radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންއެރުވުން
މ މައްޗަށް ފެން ފޮނުވުން މިސާލު: ފެން އަރުވާ ވަޑާމަކުން މައްޗަށް ފެން އެރުވުން
ފެންއެޅުން
މ (1) ކުދިން ޚިތާނުކޮށްގެން ފަސޭހަވީމާ ފެންވެރުވުން (2) އަންހެނުން ވިހައިގެން ސާޅީހަށް ފެންވެރުވުން (3) ތަނަކަށް ނުވަތަ އެއްޗަކަށް ފެން އޮއްސުން
ފެންއެއްލުން
މ މަސްއައިނަށް އަރައިފައި ފެންފުޅަފީން ފެންއުކުން
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންއޮހޮރުން
މ )ސ ( ފެންފޭބުން
ފެންއޮހޮރުވުން
މ (1) ފެން ފައިބާނޭގޮތް ހެދުން (2) ފެން އޮއްސުން
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
)މިބަސް ބަލާ( ފެންއޮތްތާކަށޭމަސްދާނީ
މަޖާޒު: މަސްދާނީ ފެން އޮތްތާކަށެވެ
ފެންވަރަ
ނ )ސ ( ފެންވަރު
ފެންވަރަބެލުން
މ )ސ ( ފެންވަރު ބެލުން
ފެންފިސްތޯލަ
ނ ވަޒަންލުމުގެ ބަދަލުގައި ފެންއަޅައިގެން ފެން ދުއްވާގޮތަށް ކުޑަ ކުދިން ކުޅެން ގެންގުޅޭ ފިސްތޯލެއް
ފެންފިޔަފާޅި
ނ ވިހޭގެތެރެއަށް ބޭނުންވާ ފެން ހޫނުކުރުމަށް ޖަހައިފައި ހުންނަ ފިޔަފާޅި ނުވަތަ އަރިހިޔާ
ފެންފުހި
ނ (1) ކާރު ލޮރީ ފަދަ އެއްޗެހީގެ ބިއްލޫރިގަނޑުން ފެން ފުހެދޭން ހުންނައެތި (2) ކަނޑުދަތުރުކުރާ އުޅަނދުފަހަރުގެ ހުންގާނުގައި ހުންނަ މީހާގެ ކުރިމަތީގައިވާ ބިއްލޫރިގަނޑުން ފެންފުހެދޭން ހުންނައެތި (3) ފެންހޭކެކުމަށާއި ފެންހިއްކުމަށް ބޭނުންކުރާއެތި
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފުން
ނއ ހަމަބިމުން ފެށިގެން ފެން ހުންނަ ހިސާބާދެމެދުގެ ދުރުމިން ބޮޑު
ފެންފުންކަން
ނއނ ހަމަބިމުން ފެށިގެން ފެން ހުންނަ ހިސާބާއި ދެމެދުގެ ދުރުމިން ބޮޑުކަން
ފެންފުރުން
މ (1) ކަންވާރަކަށް ފެންއެޅުން (2) (ޏ ސ) ދާނިން ފެންނެގުން
ފެންފުރުވުން
މ ކަންވާރަކަށް ފެން އެޅުވުން
ފެންފުޅަފި
ނ މަސްދޯނިފަހަރުގައި މަސްއައިނަށް ފެން އުކުމަށް ގެންގުޅޭ އެއްޗެއް. އާއްމުކޮށް މިހަދައިފައި ހުންނަނީ ރުކުގެ ފުޅަފިންނެވެ