radheef.info
ރަދީފު


ބަ
އ އައްބަ
ގެމަތި
ނ (1) އޮޑިފަހަރުގެ ކޮޅުފަސްކޮޅު ކުނބަށް ނަގާރިޔާ (2) އެއްބުރިގޭގެ ހުރަސްބެރިތަކުގެ މަތީގައި އެއްޗެހިލާން ފިލާއަޅައިފައި އޮންނަތަން
ގެމުޅަ
ނ )ސ ( ހަމަށްޖެހޭ ކެންސަރުފާޑު ބައްޔެއް
ގެމުޅަނެގުން
މ )ސ ( ހަމުންނަގާ ކެންސަރުފާޑުގެ ބައްޔެއް ނެގުން
ގޮށި
ނ (1) އެތެރެއަށް އެއްޗެހި އެޅޭގޮތަށް ނުވަތަ އެއްޗެހީގެ މަތިންޖެހޭ ގޮތަށް ފުލަށް ހިމަކޮށް ތޫރިކޮށް ހަދައިފައި ހުންނަ އެއްޗެއް މިތަފާތު އެއްޗިހިން ވަރުވަރަށް ހަދައިފައި ހުރެއެވެ މިސާލު: )ހ( ކަރުދާހުގޮށި )ށ( ބިޑިއަނބުރާގޮށި (2) މުކައްބަ
ގޮށިމޫނުންބާނި
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަކަށް ނުވަތަ ދަރިކަނބަލަކަށް އަންހެނުން ކުރާ ޚާއްޞަ ވެދުމެއް
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ގޮށިގޮނޑި
ނ ގޮށީގެ ބައްޓަމަށް ހަދައިފައި ހުންނަ ގޮނޑި
ގޮށުން
މ (1) ބަތްފަދަ ތަކެތި މަޑުވެ ޗަސްވުން (2) ގެށިފައިވުން
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްރާޅު
ނ (1) އޮޔާ ވަޔާ އިދިކޮޅުވުމުގެ ސަބަބުން އެގޮތް މިގޮތަށް އުފެދިފައި ހުންނަ ރާޅު (2) ގޮށްގޮށަށް ހުންނަރާޅު (3) މަޖާޒު: މަސައްކަތެއްގެ ތެރޭގައި މީހަކު އުފައްދާ ހަމަނުޖެހުން
ގޮށްބުރި
ނ (1) ގަހަކުން ކަނޑައިލައިފައިއޮތް ގޮށްހުރި ބައެއް (2) މަޖާޒު: ވަށްއަގުޅި އަޅައިފައި އޮންނަ ކަންނެޔޮބުރި (3) ކުރުކޮށް ފަލަކޮށް ތިބޭމީހުން
ގޮށްމަޅި
ނ ހަތަރު ފަރާތަށް ހަތަރު ކަންގަނޑު ހުންނާނެހެން ޖަހާގޮށެއް. މި ގޮށްޖަހައި އުޅެނީ މަލާފަތްކޮޅު ތަށިކޮޅުފަދަ އެއްޗެހި ބަންނައިރުއެވެ
ގޮށްފަތި
ނ ގަމީހާއި ލިބާސްފަދަ އެއްޗެހީގެ ގޮށް ހަރުކުރުމަށާއި ގޮށްވަޅު ހެދުމަށް މަޅައިފައި ހުންނަބައި
ގޮނޑި
ނ (1) އިށީނުމަށް ހަދައިފައި ހުންނަ އެއްޗެއް މި ތަފާތު އެއްޗެހިން ތަފާތު ވައްތަރު ވައްތަރަށް ހަދައިފައި ހުރެއެވެ (2) ބިއްސާއި އޮށާޅަ އާއި މުލިހި ފަދަ އެއްޗެހީގެ އަޑީގައި އުފެދިފައި ހުންނަ ހަރުބައި (3) ބައެއްކަހަލަ ގަސްގަހާގެހީގެ މައިމުލާ ގުޅުވައިގެން ބިމުގެ ތެރެޔަށް ފައިބާ ބައި މިސާލު: )ހ( މުރަނގަ ގޮނޑި )ށ( ފަޅޯ ގޮނޑި )ނ( މުޅާ ގޮނޑި (4) ބަނޑުއަޅައި ވިހާ ތަކެތީގެ އުރަމަތީގައި އުފެދިފައި ހުންނަ ހަރުބައި
ގޮނޑިހޫނުކުރުން
މ މަޖާޒު: (1) ތަނަކަށް ގޮސް ކަމެއް ކުރަންޖެހޭ މީހަކު ކަމެއް ނުކޮށް ވަގުތު ބޭކާރު ކުރުން (2) ކޮމިޓީ ތަކާ މަޖިލީސް ތަކުގައި އެއްޗެއް ނުބުނެ ތިބޭ މީހުންނާ މެދު ބުނެއުޅޭ ބަހެއް
ގޮނޑިފޭބުން
މ ބައެއް ގަސްގަހުގެ މުލަށް ފުށްއެރުން މިސާލު: )ހ( ވިހަލަގޮނޑި އުފެދުން )ށ( ދަނޑި އަލުއިގަހުގެ މޫ ފަލަވެ ފުށްއެރުން )ނ( ބުރަނދަގޮނޑިގަހުގެ މޫފަލަވުން )ރ( ގޮށް ކުޅަނދުރު ގަހުގެ މުލުގައި ގޮށް އުފެދުން
ގޮނޑިގާ
ނ މަހާނަގާ އިންދަން ހަދައިފައި ހުންނަބައި މަހާނައިގައި ގާޖަހާއިރު މިބައި ހުންނަނީ ފަސްގަނޑުގެ ތެރޭގައި ވަޅުލައިފައެވެ
ގޮނޑިޖެހުން
މ (1) އިށީނދެ އުޅުމަށްޓަކައި ބޭނުންކުރާ ޒާތްޒާތުގެ ގޮނޑި އުފެއްދުން (2) ގެރިބަކަރިން ކިރުފެލާއިރު އޭގެކިރުގައި ތެޅުން (3) ތަނެއްގައި ގޮނޑި އެތުރުން
ގޮނޑީގައިޖަހާ ކޮޅުންއަޑުއެހުން
މަޖާޒު: މީހަކު ބުނާ އެއްޗެއް ބުނިގޮތް ނޫންގޮތްގޮތަށް އަޑު އިވޭ މީހުންނާ މެދު ބުނެއުޅޭ ބަހެއް