radheef.info
ރަދީފު


ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ކިބާފިލާ
ނ ސަންދޯކު ނާޅާ ވަޅުލާ މައްޔިތާގެ މަތީން ޖަހާން ތިނބިގަނޑެއްހެން ބަނދެފައިވާ ދެފިލާ
ކިއަވާގެ
ނ (1) ފަންޑިތައިގެ ކިޔެވެލިތައް ކިޔަވާން އަޅާގެ (2) ހިތީކިޔަވާން އަޅާގެ
ކިއްސަށްދެވި ވަކިއެޅުން
ނ ބައެއް މީހުން މާބަނޑުވުމާ ގުޅިގެން ބަނޑުގައްޔާއި އުރަމަތީގައި ރޮނގުތަކެއްހެން ކުލަ ބަދަލުވެފައި ހުންނަ ހުރުމަށް ކިޔާގޮތެއް
ކިއްސަރުއުއި
ނ އޮޑިދޯނިފަހަރު ބަންނައިރު މަޑޫމަތީގައި ލަނބަމުން ޖަހާއުއި
ކިޔަވާގެ
ނ (1) ބޮޑުދެހިތީގައި ހިތީ ކިޔަވަންގެންދާ ފޮތް ފޮށިތައް ބެހެއްޓުމަށާއި ވިއްސާރަވެއްޖެނަމަ ކިޔަވަން ދާމީހުންތިބޭން ފަނުން އަޅާފައި ހުންނަ ގެއެއް (2) ކިޔެވެލިކިޔަވަން ފުއްޓަރު ފަރާތުގައި އަޅައިފައި ހުންނަގެ (3) އެދުރުގެ
ކުނބު
ނ ރިޔާ ނެގުމުގެ ބޭނުމުގައި ފުރާދުއްވާ ތަކެތީގެ މެދުތެރޭގައި ޖަހައިފައި ހުންނަ ދިގުދަނޑި ރިޔާ ނުނަގާ އެއްޗެތީގައިވެސް އެކިއެކި ބޭނުމަށްޓަކައި މިޖަހައިފައި ހުރެއެވެ
ކުނބުނެގުން
މ (1) ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން. (2) މަޖާޒު: ދެބުމަ ދޭތެރެއިން ފެށިގެން މައްޗަށް އަނދުން ރޮނގެއް ދެމުން. އަނދުން ނޫން އެހެން އެއްޗަކުން މިރޮނގު ދެމި ނަމަވެސް ކިޔާނީ މިހެންނެވެ
ކުނބުބޯ
ނ ކޮޅުކުނބު ކުނބުގެމަތީކޮޅު
ކުނބުއިންނަފަތް
ނ ކުނބު އިންނަ ފަތްބައިގައި އެންމެ މަތީ އިންނަ ފަތްގަނޑު
ކުނބުސާރި
ނ )ސ ( އޮޑިދޯނި ފަހަރުގެ ވަނޮޅުމަތީބެރި
ކުނބުޖެހުން
މ ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން
ކުނބޯބޮލި
ނ )އ ( ބުރަކަށި މަތީގައި ކުނބޯ ގޮތަށް ތިއްތިއް ހުންނަ އޮފުބޮލި
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުނި
(1) ބައެއްތަކެތީގެ ތާޒާކަން ކެނޑިގެން އެވާ ފިލުނދު (2) ބައެއް ތަކެތި ފިލުނދު ވެގެން ވާނުބައި (3) ބޭނުމެއްނެތިގެން އުކައިލާން ޖެހޭ ތަކެތި (4) ފާރުގަނޑުގައި ހެދޭ ނުބައި މާއްދާ (5) އަނގަޔާ ކަރުތެރޭގައި ހެދެޭ ބައްޔެއް (6) ނިފާސްކަމުގެ ލޭ
ކުނިކެހުން
މ ބިންމަތީގައި ނުވަތަ ތަޅުންގަނޑުގައި ހުރި ކުނިތަކެއް އިލޮށި ފައްޗެއް ނުވަތަ ފިހިގަނޑެއް ފަދަ އެއްޗަކުން އެއްކޮށް ސާފުކުރުން
ކުނިގަނޑު
ނ (1) ފާރުގަނޑުގައި ހެދިފައި އޮންނަ ނުބައި މާއްދާގަނޑު (2) ނިފާސްކަމުގެ ގަނޑުލޭ (3) ކަނޑުމަތީގެ ބަހުރުވައިގައި ބޮޑުމަސް
ކުނިގަތުން
މ ފާރުގަނޑު މަތީގައި ކުނި އުފެދުން
ކުރަނގި
ނ ކަނޑުމަތީ ދޫންޏެއް މިއީ މާރަނގައިގެ ތެރޭގައި އުޅޭ މާރަނގައަށް ވުރެ ތަންކޮޅެއް ކުޑަ ދޫންޏެކެވެ ދޫނީގެ ކުލައަކީ ކަޅުއަޅިކުލައެވެ ބޮލުގެ ތަލަ ހުންނަނީ ހުދު އަޅިކުލައެއްގައެވެ މިއީ އައިނާ އަޅާ ދޫންޏެކެވެ
ކުރަބެއްދުން
މ ފާރުގަނޑުގައި ބޭސްނާޅައި ހުރުމުގެ ސަބަބުން މަތީގައި ހެދޭ ދުއްޔަށް ވާންވުން
ކުރަމަގާލި
ނ (1) މެށުނު ތަނެއް ނުވަތަ ކެނޑުނު ތަނެއްގެ މަތީގައި ހަރުވެ ހިކިފައި އޮތްލޭކޮޅު (2) ފަސޭހަވަމުން އަންނަ ފާރުކޮޅުގެ މަތީގައިލާ ތޮށި