radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ޒައްގޫމް
ނ ވަލުތެރޭގައި ތިރިކޮށްހެދޭ ކަށިހުންނަ ގަހެއްގައި އަޅާ ވަތްކެއް މިވަކީގެ ބޭރުގައިވެސް ހުންނަނީ ކަށި ފަޅައިފައެވެ
ޒަވި
ނއ (1) ގަދަ ދިލަގޮތް ހުންނަ (2) ކުޅިކަމާއި ދިލަ ހުންނަ (3) ނ ކުއްލިއަކަށް އަންނަ ގަދަރުޅި މިސާލު: މުޙަންމަދަކީ ވަރަށް ޒަވިގަދަ ކުއްޖެކެވެ
ޒަވިރަހަ
ނ ކުޅިކަމާއި ދިލަހުންނަ ގަދަރަހަ
ޒަވިކަން
ނއނ (1) ދިލަގޮތް ހުންނަކަން (2) ކުޅިކަމާއި ދިލަކަން ހުންނަކަން (3) މާއަވަހަށް ގަދަޔަށް ރުޅި އަންނަކަން
ޒަވިވަސް
ނ ދިލަގޮތް ހުންނަގަދަވަސް
ޒަމްޒަމްވަޅުކޮޅު
ނ މައްކާގެ ޙަރަމްފުޅު ތެރޭގައި ހުންނަ ޚާއްޞަވަޅުކޮޅެއް މިއީ އިސްމާޢީލުގެފާނަށް ފެންފޮދު ދެއްވުމަށް މާތްﷲ އެކަލޭގެފާނުގެ ފައިންޕުޅު ދަށުން ނެރުއްވިފެން އާރެކެވެ
ޒާތީގޮތް
ނ އެހެންމީހުނާ ދޭތެރޭ ބަހައްޓާ ނުރަނގަޅުގޮތް
ޒާތްކޮޅު
ނއ މަޖާޒު: މީހެއްގައި ހުންނަ ފާޑުބޮޑުގޮތް
ޒިބު
ނ ފޮައްޓާއި ދަބަހާއި ހެދުންފަދަ ތަކެތީގައި ފަޅައިފައި ހުންނަ ތަންތަން ބަންދުކުރުމަށް ބޭނުންކުރާ އެއްޗެއް
ޒިކުރު
ނ މައުލޫދު ކިޔާހެން ޖަމާޢަތެއްގެ މީހުންކިޔާ ޢަރަބިޅެން ބައެއް މިއެކުލެވިގެންވަނީ ޙަމްދު ޞަލަވާތާއި ދުޢާއާއި މަދަޙަތަކުންނެވެ
ޒިކުރުކިޔުން
މ އަރަބި ބަހުން ހަދައިފައި ހުންނަ ޚާއްޞަ ޅެންބައެއް ކިޔުން މި ޅެންތައް ކިޔަނީ މާލޫދު ފަށާގޮތަށް ފަށައިގެން މާލޫދުޅެން ކިޔާ ގޮތަށެވެ
ޒިކުރުވެރިން
ނ (1) އިމާމަކަށް ވެގެން މާލޫދާއި ޒިކުރުލަވަ ފަށައި ހުއްޓުމުގެ ހުއްދަ ސަރުކާރުން ދެއްވައިފައި ތިބޭމީހުން (2) ސަމާތާރަ ޖެހުމާއި އެކަމުގެ ލަވަކިޔާ މީހުންނަށް ކިޔާނަން
ޒިކުރުލަވަ
ނ ޒިކުރު ކުރުމުގައި ކިޔަން ހަދައިފައި ހުންނަލަވަ
ޒިލޭބި
ނ ގޮދަންފުށް ގިރައި ފުށްގަނޑު ރާމާކޮށްގެން ހަދާފޮނިކާއެއްޗެއް މިހުންނާނީ އުޅާލި ހުންނަގޮތަށް ވަށްކޮށް ހަދައި ތެއްލައި ހަކުރު ފަންޏަށް ލައިފައެވެ
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީނާރު
ނ ހެދިކާއެއް. މިއީ ހިމުންކޮށް ހަނޑޫފުނޑައި ކާށިކިރުގައި ލޮނުލައިގެން ފުށްގަނޑުގިރައި ބޭނުންބޮޑުމިނަކަށް ހުންނަވަރަށް ތާހަށް އަޅައި މަތިޖަހައިގެން ފިހާއެއްޗެއް
ޒުވާނުން
ނ (1) ޒުވާން ފުރައިގެ މީހުން (2) މަޖާޒު: ޒުވާންކަންމަތީ ތިބޭމީހުން
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޒުވާރިފުށް
ނ ޒުވާރި މުގުރައިގެން ހަދައިފައި ހުންނަފުށް
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި