radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ތިޔާގިކަން
ނއނ (1) އަތްމަތި ތަނަވަސްކަން (2) ކާބޯތަކެތި ގިނަކަން
ތިޔާގިވުން
މ (1) އަތްމަތި ތަނަވަސްވުން (2) ކާބޯތަކެތި ގިނަވުން (3) ގިނަވުން
ތުއްލުން
މ )ގ ( ކާތަކެތި ނުބައިވެގެން ދަވަލުން
ތެތްފޭލި
ނ ފެންވަރާއިރު އަނދެގެން ހުންނަ ފޮށާ ނުވަތަ މުންޑުފަދަ ތަކެތި
ތެޔޮހޭނުން
މ ތެޔޮހުންނަ ތަކެތިން ތެޔޮނެރުން
ތޭނި
ނއ )ފ ( (1) ތަތްގޮތް ހުންނަ (2) ބައެއް ބާވަތުގެ ތަކެތި ކައްކައިގެންވާ އޮލަ
ތޭނިކަން
ނއނ (1) ތެތްގޮތް ހުންނަކަން (2) ތެރަސްކަން (3) ބައެއް ބާވަތުގެ ތަކެތި ކެއްކީމާހުންނަ އޮލަކަން
ތޮރުފިއުނދުޅި
ނ ތެލުލާތަކެތި ތެޔޮގަނޑު ތެރެއިން ނަގަން ހަދައިފައި އޮންނައެއްޗެއް މިއުނދުޅީގައި ހުންނާނީ ލޯވަޅުތަކެއް އަޅައިފައެވެ
ތޮރޮޕިޓޯ
ނ މަނަވަރު ފަހަރާއި އާގު ބޯޓުފަދަ ތަކެތި ގޮއްވައި ހަލާކުކޮށްލުމަށްޓަކައި އަޑިންދާ ބޯޓުން ފޮނުވަން ހަދައިފައި ހުންނަ ނުރައްކާތެރި ހަތިޔާރެއް
ތޮޅެންބަކުޑި
ނ )މ ( ފަތްޕިލާވެއްޔެއް މިއީހިސާބަކަށް ކެހެރިހުންނަ ގަހެކެވެ މިގަހުގައި އަޅާތަކެތި ފޭރާމުގައި ޖެހުމުން ފޭރާމުގައި ތަތްލައިފައިހުންނާނެއެވެ
މިސާލު: ވަޅޯމަސް ގަންނާނެއްތޯތް! ތޯތް
އ މަގުމަތީގައި ތަކެތިވިއްކާ މީހުން އެތަކެތި ވިއްކުމަށް ގޮވައިއުޅޭގޮތް
ތޯލާފުޅި
ނ އައުންސެއްގެ ފަސްބައިކުޅަ ދެބައިގެ ދިޔާތަކެތި އެޅޭވަރުގެ ފުޅި
ލަކިއެޅުން
މ (1) ނަގައިފައި ހުންނަ ރިޔަލެއްގެ ދެހަންޖާ އެއްކޮށް މެދުން ބަނުން. (2) ލަނބުރާނާއި ހަންޖާފަދަ ތަކެތި ބާރުކޮށް އެއްސުމަށްޓަކައި ކުއްލިއަކަށް ދަމައިލުން
ލައިގެންކާއެއްޗެހި
ނ ކެއުމަށް ބޭނުންކުރާ މައިގަނޑު އެއްޗަކާއެކު ބޭނުންކުރާ ރިހަ ނުވަތަ ރިހާކުރު ނުވަތަ ދިޔަފަދަ ތަކެތި
ލައިޓަރު
ނ ގޭސް ނުވަތަ ޕެޓްރޯލުފަދަ އެއްޗެއް އަޅައިގެން އަލިފާން ކެނޑުމުން ދިއްލޭ ގޮތަށް ހަދައިފައި ހުންނަ އެއްޗެއް މިއީ ޢާންމުކޮށް ބިޑި ސުއްޓާ ސިގިރެޓްފަދަ ތަކެތި ބޯމީހުން ގެންގުޅޭ އެއްޗެކެވެ
ލައިޓަރުހިލަ
ނ ލައިޓަރުފަދަ ތަކެތިން އަލިފާން އެޅުމަށްޓަކައި ލައްވަން ހަދައިފައި ހުންނަ މަޢުދަނުގެ އެތިކޮޅު
ލަވައެކުލަވައިލުން
މ (1) ކުދިކުދި އަޑުތަކެއް އެކުލަވައިލުން މިސާލު: ކޮތަރު ތަކަކާއި ކުކުޅުތަކެއްފަދަ އެއްޗެތި ތަކަކަށް ކާންއެޅީމާ އެތަކެތި ކާން ތުންތަޅާއަޑު އެއް އަޑަކަށްވުން (2) ބަޔަކުމީހުން އޮލަވާހަކަތަކެއް ދައްކާދެއްކުމުގެ އަޑު އެއް އަޑަކަށްވުން
ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ލާދަތި
ނ ކުނާފަދަ ތަކެތި ވިޔާއިރު ދުޅަނަގަން ބޭނުންކުރާ ރޮދިލައްވައިފައި އޮންނަ ހިމަދިގުކޮށް ވަށްކޮށް އޮންނަ ދަނޑިއެއް
ލާގެންކާނއޭ
ނ )ޏ ( ލައިގެން ކާތަކެތި