radheef.info
ރަދީފު


ޒ
އ ތާނައިގެ 91 ވަނަ އަކުރު
ބިސްވަޅު
ނ (1) ވެލާއާއި ކަހަނބު ފަދަ ތަކެތި ބިސްއަޅައިފައި ހުންނަ ތަންތަން (2) މަޖާޒު: ފަރުޖު
ބިސްމަޅި ދުއްވުން
މ (1) ކުކުޅެއްގެ ބިސްހާލި ހޯދުމަށް ކުކުޅުގެ ފައިގައި ދިގު ރޯނުގަނޑެއްޖަހާ ދޫކޮށްފައި އެވަންނަތަކެއް ބަލާން ފަހަތުން ހިނގުން (2) މަޖާޒު: ހީލަތުން ކަމެއް ހޯދާން އުޅުން
ބިސްމި
ނ (1) ބިސްމިﷲ ހިއްރަހްމާން ނިއްރަހީމް (2) ބިސްމިﷲ (3) މަޖާޒު: ކަމެއްގެ ފުށުން މިސާލު: މީ މިކަމުގެ ބިސްމިއެވެ
ބިސްފަތަފޮޅި
ނ ހެދި ކާއެއްޗެއްގެ ނަން މިއީ ރޮށިދަމާގޮތަށް ދަމާ ވަކި ސައިޒަކަށް ވައްކޮށް ކަނޑައި ފިހެފައި ހުންނަ އެއްޗެކެވެ މި ފޮނިކޮންނާއި ކުޅިކޮންވެސް ހަދައިއުޅެއެވެ
ބިސްފުޅު ކެއުން
މ މަޖާޒު: ތިމާގެ ސާހިބުމީހާގެ އަނބި މީހާޔާ ނަހަމަ ގުޅުން ބެހެއްޓުން
ބިސްގަނޑު
ނ (1) ކުކުޅު ބިހުން އަޅާ ފޮޅިގަނޑު. (2) ބިހުގެ ގޮބޮޅި. (3) މަޖާޒު: ދޮންކޮށް ފަލަކޮށް ލޮކިމަސްޖަހައިފައި ތިބޭ ކުދިންނާއި މީހުން
ބީހުން
މ (1) އަތްލުން. މިސާލު: ޤުރްއާން ފޮތުގައި ބީހުން. (2) ގައިގައިޖެހިލުން. މިސާލު: އެކަކު އަނެކަކުގެ ގައިގައި ބީހުން. (3) ފުރާދުއްވާ އުޅަނދެއް ރަށެއްގެ ވެލިގަނޑުގައި ނުވަތަ ގޮނޑު އާނުގާޖެހުން ނުވަތަ ތޮށީގައި ނުވަތަ ފަޅުގެ އަޑީގައިޖެހުން މަޖާޒު: (4) ކަރުގައި އަޅައިގަތުން (5) ވައިރޯޅި އެއްޗެއްގައި ޖެހިލުން (6) ރަށެއްގެ ގޮނޑުދޮށަށް ރާޅު އައިސްނިމުން
ބީރަށްވެހި
ނއ (1) ތަނުގެ ވަޒަންވެރިންނަށް ނުވާ (2) ތަނުގެ އާދަކާދައާއި ޚަބަރު ނޭނގޭ
ބުން
ނ (1) ގަހުވަހަދާއޮށް (2) ނާފަހަރުގެ ގޯސީގެ ދަންމާނު ދަމާން ދުއްވާފައި އޮންނަ ގަސް (3) ސަބުދެރިޔާ މަތީން ދިރުނބަލަށް ނެރެފައި އޮންނަގަސް (4) ޒީލައިގެ އިދިކޮޅު (5) )ބދ ( ބަޑި (6) މަޒާޖު: ރުޅިމައްޗަށް ގޮސްގެން އަގައިން ނުބުނާ ނުބުނުން
ބުންހިއްޕުން
މ އަޑުޒީލަނުވާނޭހެން ބެރުގައި އަތްތިލަ ހިއްޕުން
ބުންނަރު
ނ މިއުޒިކު ކުޅެން ބޭނުންކުރާ ނަރުފުރާފައި ހުންނަ ބައެއް އާލާތުގެ އެންމެ ފަލަނަރު
ބުންބާބާޒާރު
ނ ވޯރާ ވިޔަފާރިވެރިން މާލޭގައި ވިޔަފާރިކޮށް އުޅުނު ބާޒާރު އެއީ އިސްމާއީލް ބާޒާރާއި އަޙުމަދީ ބާޒާރެވެ
ބުންބާސައި
ނ (1) ސައިފަތު ކުލަގަދަކޮށް ގިނައިންކިރު އަޅައިގެން ފޮނިމަޑުކޮށް ހަދައިފައި ހުންނަ ސައި (2) މިއީ ބުންބާ މީހުން މާލޭގައި އުޅުނު ޒަމާނުގައި އެމީހުން ހަދައި އުޅުނު ސައެކެވެ (3) ބުންބާޓީ
ބުންއަޑު
ނ ޒީލަނެތް ބަރުއަޑު
ބުންވުން
މ (1) އަޑުބަރުވުން (2) އަޑުގެ ބުންކަން އިތުރުވުން މަޖާޒު: (3) ރުޅިމައްޗަށް ގޮސްގެން އަނގައިން ނުބުނުން
ބުރި ބިންދައިގެން ދާވަރަށް މަސައްކަތް ކުރުން
މަޖާޒު: ކުރާ މަސައްކަތުގެ ބުރަކަން ދެއްކުމުގެ ގޮތުން ބުނެއުޅޭ ބަހެއް
ބުރިމެކުނު
ނ ޅަމެކުނު )މިއީ ހަތަރުއިންޗިއާއި ހައިންޗިއާ ދެމެދުގެ ސައިޒުގެ މެކުނެވެ
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުރުޒުބަނޑޭރި
ނ (1) ހަވަރަށް އެކިއެކިކަން ކަމަށް އަންގަން ފޮނުއްވާމީހާ (2) ބުރުޒާބެހޭކަންތައްތައް ބަލަހައްޓަން ހުންނަމީހާ
ބުރުޒުބަޑޭރިކަން
ނ (1) ސަރުކާރުން ދެއްވާ ވަޒީފާއެއް (2) ހަވަރަށް މަސައްކަތުގޮވާކަން