radheef.info
ރަދީފު


ނި
އ )ސ ( ނު
ރަތްހިނި
ނ ހިނީގެބާވަތެއް މިއީ އެންމެ ކުދި ހިންޏަށްވުރެ ތަންކޮޅެއް ބޮޑު ހިންޏެކެވެ މިހިނި ވަރަށް ބާރަށް ދާނާނެއެވެ މިއީ ރަތްމުށި ކުލައިގައި ހުންނަ ހިންޏެކެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްކޮތަރިރައިވެރިމަސް
ހށ ރައިވެރިމަހުގެ ބާވަތެއް މިމަހުގެ ކުލައަކީ ރިހިކުލައެވެ މިރިހިކުލައާއެކު ރަތްކުލަިއގެ ދަޅައެއް މަހުގައި ހުރެއެވެ ނިގޫފަތް ހުންނާނީ މަޑުރަތްކުލައިގައެވެ
ރަތްއޮނުގަނޑުތޮޅި
ނ ތޮޅީގެބާވަތެއް މިއީ ނިގޫފަތުގެ މެދުގައި ދިގުނަރުވައެއް ހުންނަ އަނޮގަކުޑަ މަހެކެވެ މިމަހުގެ މަތީބައިގެ ކުލައަކީ ރަތްމުށިކުލައެވެ ބަނޑުދަށް ފަރާތް ހުންނަނީ ރިހިކުލައިގައެވެ
ރަތްމުރަކަ
ނ މަޑުރަތްކުލައެއްގައި ހުންނަ މުރަކައެއް މިއީ ވަރަށް ބޮޑެތިކޮށް ހެދޭމުރަކަ އެކެވެ މިމުރަކަ ނަގަނީ ކަނޑުންނެވެ މިމުރަކައިން ގަހަނާ ހަދައެވެ މިއީ ދުނިޔޭގައި ވަރަށް އަގުބޮޑު އެއްޗެކެވެ
ރަތްމޭ
ނ ދޫނިސޫފާސޫފީގެ ފުއްޕާމޭ
ރަތްފުރޯދަނޑި
ނ )ސ ( ފުރޯދަނޑިދޫނި
ރަތްދޭވާނި
ނ ފަނިފަކުސައިގެ ބާވަތެއް މިއީ ގޮވާމުގެ ޅަގަސްގަހުގައި އަޅާބައްޔެކެވެ މި ޙާއްޞަކޮށް ގިނައިން އަޅަނީ ގޮވާމުގެ ވައްތަރު ތަކުގެތެރޭން ބިންބި ކުދިބަތް މިދެބާވަތު ގެ ގަސްގަހުގައެވެ މިއީ ހުވަނީގެ ސިފައިގައި ރަތްކުލައިގައި ހުންނަ އެއްޗެކެވެ މިފަނިދުވަނީ ފަތުގެ މެދުތެރޭގައިވާ ފެހިބައިކަމުންނެވެ
ރަތްތިކިފާނަ
ނ ފާނައިގެ ބާވަތެއް މިމަހުގައި ގަދަރަތްކުލައިގެ ތިކިތަކެއް ހުރެއެވެ މަހުގެ ކުލައަކީ ރަތްކުލައެވެ ބަނޑުދަށް ފަރާތު ކޮތަރިބަޔާ ނިގޫފަތުގެ ކޮޅު ހުންނާނީ ވަށްކޮށެވެ މިމަހުގެ ނިގޫފަތުގައި ރަތްމުށިކުލައިގެ ފުރާރޮނގެއް ހުރެއެވެ
ރަތްލާޖެހި
ނއ މަޖާޒު: (1) އެންމެންދަންނަ. (2) މަޝްހޫރު. މިބަސްބޭނުންކުރަނީ މީހުންނާ ނިސްބަތްކޮށެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ
ރަތްގޮވި
ނ ފަނިފަކުސައެއް މިއީ ޢާއްމުކޮށް ކަރާ ވެލުގައި އަޅާއެއްޗެކެވެ މީގެ ތޮށިގަނޑުވަރަށް ހަރުވާނެއެވެ ކުލައަކީ ރަތްކުލައެވެ ފަތުގެ ދަށްފަރާތުގައި އިނދެގެން ފަތްކަމުން ގެންދާނެއެވެ
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރަސީދު
ނ ފައިސާއާ އެހެނިހެން ތަކެތި ބަލައިގެންފައިދޭ ލިޔުން
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްރަނި
ނ (1) ރަސްރަސްކަލުންނާއި ރަނިކަނބަލުންނަށް ކުރުކޮށް ކިޔާގޮތް (2) މަޖާޒު: ރީތި އަންހެނުން
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަސްގެފާނު
ނ އެގައުމެއްގެ ސިޔާސީ ނިޒާމަކަށް ރަސްކަން އޮންނަ ގައުމުތަކުގެ އެންމެ އިސްވެރިޔާ