radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ބޭފަރާ ދަތުރު
ނ ފިލާއަޅާއިރު ގަޑިޔާއަޅައި ހިސާބުކޮށްގެން ކުރާދަތުރު. ނިޔަމިކަމުގައި ބޭނުންކުރާ ގަޑިޔަކީ ކަރުނާ މާޓަރެވެ. މިގަޑި ހަމަކޮށް ފާހުންނާނީ ޖީ އެމް ޓީ އާއެވެ
ބޭދަނާ
ނ އަހިއޮށްހެން ހުންނަ އޮށެއް މިއޮށް ފެނަށް އެޅީމާ މަސްލައިގެން އޮލަވާނެއެވެ މިއީ ބޭހަށްވެސް ބޭނުންކުރާ އެއްޗެކެވެ
ބޭސް
ނ (1) ބަލި ފަސޭހަކުރުމަށް ނުވަތަ ލުއިކުރުމަށް އެތެރޭން ނުވަތަ ބޭރުން ބޭނުންކުރާ ތަކެތި (2) ބަޑިބޭސް (3) ރޭޑިޔޯއާއި ޓޯޗު ފަދަ އެއްޗަށްސައްލައްވާ ބެޓެރީ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސް ސުންބުލި
ނ (1) ޔޫނާނީ ބޭހުގެ ބައެއް ބާވަތެއް އަޅާން ތާރުކުފަނުން ވިޔެފައި ހުންނަ ކޮތަޅު (2) މަޖާޒު: އަބަދު ބަލިވެ އުޅޭ އަންހެންމީހާ
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޮނބިކަޅިހި
ނ ބޮނބިން ހަދައިގެން ކިއްސަރު ވަޑާމުގައި ބޭނުންކުރާ ކަޅިހި
ބޮނބިފަންތޮށި
ނ ދަރަށް ބޭނުންކުރާ ބޮނތްބާއި ފަންތޮށި
ބޮނދުބުޑަށްސައިކިޔުން
(1) ރާޒުވާކުޅުމުގައި ބޮނދަށް ރައްކާނުވެވޭގޮތަށް ބޮނދާ އެންމެކައިރީގެ ޔަކަށް ސައިކިޔުން (2) މަޖާޒު: މީހަކަށް ސަލާމަތް ނުވެވޭވަރުގެ ބޮނޑިއެއްދިނުން
ބޮނޑިބަނުން
މ (1) އެއްޗެހިތަކެއް އެއްކޮށް ބަނުން (2) މަޖާޒު: ތަނެއްގައި އުޅެމުން އެތަނުގެ އެއްޗެހި ތިމާގެ އަމިއްލަ ފައިދާއަށްޓަކައި ސިއްރުން އެއްކޮށް ޖަމާކުރުން
ބޮނޑިކޮޕީ
ނ ތަރުކާރީގެ ބާވަތެއް. މިއީ ގަސްގަނޑު )ބޭރަށް( ވަކިން ނުފެންނަ ގޮތަށް ފަތްތައް އެކަތިގަނޑަކަށް )ބޯޅައެއްގެ ސިފަޔަށް( ބޮނޑިވެފައި އޮންނަ ތަރުކާރީއެއްގެ ގޮތުގައި ބޭނުންކުރާ ކުޑަ ގަހެކެވެ
ބޮނޑިދިނުން
މ (1) ކެހި ދިނުން (2) ދެރަދިނުން
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން
ބޮނި
އމ (1) ބުއިން މިބަހުގެ އަމުރު މިއީ އިހުގައި ބޭނުންކޮށް އުޅުނު ގޮތެކެވެ މިސާލު: މިބޭސްކިޔާއި މާމުޔާއެކުބޮނީ (2) ރޯފަންފުޅަނގީގެ ޅައެއްޗެހި
ބޮން
ނ ހަތިޔާރެއް މިއީ ތަންތަން ގޮއްވާލަން ބޭނުންކުރާ އެއްޗެކެވެ މީގެ ތަފާތު ވައްތަރުތައް ހުރެއެވެ
ބޮންތިޖެހުން
މ ހެވިކަން ދަސްކުރުމުގައި ބޮންތިން ބޭނުންކުރާ ގޮތްތައް ދަސްކުރާން އެއްޗެހީގައި ޖެހުން
ބޮކަރު
ނ (1) މީރުވަސްދުވާ ލަކުޑިއެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ މިހުންނަނީ ކަޅުރަތްކުލައަކަށްދާ ކުލައެއްގައެވެ މިއީ އަތަރު ހެދުމަށް ބޭނުންކުރާ ލަކުޑިއެކެވެ
ބޮކުސާބަނުން
މ އަންނައުނު ފަދަ ތަކެތި ބޮޑު ފޮތިގަނޑަކަށް ނުވަތަ ރުމާލަކަށް ލައިބަނުން
ބޮއްބޯ
ނ )ސ.( ކިރުއެރިފައިވާ އުރަމަތި. މިއި ކުޑަކުދިން ވާހަކަދައްކައި އުޅޭއިރު ކިޔައި އުޅޭ ގޮތެކެވެ. ފެން ނުވަތަ ދަޅު ކިރުފަދަ އެއްޗެހި ބޯން ބޭނުންވީމާވެސް މިހެން ކިޔައެވެ
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ