radheef.info
ރަދީފު


މިސާލު
ނ އެއްފަދަކުރުމުގެ ގޮތުން ބޭނުންކުރެވޭ ބަސްބަސް މިސާލު: ހަނދެއްފަދަމޫނެއް
ފުރަތަމަ
ނއ (1) އެއްވަނަ (2) ކުރިން މިސާލު: ފުޅިބައްތި އެންމެ ފުރަތަމައަށް ހެދީ ކުނިމަސް ދޮންމޫސާފުޅެވެ (3) އިހަށް
ފުރަގަސްފަރާތުބަލި
ނ ބޮޑުކަމުދާ ދޮރުން ނަގާބަލި. މިސާލު: ބަވާސީ ނިކަކޯޅިބަލި މޫބަލި ފަދަބަލި
ފުރާ
ނ (1) އުމުރުގެ ދައުރެއް. މިސާލު: ޅަފުރާ މުސްކުޅިފުރާ (2) އމ "ފުރުން" މިބަހުގެ އަމުރު މިސާލު: މިރުނބާ އަބަހަށް ފުރާށެވެ (3) ވކ "ފުރުން" މިބަހުގެ ވާކަން މިސާލު: ކޮންމެ ދުވަހަކު އޭނާ މަހަށް ފުރައެވެ (4) )ބދ ( ހިސާބު
ފުރުން
މ (1) އުޅަނދެއްގައި ދަތުރަށް ފެށުން. (2) އެއްޗެއްގެ ތެރެއަށް އެއްޗެހިތަކެއް އަޅައި މައްޗާއި ހަމަކުރުން. (3) އެއްޗަކަށް ވެލި ނުވަތަ ފެން އޮއްސުން. (4) ވަކި ތަރުތީބަކުން ފަށްތަކެއް ދެމުން. މިސާލު: އުއި ފުރުން ރޯނުފުރުން އެއްތެޔޮ ފުރުން (5) އެއްޗެއްގައި ލިޔަންވީ ވަރަށް ލިޔެ ނިންމުން މިސާލު: ފޯމު ފުރުން (6) އެއްޗެއްގައި އިތުރަށް ލިޔާނެ ތަނެއް ނޯންނަ ވަރަށް ލިޔެ ނިންމުން (7) ހުސްތަން ނެތުން (8) ހުސްޖާގައެއް ނެތުން
ފުރުއްވުން
މ (1) "ފުރުން" މިބަހުގެ 1 ވަނަ މާނައިގެ މާތްގޮތް. މިސާލު: ދޮންމަނިކު ޙައްޖަށް ފުރުއްވައިފި. (2) "ފުރުން" މިބަހުގެ 2 3 4 5 ވަނަ މާނައިގެ މާތްގޮތާއި އެންމެ މާތްގޮތް
ފުރޭނި
ނ (1) ދިޔާއެއްޗެއްސާއި ހިކި ތަކެތީގެ ރާޅު ބައި ނުވަތަ ކަމުނުދާ ބައި ވަކިކުރުމަށް ލޯވަޅުތަކެއް ހުންނަ ގޮތަށް ހަދައިފައި ހުންނަ އެއްޗެއް. މިސާލު: ސައި ފުރޭނި ފުށް ފުރޭނި (2) "ފުރޭނުން" މިބަހުގެ ނިމިނިމުނުކަން
ފުރޭތަހިފުން
މ މަޖާޒު: ކުއްޖެއްގެ ނުވަތަ މީހެއްގެ ކިބައިގައި ވިޔާނުދާ ނުބައި ސިފަތަކެއް އަށަގަތުން މިސާލު: އޭނާ މިހާރު އެހެރީ ފުރޭތަ ހިފާފައެވެ އޭނާ އެހެރީ ނަޞޭޙަތުން އަރާފައެވެ
ފުޅު
ނ (1) މީހެއްގެ ދަރަޖަ މާތް ކުރުމުގެ ގޮތުން އެމީހެއްގެ ނަމުގެ ފަހަތަށް އިހުގައި ގުޅައި އުޅުނު އަކުރެއް. މިސާލު: ޙަސަންފުޅު މޫސާފުޅު (2) މާތްކުރުމުގެ ގޮތުން ނަމެއްގެ ފަހަތަށް އިތުރުކުރާ އަކުރެއް މިސާލު: އަނގޮޓިފުޅު ހިނިފުޅު
ފުއްދުން
މ (1) ލިބޭ އެއްޗަކުން ހަމަ ޖެއްސުން (2) ކަމުދުއްވުން (3) ކޮށްދޭން ނުވަތަ ކުރެން ބުނާކަމެއް އެގޮތަށް ކުރުން މިސާލު: ވަޢުދު ނުވަތަ ނަދުރު ފުއްދުން
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފުމުން
މ (1) އެކިއެކި އެއްޗިއްސަށް އަނގައިގައި ހުންނަވައި ފޮނުވުން (2) ބައެއް ކަހަލަ އެއްޗެއްސަށް އަނގައިން ވައި ފޮނުވައިގެން އަޑުނެރުން މިސާލު: ތާޅަފިލި ފުމުން (3) މީހަކު ނުވަތަ ދިރޭއެއްޗެއް އަމިއްލަ ބާރާއެކު ހަށިގަނޑު އުފުލާލައި ކުށްލިއަކަށް އެއްތަނުން އަނެއްތަނަށް ދިއުން
ފުދުނު ބަކަރި ހެދިގެން އުޅުން
މިސާލު: މީހަކު ހެދިހައިގޮތަކަށް ރުހިގެން އުޅުން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫނެތްފަޔަށް ފެންފުރުން
މ )މިސާލުބަހެއް( ފައިދާއެއްނެތް މަސައްކަތް ކުރުން
ފޫބުރި
ނ (1) ވާގަނޑުނޮޅި ޖަހާ ފުޅި މިފުޅި ހުންނާނީ މައްޗަށް ހިމަކޮށް ކަރެއްލައިފައި ތިރިޔަށް ފުޅާކޮށް ފޫހަމައަށެވެ (2) މައްޗާއި ފޫހުންނަ ބައެއް ކަހަލަ އެއްޗެހީގެ ތިރީބައި މިސާލު: ސިލުނބުގެ ފޫބުރި
ފެނުން
މ (1) ލޮލަށް އިހްސާސްވުން (2) ސިކުނޑިއަށް ނުވަތަ ހިތަށް އެއްޗެއް ނުވަތަ ކަމެއް ސިފަކުރެވުން (3) ކުރިން ހުރިކަން އެނގިފައި ނުވާ އެއްޗެއް ހުރިކަން އެނގުން މިސާލު: ތެޔޮ ފެނުން (4) ގެއްލިފައިވާ އެއްޗެއް ނުވަތަ މީހެއް ހުރިތަން ނުވަތަ އޮތްތަން އެނގުން (5) ބުއްދިއަށް ލަފާކުރެވުން
ފެންނެތްތާބަކަތެޅުން
)މިސާލުބަހެއް( އެކަށީގެންވާ ރަނގަޅު ނަތީޖާއެއް ނުލިބޭ ތަނެއްގައި މަސައްކަތް ކުރުން
ފެންނެތްތާބަޑިތެޅުން
)މިސާލުބަހެއް( ފެންނެއްތާ ބަކަތެޅުން
ފެންބޮއިފައިވައިލުންހާ ފަސޭހަ
)މިސާލުބަހެއް( ކަމުގެ ފަސޭހަކަން ދެއްކުމަށްޓަކައި ބުނާބަހެއް
ފެންބޮވުން
މ (1) މީހަކު ނުވަތަ ދިރޭއެއްޗެއް ފެނަށް ބޭނުންވެފައިވުން މިސާލު: މިއީ ވަރަށް ފެންބޮވާ ދުވަހެކެވެ (2) އިޚްތިޔާރަކާނުލައި އެތެރެހައްޓަށް ފެން ވާޞިލުވުން (3) މަޖާޒު: އެދުންވެރިވުން