radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ބަލިބުރަކެއުން
މ ބައްޔެއްގެ ސަބަބުން ލޮޑުވެފައިވުން
ބަލިވުން
މ (1) ޞިއްޙަތަށް ގެއްލުންލިބޭ ކަހަލަ ކަމެއްވުން (2) ދެރަވުން (3) ވަރުބަލިވުން
ބަލިވެއިނުން
މ މާބަނޑުވުން
ބަސް ފުރޮޅުން
މ ބަހުގެ އަކުރުތައް އިސްފަސް ކުރުން. ނުވަތަ އޮޅުވުން. މިސާލު: )ހ( ލަކޭ - ކަލޭ. )ށ( މަދަރުވެރިކަން ދަރުމަވެރިކަން )ނ( "ތުންގުރާހުޅަވާތިފަޅުކަ" ހުޅަނގުފަރާތުން ކަޅުވާތި
ބަސްހުއްޓުން
މ (1) ހާލުނެތިގެންގޮސް ވާހަކަ ނުދެއްކޭ ވަރުވުން (2) ބުނާނެ އެއްޗެއް ނޭނގިގެން އަނގައިން ނުބުނުން
ބަސްހޮއްލުން
މ (1) ބަސް މޮށެވުން (2) މާތް ދެމީހަކު ދެބަސްވެ ޒުވާބު ކުރުން
ބަސްއެހުން
މ (1) ކިޔަމަންތެރިވުން (2) ބުނާބަސް ގަބޫލު ކުރުން
ބަޑިވުން
މ (1) ބިޑިވުން (2) )ސ ޏ ( ބަނޑިވުން
ބަޑިފަޅައިގެންދިޔުން
މ މަޖާޒު: ހިތުގައި ޖެހިގެން ކުއްލިއަކަށް އަޑުއިވޭ ވަރަށް ރޮއިގަނެވުން
ބަޑިދަނޑިއެޅުން
މ (1) ބަޑިދަނޑީން އެއްޗެއް އޮބެހެއްޓުން (2) މަޖާޒު: މީހަކު ނުވަތަ ބަޔަކުލައްވާ ގަދަކަމުން ކަމެއް ކުރުވުން
ބަޑިތެޅުން
މ (1) ބަޑިތަކެއްޖެހުން (2) ދިގުދަލަށް މަސްލެވުން ފަދަ ބޭނުމަކަށްޓަކައި ފެންގަނޑުގައި ދަނޑިން ނުވަތަ އަތުން ތެޅުން (3) ފޮތިގަނޑެއް އަޑުގޮވާ ގޮތަށް ވަޔާ ތެޅުން (4) ހިނގޭ ގޮތަކުން އަނދެގެން ހުންނަ އެއްޗަކުން އަޑު ގޮވުން (5) މަޖާޒު: މީހަކާ ދިމާޔަށް ވަރު އަރުވައިގަތުން
ބަޑިގޮވުން
މ (1) އެތެރޭގައި ހޮއިހެދިފައިވާ އެއްޗެއް ނުވަތަ ވައިވަދެފައިވާ އެއްޗެއް ފަޅައިގެންގޮސް އަޑުއިވުން (2) މީހަކު ކުރިކަމަކާ ނުލައި ބަޑިޔެއްގޮވުން
ބަޑިޖެހުން
މ (1) ބަޑިގޮއްވުން (2) ބައެއްތަކެތި އަނދަމުންދާއިރު އަޑުގޮވުން (3) ފޮށާފަދަ ތަކެތި ފޮޅާލައިގެން އަޑުގޮއްވުން (4) ފަންތޮށިގަނޑުކުން ނުވަތަ އެހެންވެސް އެއްޗަކުން ތަނެއްގައި އަޑުގޮވާނޭ ހެން ޖެހުން (5) މަޖާޒު: ރުޅިއައިސްގެން އެއްޗެހި ގޮވައިގަތުން (6) ބައެއް އެއްޗެހި ތެލުލައި ހަނާކުރަމުންދާއިރު ފަޅައިގެން ދާއަޑު ގޮވުން
ބަޑޮވުން
މ )ސ ( ކޮރުވުން
ބަޔާނާކުރުން
މ (1) އިންނާންކަމަށް ނުވަތަ ވިއްކާން ކަމަށް ވަޢުދުކުރުވުން (2) އަންހެނަކަށް ޚަރަދުދީގެން ތިމާގެ މައްޗަށް ބޭންދުން
ބަޔާން
ނ (1) ކަމެއް ހިނގި ގޮތާބެހޭ ގޮތުން ނުވަތަ ކަމަކާބެހޭގޮތުން ފާޅުކުރާ ބަސްތަކެއް (2) ގައިމުވާ ގައިމުވުން (3) ތަހުޤީގެއްގައި މީހެއްގެ ފަރާތުން ހޯދާބަހެއް
ބަޔާންވުން
މ (1) ފާޅުވުން (2) ޔަޤީންވުން
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބާހަގޮވުން
މ ކުކުޅު ހާލަށް ގޮވާގޮވުން. މިސާލު: ބާހަ ބާހަ ބާހަ
ބާރީޖެހުން
މ ބާރީ ފެނުޖެހޭވަރަށް ބަރާވުން