއި މޭވާއާއި މިނޫންވެސް ބައެއް ތަކެތި ގިނަދުވަސް ވެގެންވާ ހަލާކު. (2) ދޫނިސޫފާސޫފި ބިސްތައް މަތީގައި އޮންނަ އޮތުމުން ބިހަށް އަންނަ ބަދަލު. (3) ބިހަށް ގެއްލުމެއް ލިބިގެން ނުވަތަ ގިނަ ދުވަސް ވެގެންވާ ހަލާކު (4) ބިސް ފީކުރާ ދުވަސްވަރު ކުކުޅަށްވެފައި ހުންނަގޮތް (5) ބައެއް ތަކެތީގައި ހަލާކު ވާންވެގެން ޖަހާ ކަޅުކުލައިގެ ލައްތަކެއް (6) ބައެއް ޒާތުގެ ޚިދުމަތަށާއި ބައެއް ހުއްދައަށް ދައްކަންޖެހޭ ފައިސާ (7) މަޖާޒު: ކަމުނުދާ (8) ރަނގަޅު ނޫން
ފުށް
ނ (1) ގޮވާމާއި އެނޫންވެސް ތަކެތީގެ ހިމުން ކުނޑި (2) ގައިގައި ޖެހުމަށް ތައްޔާރުކޮށްފައި ހުންނަ މީރުވަސްދުވާ ވަރަށް ހިމުން ކުނޑިއެއް (3) ފަރާތް މިސާލު: އޭނާގެ ފުށުން )އޭނާގެ ފަރާތުން( (4) ކިބަ މިސާލު: އޭނާގެ ފުށުން )އޭނާގެ ކިބައިން( (5) ބިތެއް މިސާލު: އެއްޗެއްގެ ފަރާތެއް (6) މުއި
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ފުށްސައި
ނ ފުށާ ހަކުރާ އެއްކުރުމަށްފަހު ޖޯޑުގެ ތެރެއަށް ކެކި ކެކިހުރި ސައިފަތުފެން ނުވަތަ ހޫނުފެން އަޅައިގެން ތައްޔާރުކުރެވޭ ސައެއް )މިގޮތަށް ސައި ހަދާއިރު ބައެއް ފަހަރު ބޯކިރުވެސް އަޅައެވެ ( )ހ( ދިޔާކޮށް ކައްކައިފައި ހުންނަފުށް
ފުނޑުން
މ އެއްޗެއް ދައިމައްޗަށް އަޅައި ފެން ނުވަތަ އެނޫންވެސް ބޭނުންވާ ދިޔާ އެއްޗެއް ޖަހައި ފޮއި ހިންގައިގެން ހިމުން ކުރުން
ފުންކުރުން
މ (1) ތަނެއް ނުވަތަ އެއްޗެއް ކޮނެގެން ނުވަތަ ތޮރުފައިގެން ނުވަތަ މިނޫންވެސް ގޮތަކުން ހުރިވަރަށްވުރެ ބޮޑަށް އަޑިކުރުން. (2) އޮޑިދޯނިފަހަރު ބީހިފައި ހުއްޓައި ނުބީހޭ ވަރުގެ ދިޔަވަރު އޮތް ތާކަށް ގެންދިއުން. (3) ވާހަކަ ދައްކާ އާދައިގެ ބަހަށްވުރެ މާނަވީ ބަހުރުވައަށް ދައްކާ ވާހަކަ ބަދަލުކުރުން
ފުރަގަސްދިނުން
މ (1) މީހަކަށް ނުވަތަ އެއްޗަކަށް ބުރަކަށި ދިމާވާގޮތަށް އެނބުރުން (2) މަޖާޒު: ކުރަން ޖެހިފައިވާ ކަމެއް ކޮންމެވެސް ސަބަބަކާއި ހުރެ ނުރުހިގެން ނުކޮށް ދޫކޮށްލުން
ފުރިހަމަ
ނއ (1) ހުރިހާ ގޮތަކުން ރަނގަޅު (2) އެއްވެސް އުނިކަމެއް އައިބެއްނެތް (3) ފައްކާ (4) ހުރިހާކަމެއް ފުދިފައިވާ (5) އެއްޗެއް ނުވަތަ ކަމެއް ދާންވީ އެންމެ ރަނގަޅު ހިސާބަށް ދާދިއުން
ފުރިހަމަކަން
ނއނ (1) ހުރިހާ ގޮތަކުން ރަނގަޅުކަން. (2) އެއްވެސް އުނިކަމެއް އައިބެއް ނެތްކަން (3) ފައްކާވެފައިވާކަން (4) ކަމަކުން އަވަދިވެފައިވާކަން (5) ހުރިހާ ކަމެއް ފުދިފައިވާކަން (6) އެއްޗެއް ނުވަތަ ކަމެއް ދާންވީ އެންމެ ރަނގަޅު ހިސާބަށް ގޮސްފައިވާކަން