radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބިސްބޯކިބާ
ނ ބިސްއަޅައިގެން ކުދިކޮށް ފިހާ ބޯކިބަލެއް މިއެންމެ ވައްތަރުވާނީ ޒީނާރާއެވެ
ބިސްވަރު
ނއ (1) ބިސްއަޅާން އެކަށީގެންވާ ވަރު މިބަސް ބުނެއުޅެނީ ކުކުޅާ މެދުގައެވެ (2) ވިހާއުމުރު
ބިސްވައިގުގޫ
ނ ދިވެހި ބޭހުގެ ބާވަތެއް މިހުންނާނީ ހަރުކޮށް ފުއްކުދިކޮށް މަޑު ރީނދޫ ކުލައެއްގައެވެ
ބިސްމަސް
ނ )ސ ( ފަރުމަހުގެ ބާވަތެއް މިއީ ފަތާކޮށް ނަގޫކޮޅަށް ހިމަކޮށް ހުންނަ މަހެކެވެ މިމަހުގެ އަނގަ ބޮޑުވެފައި ދަތްތައް ހިމަވާނެއެވެ މަހުގެ ބަނޑުދޮށް ފަރާތުގައި ހުންނާނީ ރިހިކުލައެވެ ބުރަކަށި މަތީގައި ގަދަނޫކުލައެވެ
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބީ
ނ (1) ގެއްލޭ ގެއްލުން. (2) ވަކިވަކިވުން. މިސާލު: އޭނާރަށުން ބީވެއްޖެއޭ އެގުރާ އަހަރެން އަތުން ބީވެހިނގައްޖެއޭ މިބަސް ބުނެއުޅެނީ އަނބުރާ ނުލިބޭ ފަދަ ގޮތެއްގައި ގެއްލުމަށެވެ (3) ކިރު ހިއްޕި (4) )ސ ( ބޮއިފި
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބީލަން
ނ ނީލަމެއްގެ ސިފައިގައި މަސައްކަތެއް ކުރުމަށް ނުވަތަ ތަނެއް ކުއްޔަށް ހިފުމަށް އަގު ހުށަހެޅުމުގެ ކަންތައްތައް މިސާލު: ސަރުކާރުން ކުރުނބާވިލެޖް މިހާރުވަނީ ބީލަމަށް ލައިފައެވެ
ބުންހިއްޕިލަވަބައި
ނ ނެއްޓިޔަށް އަނބުރާލާ ލަވަބައި މިލަވަބައި ޖަހާނީ ދަނޑިގަނޑުގެ ބަދަލުގައި އަތުންނެވެ
ބުންބާއަލަ
ނ ގޮބޮޅި އަލައިގެ ބާވަތެއް މިއީ އޭގެ އެންމެ ކުދި ވައްތަރެވެ އިހުގައި މި ގެނެސް އުޅެނީ ބުންބާ މީހުންނެވެ މިހެންވެ ބުންބާ އަލަކިޔުނީއެވެ
ބުންބާތާކިހާ
ނ މަޚުމާފޮތިން ފަހައިފައި އަގުޅިވަށްކޮށް ހުންނަތިރި ތާކިހަލެއް މިތާކިހާ ހުންނާނީ ކަސަބުން ޖަރީކޮށްފައެވެ
ބުރަކިރަނިން
ނ ފަސްވަނަ ޢަލީ ރަސްގެފާނު. )ދޮންބުޅާފާށަނާ( ގެދައިތާފުޅު ކަޅު މުޙައްމަދު ރަސްގެފާނުގެ ފުރަތަމަ އަނބިކަނބަލުން މިބޭފުޅަކީ ކަޅު ބުރުސޫރަ ރިވެތި ލޯފުޅު ބޮޑު ބޭފުޅެކެވެ ބުރަކިރަނިން ކިއުނީ ލޯފުޅު ބޮޑުކަމުގެ މައްޗަށް ބުރެކީގެ ލޮލަށް ނިސްބަތްކޮށްގެންނެވެ
ބުރަފަތިވިނަ
ނ ދަނޑުމަތީގައި ހެދޭ ވިނައެއް މި މަލުގެ ތަނޑުވަރަށް ދިގުވާނެއެވެ މީގެ މާ ހުންނާނީ ބުރަފައްޗެއްގެ ސިފައިގައެވެ
ބުރާންތިވުން
މ ބޮލަށްލިބުނު ހާނީއްކައަކުން ނުވަތަ ހޫނަކުން ތަންދޮރުނޭނގޭ ގޮތްވުން
ބުރިހަނޑޫ
ނ ހަނޑޫ ފޮޅީމާ މޫހަނޑުލާއި ނީހަނޑުލާ ދެމެދުން ނެގޭބައި
ބުރިއިންނަފަތް
ނ މަސްދޯނީގެ ތަލުގެކޮޅުގައި އޮންނަ އިންނަ ފަތްބުރި
ބުރީވައި
ނ (1) ފުރަގަސް ފަރާތުބަލީގެ ބާވަތެއް މިބަލިޖެހުނީމާ އުނގަނޑުގައާއި ފުރަގަސްފަރާތުގައިވެސް ރިއްސާނެއެވެ އަދި ވައިބޭރުވުން ގިނަވާނެއެވެ (2) ދުރަނުވައި
ބުރުން ފަޅާނީ ބުރު
(މުސްކުޅިބަހެއް) އެއްޗެއްގައި ހުންނާނީ އެއެއްޗެއްގެ އަސްލުގައި ހުރިގޮތެކޭ ބުނަން ބުނެއުޅޭ ބަހެއް
ބުރުމާ
ނ ކަރަންޓުން ނުވަތަ އަތުން އަނބުރައިގެން ތޮރުފާން ގެންގުޅޭ އާލާތެއް މިހަދައިފައި ހުންނަނީ އެކިވަރުވަރުގެ ކަށިން ތޮރުފޭގޮތަށެވެ