radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ކަރުލުން
މ (1) ސަރުބަތާއި ދިވެހި ހަކުރުފަދަ ތަކެތީގައި ގަނޑުގަނޑަށާއި ފުއްފުކަށް ހަކުރު އުފެދުން (2) ބޮނޑިއާއި މެޓާ ފަދަ ތަކެތި ހިލައި ވަރުވެގެން ބާލަން ވީމާ ދޯބުރާލިހަކުރު ނުވަތަ ނަބާޒު ހަކުރު މުގުރައިފައި އެޅުން (3) ދިވެހި ހަކުރު ކަރުލާގޮތް ހެދުން
ކަޅަހަނދި
ނ ހަނދީގެ ބާވަތެއް. މިމަހުގެ ކުލައަކީ ވަރަށް ގަދަ އަޅިކުލައަކަށްދާ ކަޅު ކުލައެކެވެ. މަހުގެ ކަރުތާފަތްގަނޑުގެ މަތީ ކައިރީގައި ކަޅުކުލައިގެ ލަފެއް ހުރެއެވެ އަނގައިގެ މަތީ ތަލީގައި ދެބަރިއަކަށް ދަތް ހުރެއެވެ
ކަޅިއެރުން
މ މަޖާޒު: (1) ކަޅިހުއްޓުން (2) ކަމަކަށް އެދުންވެރިވެގެން އެކަމަށް ފެން ބޮވައިގަނެގެން އުޅުން
ކަޅިއެޅުން
މ އެއްޗަކާ ދިމާއަށް ޙާއްސަގޮތަކަށް ކަޅިހުއްޓައިލައިގެން ބެލުން. މިގޮތަށް ގިނައިން ބަލައިއުޅުނީ ލޯބިވެރި ކަމުގައްޔާއި އެދުންވެރި ކަމުގައްޔާއި ރުޅިވެރި ކަމުގައެވެ
ކަޅިމަތިބެލުން
މ (1) މީހެއްގެ ބެލުން ހުރި ފަރާތެއް ހޯދުން (2) މީހެއްގެ ނަޒަރު ހުރި ދިމާއަކަށް ވިސްނުން
ކަޅުރޮނޑު
ނ ރޮނޑުގެ ބާވަތެއް މި މަހުގެ ކުލައަކީ ކަޅުކުލައެވެ މިބާވަތުގެ ބައެއް މަސްމަހުގައި ފެހިކުލައެކުވެފައި ހުންނަ ގަދަ ނޫކުލަވެސް ހުރެއެވެ މަޑުކޮތަރިބައިގެ ކައިރީގައި ހުދާއި ނޫކުލައިގެ ރޮނގުތަކެއް ހުރެއެވެ ނިގޫފަތުގެ ކައިރިފަށް ހުންނަނީ ވަށްކޮށް އެއްވަރަކަށް ކަނޑައިލައިފައި ހުންނަ ކަހަލަ ގޮތަކަށެވެ
ކަޅުއޮށްފުންމިއަށް ކާފަރުން އަރާ އޮތްހެން
)މިސާލުބަހެއް( އެތަނަކަށް ނުވަތަ އެއްޗަކަށް ނުކުޅަދާނަ ވަރަށް މީހުން އަރައި ތިބުމަށް ބުނާ ބަހެއް
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކައްތިރިއެޅުން
މ (1) ކުޅިޖެހުމުގައި ފައިން ވަކިގޮތެއް ހެދުން. (2) ބައެއް މީހުން ކުޑަކަމުދެވިދާނެތީ ހިފެހެއްޓުން ފަދަ ކޮންމެވެސް ބޭނުމަކަށްޓަކައި ދެފައި ހުރަސްކުރުން
ކައްސައިލުން
މ (1) އަމިއްލަ ބާރަކާ ނުލައި ފަރާތަކަށް ފައިތިލަ ކެހިގެން ދިއުން (2) ހިތުގައި ރާވައިގެން ހުރި ކަމެއް ހަނދާން ނެތުން (3) ލޮންދައިލުން
)ގިނަބަހެއް( ނުބައިގޮތަކަށް ފެށިއްޖެކަމެއް ކިތަންމެ ބޮޑުވެގެންދިޔައަސް އެކަމެއް އޮންނާނީ ނުބައިކޮށްކަން ދޭހަކޮށްދިނުމަށް ބުނެއުޅޭ ބަހެއް ކައްޗަށް އެޅި ބިންގަލެއް ކެއްޗާއި ހަމައަށް ނެގިއަސް ހުންނާނީ ކައްޗަށެވެ
ކައްޗާކަން
ނއނ (1) ކަންތަކަށް ދެރަކަން (2) ހުޝިޔާރުކަން ނެތްކަން (3) ބަސްސީދާނުވާކަން
ކައްޗާވުން
މ (1) ކަންތަކަށް ދެރަވުން (2) ހުޝިޔާރުކަންކުޑަވުން (3) ބަސްސީދާނުވުން
ކަމަށްކަމޭ ހީކުރުން
މ ކުރާކަމަކަށް ފަރުވާ ބެހެއްޓުން
ކަމަށްއިސްވުން
މ (1) ކަމެއްގެ ވެރިކަން ލިބުން (2) ކަމަކަށް ވެރިވުން
ކަމަރުބަނދެލުން
މ މަޖާޒު: ކަމަކަށް ކުރިމަތިލުމަށް ތައްޔާރުވުން