radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ތިލަ
ނ (1) ފުނުގެ އިދިކޮޅު (2) ފުންކަންކުޑަ (3) ވިސްނައިގަތުމަށް ފަސޭހަ (4) ތޫނުއެއްޗެހީގެ ކެނޑެންހުންނަބައި (5) ބައެއްކަހަލަ މަސައްކަތްކުރަން ގެންގުޅޭ އާލާތުގެ ކަނޑައި ބުރިކޮށް ކޮށައިހެދޭބައި މިސާލު: )ހ( ދުނިކީސްތިލަ )ށ( އުދަލިތިލަ )ނ( ފުރޯތިލަ )ރ( ގުރޭންޑަރުގެތިލަ
ތިލަފިހިގެ
ނ (1) ތިލަފިހީގެ މަސައްކަތްކުރާގެ (2) ތިލޭރު އަތްކަންކުރަން އިންނަގެ
ތިޖޫރީ
ފައިސާ ރައްކާކުރަން ދަގަނޑުން ހަދައިފައިވާ އަލަމާރި
ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ތުތިޔާފޯލި
ނ )ލ ( ގިރިޓީކުރަން ގެންގުޅޭ ތުތިޔާއިން ހަދައިފައި އޮންނަފޯލި
ތޫނުބޭސް
ނ ތޫނު ކަމުގެ އަސަރު ހުންނަ ޚާއްޞަ ބޭހެއް. މިބޭސް ބޭނުންކުރަނީ ހަށިގަނޑުގެ ބޭރަށް ޖެހޭ ބައެއް ބަލީގައި އުފެދިފައި ހުންނަ ނުބައި ތަންތަނާއި މަސްގަނޑު ގިރުވައިލުމަށާއި ބައެއް ތަންތަނުގެ މަސްކޮށައިލުމަށްޓަކައްޔާއި އެމަސްގަނޑު މަރައިލުމަށެވެ
ތެނބެރެއައްސި
ނ )ސ ( ތިމަރަ އަޅައިގެން މާބޮޑަށް ފާރުވުމުގެ ސަބަބުން ކުރަލައިގެންވާ އައްސި
ތެއްރެ
ނ )ސ.( (1) ކެތްނުކުރެވޭވަރުގެވޭން. (2) ދިމާވިކަމަކުން ނުވަތަ މީހަކުދިން އަނިޔާއަކުން ހާނީއްކަވެ ލިބޭ ކެތްކުރަންދަތިވޭން
ތެލަވައް
ނ )ޏ ( އޮޑަލުގެ ތިލަކުރުވީމާ ދިގުކުރަންގުޅާބައި
ތެލިގިރާފު
ނ އެކިއެކި ހިސާބަށް ދަމައިފައިހުންނަ ނަރަށް އިލެކްޓްރިކު ފޮނުވައިގެން ދުރުގައި ހުރިމީހަކަށް ވަކިކަހަލަ ނިޝާން ތަކަކުން މެސެޖު ފޮނުވައިދޭ ވަސީލަތް ނުވަތަ އެކަންކުރަން ގެންގުޅޭ މެޝިން
ތެޔޮހަނު
ނ ކުރަފަތްފަދަ ތޫނު އެއްޗެހި ހަނުލުމަށް ބޭނުންކުރާ އޮމާން ހިލައެއް މިހިލައިން ތޫނުކުރާއިރު ތެޔޮތިކެއް ޖަހައިވެސް ހަދައެވެ
ތެޔޮމަސް
ނ މާކަނޑުތަކުގައި ވަރަށް ފުނުގައި ދިރިއުޅޭ ވަރަށް ތެޔޮގިނަ މަހެއް. މިއީ ވަރަށް މަދުން ބޭނޭމަހެކެވެ މިމަހުގެ އަނގަވަރަށް ބޮޑުވާނެއެވެ އަނގައިގައި އެއްބަރިޔަށް ދަތްތަކެއް ހުންނާނެއެވެ މަހުގެ ބަނޑުދަށް ފަރާތުގައި އެހެނިހެން މަސްމަހާ ޚިލާފަށް ކުރަގަނޑެއް ހުރެއެވެ
ތޯ
އ (1) ތ. މިސުވާލު އަކުރު މާތްކުރަން ބޭނުންކުރާގޮތް (2) އޮޅުން ފިލުވުމުގެ މާނައިގާ ބޭނުންކުރާ އަކުރެއް މިސާލު: )ހ( ދެވިދާނެތޯ )ށ( ވަގުތުއެބައޮތްތޯ (3) )ގ ( ކަލޭ
ލަނޑުކެނޑުން
މ މަޖާޒު: ކުރަންޖެހޭ ކަމެއް ކުރުމުގައި ކަމަށްކަމޭ ނުހިތައި އެކަމުގައި ވަގުތުތައް ދުއްވައިލުން
ލަކުނުކަޅުކުރާބޭސް
ނ ގައިގެ ހަމުގައި ހުންނަ ލަކުނު ކަޅުކުރަން ނުވަތަ ގައިގެ ހަމާ އެއްގޮތްކުރަން ހަދައިފައި ހުންނަބޭސް
ލައިޓުމީޓަރު
ނ ފޮޓޯ ނަގާމީހުންނާ ފިލްމުނަގާ މީހުން ގެންގުޅޭ އާލަތެއް މި ބޭނުންކުރަނީ އެތަނެއްގައި އަލިހުރިވަރެއް ބެލުމަށެވެ
ލައުޙު
ނ (1) އާލަމްތަކުގައި ހިނގާނެ ހުރިހާ ކަމަކާ ހުރިހާ އެއްޗެއް ފެށުނީއްސުރެ ނިޔަލަށް މާތް ﷲ މިންވަރު ކުރައްވައި ލިއުއްވައިފައިވާ ފިލާ (2) ލައުޙުލް މަޙްފޫޡު
ލަފާހޯދުން
މ (1) ކަމަކާމެދު އަނެކަކަށް ފެންނަގޮތް އޮޅުންފިލުވުން (2) ކަންކުރަންވީ ރަނގަޅުގޮތް އޮޅުން ފިލުވުން (3) މަޝްވަރާ ހޯދުން
ލަދު
ނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ ޖެހިލުންވުން. (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވެގެން ކަމެއްކުރަން ނުކެރޭ ނުކެރުން. (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާ ޖެހިލުންވުން
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ