radheef.info
ރަދީފު


ބަ
އ އައްބަ
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮނޑެއްނެގުން
މ މަޖާޒު: މީހަކު މާގިނަ އެއްޗެހި އެއްފަހަރާ ކާން އިންދައި ފެނުމުން ބުނުއުޅޭ ބަހެއް
ގޮނޑެއްގައި އޮތަސް މުތެއް ވާނީ މުތަކަށެވެ
(މުސްކުޅިބަހެއް) ގޮނޑެއްގައި އޮތަސް ޖަވާހިރެއް ވާނީ ޖަވާހިރަކަށެވެ
ގޮނޑެއްގައިއޮތަސް ޖަވާހިރެއްވާނީ ޖަވާހިރަކަށެވެ
(މުސްކުޅިބަހެއް) ކިތަންމެ ނިކަމެތި ހާލެއްގައި ހުއްޓަސް ކަންކަމަށް މޮޅު ކުޅަދާނަ މީހުންވާނީ މޮޅު ކުޅަދާނަ މީހުނަށްކަން ހާމަކޮށް ދިނުމަށް ބުނެއުޅޭ ބަހެއް
ގޮނަކަށްގޮނެއް
ގބ )މުސްކުޅިބަހެއް( މީހަކު ހަދިޔާއެއް ފޮނުވައިފިނަމަ އަނެކަކުވެސް އެއްޗެއް ފޮނުވަން ޖެހޭނެ ކަން އެންގުމުގެ ގޮތުންބުނާ ބަހެއް
ގޮނި
ނ (1) ބައްޓަމާއެކު އެތެރެއަށް ވެފައިވާއަޑި (2) މޫދުން ރަށުގެ ތެރެއަށް ވަދެފައިވާތަން
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮންބޮޅި
ނ )ގ ( ގުންބަޅަ
ގޮންދައިލުން
މ (1) ހުތުރުބަހުން ކެއުން މިބަހަށް ކިޔާ ގޮތް (2) )ހ ( ގޮށުވައިލުން
ގޮންގަނޑުގެރި
ނ އުނގުރު މަތީގައި އުފުލިފައި ބައެއް އޮންނަ ގެރި
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮރުހެނޑުން
މ ކުޑަކަމުދިއުން މިއީ ދަށްބަހުރުވައިގައި ބޭނުންކުރާ ބަހެކެވެ
ގޮރުބުޑު
ނ މަޖާޒު: ކޮންމެވެސްވަރަކަށް ގޮރުވަސް ހުންނަ ނުތާހިރުކޮށް ތިބޭޅަދަރިމައިން ނުވަތަ އެފަދަމީހުން ދެރަކޮށްލުމުގެ ގޮތުން ބުނެއުޅޭބަހެއް
ގޮރުލޯގަނޑަށްވެއްޓުން
ގބ މަޖާޒު: ޅަދަރިމައި އަންހެނަކާ މީހަކު އިނުމުން ބުނެއުޅޭ ބަހެއް
ގޮރުޖެހުނުމަސްމުޅި
ގބ )މިސާލުބަހެއް( ބޭނުންހިފަން ކަމުނުގޮސްގެން ބަހައްޓައިފައި ހުރިއެއްޗެއް އެހެން އެއްޗެއް ނެތުމުގެ ސަބަބުން ބޭނުންކުރެވޭގޮތްވުމުން ބުނެއުޅޭބަހެއް
ގޮބު
ނ (1) މިދިލިގަހުގައި އަޅާވައް (2) ބައެއް އެއްޗެހީގެ ކޮޅުގައި ހަރުކޮށްފައި ހުންނަ ތަން މިސާލު: ދިދަދަނޑީގެ ކުރީގައި ހަރުކޮށްފައި ހުންނަ ގޮބު (3) ތަޅުފަދަ އެއްޗެހީގައި ހިފަން ހުންނަ ބައި (4) އަލަމާރި ވަތްގަނޑު ފަދަ އެއްޗެހި ހުޅުވާއިރު ހިފުމަށް ވަށްކޮށް ހަދައިފައި ހުންނަ ބައި
ގޮބޮޅި
ނ (1) ދިވެހި ރުކުގައި ގަންނަ ތަކެތީގެ ތެރެއިން މިރިއަށްވުރެ ޅައެއްޗެހި (2) ލޮލުގެ ހުދުކަޅިއާއި ކަޅުކަޅި އެކުލެވިގެން ވަށްކޮށް އޮންނަބައި (3) ބިހުގެ އެތެރޭގައިވާ ރީނދޫބައި
ގޮޅަހެރެ
ނ )ސ ( ރާވެރިން ރުކަށްގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް