radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ފަރުމާނުމަންދޭލަ
ނ ހަމަރިޔާ ނަގާއެއްޗެހީގެ މައިރިޔާ ނެގުމަށް ހަންޖަލަށް ލުއިކޮށް ދިނުމަށް އަރަލުގެ މެދުގައި ޖަހައިފައި ހުންނަ ދެރޯޒުގެވާ މިހުންނާނީ ދެފުރޮޅުލީ ދެކައްޕި ގުޅައިފައެވެ ބޮއްކުރާ ނަގަނީވެސް މަންދޭލުންނެވެ
ފަޅު
ނ (1) ރަށްރަށުގެ ތޮށްޓާއި ރަށާދެމެދުގައި އޮންނަ ތިލަ ހިސާބު ފަރާއި ގިރިޔާ ގުޅިގެން ވެސް ފަޅުއޮވެއެވެ (2) ނއ މީހުން ދިރި ނޫޅޭ (3) ތަނެއްގައި ހުންނަންވީ އެއްޗެއް ނުވަތަ ބަޔެއްގެ ތެރޭ ހިމެނެންވީ މީހަކު ނެތިގެން ވާ އުނި
ފަޅޯބަޑި
ނ ކުދިންކުޅެން އޮނުން ހަދާއެއްޗެއް. މިހަދައިފައި އޮންނަނީ ގާތްގަނޑަކަށް ފޫޓެއްވަރުގެ އޮނުބަދައެއްގެ ލޯވަޅުން ހިނގާވަރުގެ މުށްލީ ދަނޑިކޮޅެއްލައިފައެވެ. މިބަޑީގެ އުންޑައަކީ އޮނުކޮޅުގެ ދެކޮޅަށް ލައްވާ ގިތި ދެ ފަޅޯކޮޅެވެ މިބަޑި މަގޫ ދަނޑިންވެސް ހަދައެވެ
ފަޅޯގަހުއިބިލީސް
ނ (1) މަދިރިއާ ވައްތަރު ނަމަވެސް އެ އަށްވުރެ ތަންކޮޅެއް ބޮޑު އެއްޗެއް މި އެންމެ ގިނައިން އުޅެނީ ފީވެ ހަލާކުވަމުންދާ ފަޅޯ ގަހުގެ ބުޑާއި ގަސްގަނޑު ފަދަ އެއްޗެހީގައެވެ (2) ފަޅޯގަހު މަދިރި
ފައިންޕުޅުހިފުން
މ ރަސްގެފާނު ފައިންޕުޅު ދައްކަވަން އިންނަވާއިރު ހަނގު ބޭކަލުންނާއި ދެންވެސް ފައިންޕުޅު ހިފަންޖެހޭ މީހުން ފައިންޕުޅުގައި އަތްލައިފައި ތެދުވެ ކުރުނީސް ކުރުން
ފައިބިމުޖެއްސުން
މ (1) އިހުގައި ވިހައިގެން އުޅޭމީހުން އެނދުން ބިންމައްޗަށް ބޭލުން މިކަން ކޮށް އުޅެނީ އިރުވަރު ބަލައި ފަންޑިތަވެސް ހަދައިގެންނެވެ
ފަދައަކުންކުރެ ފަދައެއްނެތުން
މ މަޖާޒު: ތިމާގެ އަތުގައި އެއްވެސް އެއްޗެއް ނެތުން
ފަތަފޮޅި
ނ (1) ހަނޑޫފުށް ނުވަތަ އެހެންވެސް ފުށަކުން ފަތުގައި ޖަހައިގެން ރޮށްޓަށްވުރެ ބޯކޮށް ކުޅިކޮށް ނުވަތަ ފޮނިކޮށް ފިހާ ކާއެއްޗެއް (2) މަޖާޒު: އަންހެނުންގެ ކުރިމަތި ފަރާތް
ފަސްބެރުގައިޖެހުން
މ ގާއޮޑީލަވައިގެ އަންބާބެރު ޖަހާއިރު ޖަހާފަސްބެރުޖެހުން )އިހުގައި ރާތީބު ކުރާއިރުވެސް މި އަންބާ ބެރު ޖަހައެވެ
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ފާނަބުޅި
ނ ފާނަ ބޭނުމަށްޓަކައި ބޭނުންކުރާ ބުޅި މިއީވަރަށް ފަސޭހައިން ހެދޭ ބުޅިއެކެވެ އަފުނޯސް ކައްޓެއް ބުޅިއެއްހެން ލަނބާލީމާ އެހެދެނީވެސް ފާނަބުޅިއެކެވެ
ފާންތިލަ
ނ އާނުކެނޑުންފަދަ ކަންތަކަށް ބޭނުންކުރާ އެއްކޮޅު ފަތިކޮށް އަނެއްކޮޅު އޫކޮށް ހުންނަ ދަގަނޑެއް މީގެ އޫކޮށް ހުންނަ ކޮޅު ހަމައަށްވެސް ހުރެއެވެ
ފާރުހިއްކުން
މ ހަށިގަނޑުގައި ފާރުހުރި ތަނެއް ކޮންމެވެސް ބޭހަކުން ފަސޭހަކޮށްލުން
ފާވުން
މ (1) މޭވާފަދަ ތަކެތި ދޮންވެގެންގޮސް މަޑުވުން (2) ބަނބުކެޔޮ ފަދަ ތަކެތި އެއްޗަކަށްލައި ބަންދުކޮށް ހާސްކުރީމާ މަޑުވުން (3) ބަލިމަޑުކަން މެދުވެރިވާ މެދުވެރިވުމަށް ބުނެއުޅޭ ބަހެއް (4) ކަމެއް ނުބައިކޮށްފާނެ ފަދަ މީހަކު ތަނަކަށް އައުމުން ބުނެއުޅޭ ބަހެއް މިސާލު: އެއްވެސް ކަމެއް ނުނިމުނީ އޭނާ އެތަނަށް ފާވެގެންނެވެ (5) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭނުބައި ވުމުގެ ސަބަބުން މަޑުވުން (6) އެއްޗެހި ނުވަތަ ފެން ފެންގަނޑު ތަޣައްޔަރުވެގެން ނުބައިވުން
ފާތިޙާޔަށްނަންގަތުން
މ ފާތިޙާ ދުވަހު ފާތިޙާޔަށް ކެއްކޭގޮތް ނުވީމާ ސައިފޮދެއް ދީގެން ނަމަވެސް މީހަކުލައްވައި ފާތިޙާ ކިޔަވައިފައި ދެން ފާތިޙާޔަށް ކެއްކޭ ދުވަހަކަށް ފަސްކުރުން
)މުސްކުޅިބަސް( ނުބައިކަންތައް ކުރާމީހާއަށް އެހެންމީހަކުވެސް އެފަދަ ކަމެއް ކުރާނެއޭ ހީވާނެކަން އަންގައިދިނުމަށް ބޭނުންކުރާ ބަހެއް ފުޅަށް ބުޑުން ދަންޏާ ދޮން ޙަސަނަށް ހީވާނީ ކެޔޮގަނޑު ކަނޑާ ހެންނެވެ
ފުޅަލި
ނ ގޯއްޗަށް ނުވަތަ ގިފިއްޔަށް ވަންނަ ދޮރުގައި ދަނޑި ފަނުން ހަދައިފައި ހުންނަ ދޮރުފަތް މިބާވަތުގެ ދޮރުފަތުގައި ޓިނު ނުވަތަ ގޯނިވެސް ޖަހައިފައި ހުރެއެވެ
ފެންވަޅު
ނ ފެން ބޭނުން ކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިފައި ނުވަތަ އެނޫންވެސް ގޮތަކަށް ތައްޔާރުކޮށްފައި ހުންނަތަން
ފެންމޯޓަރު
ނ ތާނގީއަކުން ނުވަތަ ވަޅަކުން ނަމަވެސް ފެންނަގައިދީ ބޭނުންވާ ތަނަކަށް ހޮޅީގެ ތެރެއިން ފެންފޮނުވާލަދޭ ގޮތަށް ހަދައިފައި ހުންނަ ކަރަންޓުން ހިންގައިދޭ އެއްޗެއް
ފޮސްގަނޑު
ނ )ހ.( (1) ފޮސް ލަކުޑި. (2) އެއްވެސް އާރެއް ނުވަތަ ހަރުކަމެއް ނެތް ލަކުޑި (3) މަޖާޒު: ފަލަވެގެން ހެލިފެލިވުން އުނދަގޫ ކަންނެތް މީހާ