radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ނިރުދު
ނ )ގ ( ފިލާވެއްޔެއް މިއީ ހިރުނދާ ވަރަށް އެއްވައްތަރަށް އެކަމަކު ހަލަވެލި ގަހަށްވުރެ ބޮޑުނުވާ ގަހެކެވެ މީގައި އަޅާ ހިރުނދުފާޑުގެ އެއްޗެތީގެ ކިރު ދަދުގައާ ފެތުރީގައި އަދި ފުންނާބު ފަޅައިގެންދާ މީހުންގެ ފުންނާބުގައި އުނގުޅައެވެ
ރަށްފުއް
ނ (1) މާލެ ފިޔަވައި ރާއްޖޭގައި މީހުންއުޅޭ ރަށްރަށް (2) ގައުމުތަކުގައި އޮންނަ ރަށްވެހިކަންކުޑަ ސަރަހައްދުތައް
ރަށްގިރުން
މ އޮޔާއި ވަޔާއި ރާޅު ހުންނަގޮތުން ރަށުގެ ގޮނޑުދޮށުގެ ވެލިގަނޑުން އުނިވަމުން ދިޔުން
ރަނބާލި
ނ )ހ ( (1) އެމުގެ ބާވަތެއް މިހުންނާނީ ކަޅުކޮށް ހުރަހަށް ރޮނގު ދަމާފައެވެ މިއުޅެނީ ބުރެކި މުގުރާން ތެރޭގައެވެ (2) )ސ ( ރަތް ބުރަކި
ރަނގަބީލު
ނ (1) އެތެރެއަށް ގޮނިކޮށް ހަދައިފައި އޮންނަ މަޢުދަނީ އެއްޗެއް މިއީ އެތެރެއިން ނުވަތަ ބޭރުން އޭގައި އެއްޗަކުން ޖެހުމުން ރީތި އަޑެއް ކިޔާގޮތަށް ހަދައިފައި ހުންނަ އެއްޗެކެވެ (2) ރަނގަބީލު ބޭނުންކުރާގޮތަށް ބޭނުން ކުރުމަށް ތަފާތު ގޮތްގޮތަށް ހަދައިފައި ހުންނަ އެއްޗެހި
ރަނގަބީލުކުރުން
މ ރަނގަބީލު ޖެހުން
ރަނގަވާޅު
ނ ކަކުލަށްވުރެ ތަންކޮޅެއް ތިރިޔަށް ދިގުމިން ހުންނަ ފައިކުރިފުޅާ ހަރުވާޅެއް
ރަނޑަގުއި
ނ ކުކުޅު ހާލުގެ ނަޖިސް މިއީ ތަންކޮޅެއް ދިޔާކޮށްހުންނަ ނުބައި ވަސްދުވާ ނަޖިހެކެވެ
ރަނޑުރިހި
ނ ހަނގު ބޭކަލަކު މީހަކާ ކައިވެނި ކުރެއްވުމަށްފަހު ވަރިކުރައްވާފާ ދެން މީހަކާ ކައިވެނި ނުކުރައްވާ ހުންނަވާތާ އަހަރުވީމާ ނަގައި އުޅުނު ލާރި
ރަނޑޫ
ނ (1) ކަނޑޫގަސްހެން ގަސް ހުންނަ އެއަށްވުރެ ބޮޑެތި އެއްޗެހި އަޅާ ގަހެއް (2) އެގަހުގެ ވައް (3) އެގަހުގެ ލަކުޑި
ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ރަންހިރު
ނ ކަސަބު ބޯވަޅުގައި އަޅަން ވިޔެފައި ހުންނަ ރަންކަސަބުގެ ފީތާފަށް
ރާއެޅެ
ނ )ސ ( ވަދެނުކުމެވޭގޮތަށް ހުންނަ ނެރު
ރާއްދެގަތިމަޑި
ނ )ޏ ( ގޮތްދޫނުކުރާމީހުންނަށް ކިޔާ ވަނަމެއް
ރާވަޅި
ނ (1) ހާލުގެ ފިނދުފަތް ގަނޑުގައި އާދައިގެ ފަތަށްވުރެ ދިގުކޮށް ހުންނަ ދެފަތް (2) ރަދުން ފިޔަވައި ހަތްކޮޅުނަގާ ބޭފުޅުންގެ ފަގުޑިކޮޅުގައި ރާވަޅިއެއްގެ ސިފައިގައި ރަނުން ހަދައިފައި ހުންނައެތި (3) ރައިވެރިން އެތްމަންނަން ގެންގުޅޭ ތިލަ ގުދުކޮށް ހުންނަ ވަޅި
ރާވަޅިދަނޑި
ނ ރާވަޅިތިލަ ހަރުކޮށްފައި ހުންނަ ދަނޑި
ރާވާނާ
ނ ތެދަށް އެއްދަނޑިއަކަށް ހެދިފައި ހުންނަ ޅަނދޮޅު ދިއްގާ ގަސް
ރާވާގެ
ނ ލަކުޑިއާއި ޕްލާސްޓިކްފަދަ ތަކެތިން އެކިގޮތްގޮތަށް ރާވަން ހަދައިފައި ހުންނަގެ މީކުޅޭ އެއްޗެކެވެ
ރާމާމަކުނު
ނ ކެހެރިފެޅި ޖަނަވާރެއް މިއީ އަތްފަޔާއި މޫނު އިންސާނުންނާ ވައްތަރު އެއްޗެކެވެ ހަތަރެސްފައިގައި އިނގިލި ހުރުމާއެކު ހަތަރެސް ފައިންވެސް އެއްޗެހީގައި ހިފުމުގެ ކުޅަދާނަކަން މިޖަނަވާރުގައި ހުރެއެވެ މީގެ ނަގޫ ހުންނަ ވައްތަރާއި ނުހުންނަ ވައްތަރު ހުރެއެވެ މިއީ ވަރަށް ވިސްނުން ތޫނު މަންމަލި ޖަނަވާރެކެވެ
ރާމުރާކި
ނ މުރާކީގެ ބާވަތެއް މުރާކީގެ އެހެން ބާވަތްތަކަށްވުރެ މިމުރާކިކޭމާ ބޮޑަށް އަނބުރައިގަންނަ ގޮތް ހުންނާނެއެވެ