radheef.info
ރަދީފު


ލެއް
ނ ކުޅިވަރެއްގެ ނަން މިއީ ބިންމަތީގައި ދިގަށާއި ހުރަހަށް ރޮނގުތަކެއް އަޅައިގެން ކުޅޭ ކުޅިވަރެކެވެ މި ކުޅިވަރު ކުޅޭނީ ޢީދުތެރޭގައެވެ
ސެންޕަލު
ނ (1) މުދަލެއްގެ އަޖުމަ ބަލަން ހިލޭ ފޮނުވާ އެތި (2) ނަމޫނާ އެތި
ޑިސްކައުންޓް
ނ މުދަލެއް އާދައިގައި ވިއްކާ އަގުން ކަނޑާލަދޭ މިންވަރު
ޑީސަލް
ނ ޕެޓްރޯލަށްވުރެ ހަލުއިކަން ކުޑަ އޮލަ ތެލެއް މިއީ އިންޖީނު ހިންގަން ބޭނުންކުރާ ތެލެކެވެ
ޑޭޒީ
ނ އެއްބަރިޔަށް ހުންނަ ފިޔަތަކަކުން އެކުލެވިގެންވާ ތަނޑި ދިގު ރީނދޫ ކުލައިގެ މަލެއް އަޅާ ގަހެއް މިއީ އާދައިގެ ކުޑަ ގަހެކެވެ މީގެ އެތައް ވައްތަރެއް ހުރެއެވެ ތަފާތު ކުލަތައްވެސް ހުރެއެވެ
ޒަބޫރު
ނ ސަލާމްލެއްވި ދާއޫދުގެފާނަށް ބާވައިލެއްވިފޮތް
ޒުލްޤަރުނައިނި
ނ ކީރިތި ޤުރްއާނުގައި ނަންގަނެވިފައިވާ ނަބީބޭކަލަކާގާތް ޢަދްލުވެރި ރަސްކަލެއްގެ ނަންފުޅު
ޓެރޭމު
ނ އެއްތަނުން އަނެއްތަނަށް ދަތުރުކުރެވޭގޮތަށް ހަދައިފައިވާ ގާޑިޔަލެއް މިދަތުރުކުރަނީ މަތީގައި ދަމައިފައިވާ ދަގަނޑު ނަރު ތަކެއްގެ އެހީގައެވެ
ޕެޓްރޯލް
ނ ބިމުން ނަގައި ވަކިވަރަކަށް ސާފުކޮށްފައި ހުންނަތެލެއް މިއީ ވަޔަށް އަރައިގެންދާގޮތް ހުންނަ ވަރަށް ހަލުވި އެއްޗެކެވެ މިއީ ވަރަށް ފަސޭހަ އިން ހުޅުހިފާ އެއްޗެކެވެ އެތެރޭގައި އަލިފާން ކަނޑާގޮތަށް ހަދައިފައި ހުންނަ އިންޖީނު ހިންގުމަށް މިތެޔޮ ބޭނުންކުރެއެވެ
ޖަނަވަރީވެޔޮ
ނ ހިތަކާ ވައްތަރަށް އެއަށްވުރެ ދިގުބުރަކަށް ފަތްހުންނަ ކުދިކުދި މާތަކެއް ފޮޅޭވެލެއް މިވެލުގެ މާފޮޅެނީ ފަތުގެ ބުޑުން ނުކުންނަ ތަނޑެއްގައެވެ މިތަނޑުގެ ކޮޅަށް ހިމަވެގެންގޮސް ހުންނަނީ ނަރުވާތަކެއް ހެންނެވެ
ޖަވާބު
ނ (1) ޒުވާބު (2) ލިޔެވޭ ނުވަތަ ބުނެވޭ އެއްޗަކާމެދު ބުނާބަސް (3) ހިސާބު ޢިލްމުގެ ބަހުރުވައިގައި ސުވާލެއްގެ ނުވަތަ ނަންބަރެއްގެ ޙައްލު (4) ސިޓީއެއް ނުވަތަ މެސެޖަކަށް ދޭ ރައްދު (5) ޤާނޫނީ ބަހުރުވައިގައި އަނެއްފަރާތެއްގެ ވާހަކަޔަށް ކުރާއިންކާރު ނުވަތަ ޤަބޫލު ނުކުރާ ނުކުރުން (6) ދޭރައްދު
ޖަވާބު ދިނުން
މ (1) ޒުވާބު ދިނުން (2) ލިޔެވޭ ނުވަތަ ބުނެދޭ އެއްޗަކާމެދު ބަހެއް ބުނުން (3) ހިސާބު ޢިލްމުގެ ސުވާލެއް ނުވަތަ ނަންބަރެއްގެ ޖަވާބު ނެރުން (4) ސިޓީއެއް ނުވަތަ މެސެޖަކަށް ރައްދެއް ދިނުން (5) ރައްދު ދިނުން
ޖީބުރިޔާ
ނ އޮޑިދޯނި ފަހަރުގައި ނަގަންގެންގުޅޭ ކުޑަރިޔަލެއް
ޖޯޑު
ނ (1) އެއްނަސްލެއްގެ ދެޖިންސުގެދޭތި (2) ބައެއް ކަހަލަ އެއްޗެހީގެ ދެކިބަ (3) ސައިބޯޖޯޑު (4) މަޖާޒު: މާބޮޑަށް ގުޅިގެން އުޅޭ ދެމީހުން
ޗާނދަނީ
ނ ހުދުކުލައިގެ މަލެއް އަޅާގަހެއް
ޗާނދަނީމާ
ނ ފިޔަތައް ގިނަ މީރުވަސްދުވާ ހުދު ކުލައިގެ މަލެއް
ޗާކު
ނ ހުޅުވައި ލެއްޕޭގޮތަށް ހުންނަވަޅި މިހުންނަނީ މުށްގަނޑުގެ ތެރެއަށް ތިލަ މަޅައިލެވޭ ގޮތަށެވެ
ޗިޗަންޑާ
ނ ވެލެއްގައި އަޅާފެހިކަންގަދަ ހިތިވަހެއް ހުންނަ ތަރުކާރީގެ ބާވަތެއް މީގެ ތަފާތު ބާވަތްތައް ހުރެއެވެ މީގެ އެއް ވައްތަރު ހުންނަނީ ވަރަށް ދިގުކޮށެވެ
ޚާނީހަނޑޫ
ނ ކޯރާ ހަނޑުލަށްވުރެ މޮޅުހަނޑުލެއް މިއީ އިހުގައި ރަސްކަލުންގެ ފަރިއްކޮޅަށް ކައްކައި އުޅުނު ހަނޑުލެކެވެ
ޚިތާނުކުރުން
މ (1) ޒަކަރުގެ ކުރީގައި ދިގުކޮށް އޮންނަ ހަންކޮޅު ކަނޑައިލުން (2) އަންހެންކުދިންގެ ކުޅަދިލީގެ މަތީގައި ތޫނު ކަމެއް ޖައްސައިލައި ލޭ ދައްކައިލުން (3) ނަކަތްގެލެއްވުން (4) ގޭބޭންދުން (5) ކުރަފަތްޖެހުން (6) އިސްލާންކުރުން (7) ބޭންދުން (8) ބޭއްވުން (9) ހިތާނުގެލެއްވުން
ޚިޔާލީވާހަކަ
ނ (1) ފުލޯކުވާހަކަ (2) އަޞްލެއްނެތް ވާހަކަ